Johan 4:11 - Angami Naga CL (Re-edited) Bible (BSI)

¹¹ Thenupfü puo ki, “Kezhau, no mekou puorei se tuo mo, siro dzükhouu rei sou. No kirapuo nu kerhei dzü süu ngulietuo ga?

Johan 4:11 Iomraidhean Croise

Jeremia 2:13

A themiako mha kesuo kenie chüwaketa la; uko a khawate, kerhei dzüluou, sidi uko thuo dzükhou thielie, rükoketa dzükhou kro puo, dzü thoulie kelho dzükhou kro puo.

Johan 3:4

Nikodema sie puo ki, “Kimhiei di phichüketa ze mia puoe penuo lalietuo mu? Puo puo zuo va nu la le di penuolie vi me?”

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 7:37

Thenyi thela kemeyietho nhie Jisu siethalie di shie puo rhiechü di sie, “Kehoupuorei terhükezhau bu a ki vorliecie,

Mhakechüko 10:14

Derei Pitor sie, “Sisuomu, Niepuu; a mhakipuorei rhuketa morei mesa kemo vie cüya chie mocü la,” sishü.

Korintmiako Kerieu 2:14

Kehoupuorei ruopfü themia kemomia Ukepenuopfü Ruopfüu mhaphruoko ngulie kenjü, kekreilamonyü puo mhodzüki die süko üse kenya die üya, mu uko die süko ca silie kenjü, kekreilamonyü Ruopfüu nunu si kekreilie morokesuo la.

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:1

Süsie teigeidielieu kerhei rüu tha a kie, mevapie kristal mhie, Ukepenuopfü mu Tekuonuou kedibau nunu kru par,

Pesikeshü 22:17

Sitse Ruopfüu mu yasapfüe, “Vorliecie,” isi. Siro kehoupuorei rünyükeliemia, “Vorlie,” sicie. Tsiu kehoupuorei keterhüu vorliecie. Kehoupuorei kerheidzüu mengukezhamia methuo di lieliecie.

Pesikeshü 7:17

kekreilamonyü kedibau metsuo nu keba Tekuonuou bu uko kepfheu chütatuo, mu puo uko cha tha ze kerhei dzüluoko nu votuo, Ukepenuopfü thuo uko mhi nunu uko mhidzü sü phrewatuo.”