Johan 3:32 - Angami Naga CL (Re-edited) Bible (BSI)

³² Puoe puo kesikenguko puya, derei miapuorei puo zhapu die lielie mo.

Johan 3:32 Iomraidhean Croise

Isaya 50:2

Kiüdi a kevor ki miapuorei ba mo ga? Kiüdi a kiekeshü ki miapuorei pfhekho mo ga? A dzie dzüta di süu rhalie kenjüte me? Morei shüphralieketuo a kekuo jü üte me? A pfhükeshü geinu a dzükezha chü pesowa, a kerüko chüpie kijükesia chüwa; uko khuoko dzü kejü la mena, mu terhü di siata.

Isaya 53:1

Supuonie hie kesikenguko pelelie ga? Siro Jihova boue supuo pengushü ga?

Mathi 7:8

Kekreilamonyü kehoupuorei chayakezhamia ngulieya, mu kehoupuorei pfhüyakezhamia ngulieya, tsiu kikha khrüpie ketouyakezhamia tsüya.

Johan 1:11

Puo thuo puo vieko ki vor, derei puo themiako puo zelie mo.

Johan 15:15

A nieko üse kituomia üdi kie sa mote, kituomia puo niepuu kedipuo chüya shicü siya kemo la; sirei a nieko ü khriethoko üte, kekreilamonyü a a Puou kinu sikelie khe pie nie pesipengushüwate.

Johan 18:37

Sitse Pilat sie, “Siro no kedimia me?” Jisu sie puo ki, “No a üse kedimia üdi pu. Hau la a penuo vor, mu hau la a kijü nu vor, ketho-u zhapu chüshüketuo la. Ketho-u kitsatie ketha kheko a die rünyüya.”

Johan 3:11

“A n ki pu toushütuo, hie si kebau puya mu hie kenguu dze zhapu chüya; sirei nieko miapuorei hie zhapuu lielieya mo.

Johan 3:26

Süla uko Johan ki vor di puo ki, “Kepethau, mia puo Jordan rü khie niathutsa nu n ze ketuou, no puo zhapukechüu, harie, süu mia dzülu khashü tuote mu themia pete puo ki votazhie.”

Johan 3:33

Sirei kehoupuorei puo zhapu die liekelieu Ukepenuopfü ketho pu zo ükecü zasi vüpfülietaya.

Johan 5:20

Puou, Nuou khrieya mu puo thuo chüyakezhako pete thapie puo kieya, siro nie bu nie ngolieketuo la puo hako ki rei mhatho zhakuocü thashü puo kietuo.

Johan 8:26

A nieko dze puketuo mu pejoketuo ba phi; derei a ketsekeshüu ketho zo, mu a puo ki sikelieu se kijüu ki puyakezha zo.”