Johan 3:35 - Angami Naga CL (Re-edited) Bible (BSI)

³⁵ Puoue Nuou khrieya mu mha pete khapie puo tsüwate.

Johan 3:35 Iomraidhean Croise

Keriekitho 41:44

Süsie rei Faroe Josef ki, “Ae Faro, mu mia puo bu rei n sanyü mo di Ijipt kijü pete nu puo dzie morei puo phi chashülie lho zo.”

Keriekitho 41:55

Siro Ijipt kijü pete nu mhajüta tse, themiako Faro ki kecüca cha, Faro Ijiptmia pete ki, “Josef ki volie, puo nieko ki mhakehoupuo pu shierei süu chüliecie.”

Chieliko 2:8

A ki chacie, siro a seyieko pie n phruotuo, mu teiboteiyo ketso pie n vie chüshütuo.

Mhasidie 8:30

süki a puo ze tuo, puo ze mhachüyakezhamia puo tuoi mu teisonhie ae puo keneiu, puo mhodzüki a nei siei vor zo.

Isaya 42:1

Harie, a kituou sü, a mengupie kethau sü, a kedakelieu, a ruopfü puo ngu puo neiyakecüu, a a ruopfü pie puo gei shüwate; puoe kemezhüu se vor seyieko tsütuo.

Daniel 7:14

Siro mia mho dikecü mu zapuzayie tsiu kedi kechü pie puo tsüshü, themia peteko, seyieko, tsiu die kekreikreikecüko bu puo lie chütuo üdi. Puo mia mhodiketuoe kechachie di baketuou zo, süu jütalie lho, mu puo kedi rei pekawalie kelho puo zo.

Mathi 11:27

A Puo thuo mha pete pie a dzie nu shüwate; mu Puou thuo zo kemosie miapuorei Nuou siya mo, sütuoi Nuou mu Nuou thuo süu thapie kieshüketuoko zo kemosie miapuorei Puou siya mo.

Mathi 17:5

Siro puo die pu thaluocü nu, kimhou ziekruoikecü puo shü mhai vor uko zepfülieta, tsiu kimhou geinu harie mhapfhe puo, “Hauha a Nuo a Khrietho-u zo, a puo ngu a neithoyakezhau, nieko puo die rünyüliecie,” isi vor.

Mathi 28:18

Ru Jisu vor di sie uko ki, “Teigei rei mu kijü rei kekuo pete pie a tsüwate.

Mathi 3:17

Sitse teigei nu mhapfhe puo sie, “Hau a Nuo, a kekhrietho-u, a puo ngu a neithor zo,” isi.

LUK THUKESHÜ DIELIEKEVI 10:22

A Puou thuo mha peteko khapie a dzie nu shüwate, Puou zo kemosie miapuorei Nuou supuo shi siya mo, sütuoi Nuou mu Nuo süu thuo thapie kiekeshüu zo kemosie miapuorei Puou supuo shi siya mo.”

Johan 13:3

Puoue kekuo pete khapie Jisu dzie nu shüwaketa, siro puoe Ukepenuopfü kinu vor zokecü mu Ukepenuopfü ki la votaketuo puoe si ba,

Johan 15:9

A Puoe a khrieyakezha tuoi a nieko khrieya, nieko a kekhrie nu baliecie.

Johan 17:2

No themia pete mho kekuo pie puo tsüwa di puo bu kechachie kerhei pie süko tsülieketuo chüshüwaketa la.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:26

A uko bu n zau siliete, mu süu mia silie zotuo, sidi no se a khrie vorkecü kekhrieu bu uko nou balie mu a bu uko nou balieketuo la.”

Johan 5:20

Puou, Nuou khrieya mu puo thuo chüyakezhako pete thapie puo kieya, siro nie bu nie ngolieketuo la puo hako ki rei mhatho zhakuocü thashü puo kietuo.

Johan 5:22

Sütuoi Puoue miapuorei capi chüya mo, derei capi chüketuo kekuo pete pie Nuou tsüwate.

Korintmiako Kerieu 15:27

Kekreilamonyü “Ukepenuopfüe mha pete pie puo phi khro shüwate.” Derei “Mha pete pie puo khro shüwate,” idi kepuu nu mha pete pie puo khrokeshüu sa mo.

Efesako 1:22

Siro puo mha pete pie puo phi khro shüwate mu puo bu kehouu la mha pete mho bate,

Ibriko 1:2

derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo.

Pitor Kerieu 3:22

Süu puo tsie vo teigei Ukepenuopfü zatsa nu teigeidielieko, kezhako mu kekuoko mho di bate.