Johan 3:27 - Angami Naga CL (Re-edited) Bible (BSI)

²⁷ Sitse Johan sie, “Teigei nu khashü puo tsü kemosie miapuorei mhapuorei ngulie kenjü.

Johan 3:27 Iomraidhean Croise

Jeremia 1:5

“Ae n zuo va nu n rhikelie mhodzü a n si, tsiu n penuokelie mhodzü a n chü kemesaliete; a n bu seyieko ki siedzekesimia puo chütuo üdi petholiete,” si.

Jeremia 17:16

Derei a we n lietho nu kepfheu chü mo di tatatuoü mo zo, morei a kemeriekecü teisozhau menguta mo. Noe a tie nu kepar-u kedipuo shi si ba, süu n mhodzüki ba zo.

Amos 7:15

mu Jihovae a tekuo pfheketuo nunu a zelie, sidi Jihova sie a ki, ‘Vo di a themia Israel ki siedzedie pushücie!’ si.

Nuolhoutsüphrü 17:5

Sitse a puo kedakelieu theu tsü parlietuo; sidi a Israelko n gei kenyayakecüko bu a ki vor sa motatuo.

Mathi 21:25

Johan mia dzülukepfüu kirapuo nu vor ga, teigei nu mo themia kinu ga?” Sitse uko thuo uko donu kepu di sie, “Mhanuü we ‘Teigei nu zo’ ishü ro, puoe sie, ‘Siüro nieko kiüdi puo pelelie mo ga?’ itatie.

Mathi 25:15

Süko mia puopuo chülie kevi le di talent pengou pie mia puo tsüshü, siro kenie pie kekrei puo tsü mu puo pie mia puo tsüshü. Süsie puo tuota.

Mark 13:34

Süusü mia puoe puo ki khapie puo kituoko tsüshü mu mhatho u thetse kha u tsüshü mu kikha kepfheu bu rei pfheüla balienushü di rüveketa mhie zo.

Johan 10:41

Süla themia kekra puo ki vor di sie, “Johan zowe u ngo zasi puorei chü mo, derei Johan themia hau dze kepu pete ketho phreta ze ha.”

Johan 6:65

Sidi puo sie, “Hau la a nieko ki: Puou thuo mia bu vorlie kevi chüshü kemosie miapuorei a ki vorlieya mo ücü pushüwata zo.”

Rommiako 1:5

geinu hie ngukemezhie nu apostel chükelie zo; sidi puo za nu Judakemomia seyie neiüko ze vor kepele diezeu nu shülieketuo la zo,

Rommiako 12:6

Siro ngukemezhieu nunu khakeshü u mhaphruo kekreikrei phre: süu siedzekesi mhaphruo üro, u kepeleu de ki ze mhachülie;

Korintmiako Kerieu 1:1

Paul, Ukepenuopfü medo nu, Khrista Jisu apostel chütuoü kielieketau, mu u siezeu Sosthene unie-e,

Korintmiako Kerieu 12:11

Derei Ruopfü puo zokecü süu thuo puo kele mhiei di keza kekreipie mia tsü reshü di süko peteko nu mhachüya.

Korintmiako Kerieu 15:10

Derei Ukepenuopfü ngukemezhie la a tsie chü tuoketau chülieta zo, mu puo a ngumezhiekeshüu thedo chüta mo. Sikecüumonyü a kekreiko pete ki rei a hie chükuo di mhachü, derei süu a monyü Ukepenuopfü ngukemezhie a ze ketuou thuo zo.

Korintmiako Kerieu 3:5

Ka, Apolo supuo ga? Paul supuo ga? Mia kituomia zo, di nie bu unie geinu pelekelie zo, süusü Niepuu thuo pelekeshü mhatho-u kechü zo.

Korintmiako Kerieu 4:7

No kreikecü supuoe ngu ga? No mha ngulie kemo kedipuo ba ga? No süu ngulie üro kidi methuo ngulie kemo puo mhiei kemelhaya ga?

Galatiako 1:1

Paul, themia thuo pethokeshü morei themia kekuo geinu mo, derei Jisu Khrista mu Ukepenuopfü u Puou, kesiako donunu Khrista phoukelieu kinu ketsekeshü apostel-u,

Efesako 1:1

Ukepenuopfü medo la, Jisu Khrista apostel chükelie Paul-e thupie Efesa nu kemesako mu Khrista Jisu nu dietho kebako ki keshü:

Timothi Kerieu 2:7

Hau la a kedapie zhapumia mu apostel chülie (A ketho-u puya, a meda mo zo) kepele mu ketho-u la Judakemomia kepethau zo.

Jakob 1:17

Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo.