Johan 3:34 - Angami Naga CL (Re-edited) Bible (BSI)

³⁴ Ukepenuopfüe ketsekeshüu Ukepenuopfü die puya, puoe mejü mo zo di Ruopfüu khashüyakecü la.

Johan 3:34 Iomraidhean Croise

Kediko Kenieu 2:9

Siro unie lutsakhie pfülie tse, Elija sie Elisha ki, “N kinu a zeketa mhodzü, a bu kedipuo chüshü n tsünu shiü chaliecie.” Sitse Elisha sie, “A n ki chaya, n kekuo de kenie bu a gei balieyi.”

Chieliko 45:7

No kemiatho n nei mu kerüzhü mecüya. Süla Ukepenuopfü, n Kepenuopfüe kenei tier se n kenhe pie n kromia mhoshüwate;

Isaya 59:21

Siro a la we haha a uko ze dietseidiekhokelieu, Jihovae siya; a ruopfü n gei kebau, mu a die pie n tie nu keshüko, n tie nunu, morei n nuonuoko tie nunu, morei n nuonuo nuonuoko tie nunu tuotalie lho, tsie yawinu mu kela ketso, Jihovae siya.

Levimiako 7:35

Hauha mi nu pie Jihova ki ruosuo khakeshü nunu Aron mu puo nuo thepfuko ya chükeshüu, uko bu Jihova zievo chütuo üdi uko khashüwakecü nhie nu chü kemesapie uko tsüwaketau,

Nuolhoutsüphrü 11:25

Süsie Jihova kimhouu nunu ker di puo ze kerüchü, mu ruopfü puo gei keba huo chüpie phichümia hiethenieko gei shüshü; mu ruopfüe süko gei volie tse ukoe siedzedie puta. Derei süsie ukoe sükemhie pu sa mota.

Mathi 12:18

“Harie, a kituou, a thuo puo kedakelieu, a khrieu, a nou zorei puo neiyakezhau. A a Ruopfü pie puo gei shütuo, mu puoe kethoca se Judakemoko pesishütuo.

LUK THUKESHÜ DIELIEKEVI 4:18

“Niepuu Ruopfüu a gei tuo, puo a bu dieliekeviu pie kejüko ki punu a kenhelieketa la. Puo a bu miadie chüketuoko khashüwaketuo pushieshünu, siro mhicieko bu mha ngu lalieketuo punu, tsiu mia bu u pesekezhako khashünu,

Johan 1:16

Puo tshupfüketuo geinu we ngukemezhie sie rei ngukemezhie ngu phrelie.

Johan 15:26

“A u Puou kinu ketsepie nieko ki shüketuo Thukepeluou, Puou kinu kepar ketho Ruopfüu, nieko ki vorlie ro puo thuo a zhapu chülietuo.

Johan 16:7

Sirei a nieko ki dietho-u pu zotuo; a tuotakecü we nieko la kevi zo, kekreilamonyü a tuota moliro Thukepeluou nieko ki vorlie lho; derei a tuota liro, a puo ketsepie nieko ki shütuo.

Johan 3:17

“Siro kijüu bu jotatuo üdi Ukepenuopfü puo Nuo ketsepie kijü nu shü monyü, kijüu bu puo la kelakelie ngulieketuo la zo.

Johan 5:26

Puoue kerhei puo nou ketuo tuoi, Nuou bu rei kerhei puo nou tuolieketuo Puoe khashüwate.

Johan 7:16

Sitse Jisu sie uko ki, “A se pethayakezhako a die mo, derei a ketsekeshüu die zo.

Johan 8:40

derei nieko a Ukepenuopfü kinu sikelie ketho-u pie pukeshü la nieko a dukhriwatuoü pfhü tuoya. Abraham mha sükemhie chü mo zo.

Johan 8:47

Kepenuopfü kinu kevormia kehoupuorei Kepenuopfü dieko rünyüya. Sirei nieko Ukepenuopfü kinu vor kemo la süko rünyüya mo.

Mhakechüko 1:2

puoe Kemesa Ruopfü geinu morokesuoko pie puo thuo kedakelie apostelko pethashüwa di puo ze teigei khoketa nhie ketso dze thushüwate.

Mhakechüko 10:38

Süusü Ukepenuopfüe kimhie di Kemesa Ruopfü mu puo kekuo kha puo gei shü di Nazaret Jisu kenhelie shicü dze zo; puo lukihaki vo mha kevi chü mu terhuo kesuoko bu u keyhukezhie ze tuoketa khe chü keshürhoshü, Ukepenuopfü puo ze ketuo la.

Rommiako 8:2

Kekreilamonyü Khrista Jisu nu kelhou kerhei Ruopfü zho-u thuo kephouma mu kesia nunu a shüphraliete.

Efesako 3:8

Kemesako donu kecütho-u zorei, ngukemezhie hau khapie a tsü di a bu dieliekeviu pie Judakemoko ki, si ketsolie kelho Khrista kinyiko dze punu,

Kolosiko 1:19

Kekreilamonyü puo geinu Ukepenuopfü rhi chüpfü tseikecüu baketuo puo neite,

Kolosiko 2:9

Kekreilamonyü puo gei Ukepenuopfü mo rhiu tseipfü di lhoushü,

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:1

Süsie teigeidielieu kerhei rüu tha a kie, mevapie kristal mhie, Ukepenuopfü mu Tekuonuou kedibau nunu kru par,