Johan 4:10 - Angami Naga CL (Re-edited) Bible (BSI)

¹⁰ Jisu sie puo ki, “No Ukepenuopfü mha methuo khashüyakezha si, mu n ki, ‘Dzü pie a bu kriecie,’ ikethau supuo shicü si ücüwe, no puo ki mha chatuo, mu puo kerhei dzü khapie n tsütieciü.”

Johan 4:10 Iomraidhean Croise

Chieliko 10:17

Jihova, noe rünuokelieko mengu siya, noe uko melou chü pekuoshütuo, n nyie kedeipie uko pfhe situo.

Chieliko 46:4

Sünu kerü puo keba dzükrukoe Kepenuopfü nadiu nou chü pemvüya, Kerükrietho-u bayakezha kemesa chüu.

Toukepra 17:6

Harie, a Horeb nu tsiekrieu gei n mhodzünu thatuo. Noe tsiekrieu vüshütuo mu süu nunu dzü partuo, themiako bu krielieketuo la.” Ru Mosae Israel phichüko mhinguki nu sükemhie chüshü.

Solomon Üzo 4:15

Tezie nu dzüluo, kerhei dzükhou, siro Lebanon nu kerüko.

Isaya 12:3

N nei di kelakelie dzükhouko nunu dzü ütuo.

Isaya 35:6

sitse phiyho-u chüzhie tuoi rüthe tuo, mu keliehuou puo keneipfü kelituo. Rayhau nu dzüko rüluo partuo, mu kijükesia nu rücü dzüko krutuo.

Isaya 42:6

Ae Jihova, kemiatho nu a thuo n kielie, a n dzie teshülie di n se bate; ae n khapie pfhekho puo chü di themiako tsüwate, seyieko la kezie puo chü di,

Isaya 43:20

Nhachüko, meseruko mu ostrikko a rhutuo; ae rayha nu dzü khashü, kijükesia nu kerüko khashü, a kedakelie themiako bu krieketuo la.

Isaya 44:3

Ae keterhü kijüu gei dzü rushütuo, mu kijü keso-u gei rücüko khatsütuo; a a ruopfü rupie n nuosenuoyie gei shütuo, mu a theja khapie n yieu gei shütuo.

Isaya 49:10

Ukoe terhümerülie lho, teikhrie kele morei niaki uko bie pesuowalie lho, uko ngumezhiekeshüu thuo uko cha thataketuo la, mu puoe dzüluo kenyira uko ze votuo.

Isaya 9:6

Nuo puo penuopie u tsüshüte, thepfunuomia puo pie u tsüshüte, kekuo puo bouka gei tuo; mu puo za thopie Mharhükesi Ungo-u, Kekuo Kepenuopfü, Kechachie Puou, Vitho Kedinuou chütuo.

Jeremia 2:13

A themiako mha kesuo kenie chüwaketa la; uko a khawate, kerhei dzüluou, sidi uko thuo dzükhou thielie, rükoketa dzükhou kro puo, dzü thoulie kelho dzükhou kro puo.

Ezekiel 16:35

Süla, he-i thethenupfü, Jihova die rünyüliecie:

Zekaria 13:1

Sünhie David kiu gei kephouma mu mesa kemoko khrü kemesaketuo la dzüluo puo partuo.

Zekaria 14:8

Sünhie Jerusalem nunu kerhei dzüluou partuo, süko ketoupuoe niathutsa dzükezhatsa votatuo mu ketoupuoe niakratsa dzükezhatsa votatuo; süu teile ki rei teisei ki rei si zotuo.

LUK THUKESHÜ DIELIEKEVI 11:13

Siro nie kesuomia zo rei, mha kevi pie nie nuonuo ketsü do si ro, teigei keba Puou Kemesa Ruopfü pie puo ki chayakezhamia tsü phishü motuo me?”

Johan 16:3

Uko mha hako chütuo, ukoe Puou morei a si mocü la zo.

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 3:16

“Siro Ukepenuopfü kijüu khriethor zo di puo Nuo pfuliu khashü zo, kekreilamonyü themia kehoupuorei puo pelekelieu kaüjüta mo di kechachie kerhei ngulieketuo la.

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 6:35

Jisu sie uko ki, “A sü kerhei niekhrüdau zo. Themia kehoupuorei a ki kevormia merütalie lho, mu kehoupuorei a pelekezhamia terhüta lho zo.

Johan 6:51

A teigei nu keker niekhrüdau zo. Kehoupuorei niekhrüda hau cü ro kechachie rhei tuotatuo, mu kijüu bu kerhei ngulieketuo la khakeshü niekhrüdau sü a chü zo.”

Mhakechüko 9:11

Süki Niepuu puo ki, “Sieliecie, sidi tuo cha Kemezhüu üyakezha nu volie mu vo Juda kinu keba Saul ükecü Tarsmia puo ketsocie. Puo tsie kecha chü bate,

Rommiako 8:32

Puo thuo puo Nuou zorei khrie mo di u pete la khashü üro, puoe mha kekrei pete puo Nuou sa khashü u tsü motuo me?

Korintmiako Kerieu 1:30

Puoe Khrista Jisu geinu nie kerheiro bo-u zo, u la Ukepenuopfü kinu mhasi, siro miathokecü mu chü kemesakelie tsiu u rhakelieu chüte,

Korintmiako Kerieu 10:4

mu ruopfü kitsa kekrie puo krie phre. Uko ze ketuo ruopfü tsiekrieu geinu krie phrecü la, siro tsiekrie süu Khristau zo.

Korintmiako Kenieu 9:15

Ukepenuopfü mha methuo pie ketsü pu phalie kelho-u la puo tshe!

Efesako 2:8

Siro niekoe kepele la ngukemezhie nu kelakelie zo, süusü nie kevikekuo la mo zo, süu Ukepenuopfü thuo methuo khakeshü zo,

Ibriko 6:4

Kekreilamonyü thiedzü huomia u kenei ngulie, mu teigei mhaphruo rei metha tsiu Kemesa Ruopfü rei u ya nyilie,

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:17

Sitse Ruopfüu mu yasapfüe, “Vorliecie,” isi. Siro kehoupuorei rünyükeliemia, “Vorlie,” sicie. Tsiu kehoupuorei keterhüu vorliecie. Kehoupuorei kerheidzüu mengukezhamia methuo di lieliecie.

Pesikeshü 7:17

kekreilamonyü kedibau metsuo nu keba Tekuonuou bu uko kepfheu chütatuo, mu puo uko cha tha ze kerhei dzüluoko nu votuo, Ukepenuopfü thuo uko mhi nunu uko mhidzü sü phrewatuo.”