Johan 3:21 - Angami Naga CL (Re-edited) Bible (BSI)

²¹ Derei ketho chüyakezha kehoupuorei u mhathoko Ukepenuopfü la chülie zo ücü pie pekieshüketuo la kezieu ki vorya.”

Johan 3:21 Iomraidhean Croise

Chieliko 119:105

N die-e a phi la mitubou puo, mu a cha nu kezie puo.

Chieliko 119:80

A melou bu noe chünukecüko kitsa pejolie kelho chücie, sitse a thenga chü molietuo.

Isaya 26:12

He-i Jihova, no hie la nouneu keseshütuo, hie mhachükelie pete, no hie la chü phreshüwate.

Isaya 8:20

Kepetha mu ketarhoketuo la? si. Derei hakemhie kepumia teiso kevor ngu lho tou zo.

Hosea 14:8

He-i Efraim, a n terhuorhiko se kedipuo chü ta? N pfhekhokeshü tsiu n meho kevor-u sü a zo. Ae saipres kepejo tuoi zo; n kemiatho a geinu vor.

Johan 1:47

Sitse Jisu Nathaniel puo ki vorkezhü ngu tse puo dze pu di, “Haki Israelmia ketho, mha kese puorei puo gei tuo kemo puo vorzhie.”

Johan 3:20

Kehoupuorei mha kesuo chüyakezhamia kezieu ngumecüya, ue u mhatho kesuo kechüu thashü mia kie moketuo la.

Johan 5:39

“Nieko kethodieko pfhü phrüya, kekreilamonyü nie süko nu kechachie kerhei ba ücü leyakezha la, mu süko a dze pu ba kethowe.

Johan 7:17

Themia kehoupuorei Kepenuopfü medo chü nyüya ro, die hau Kepenuopfü kinu vor mo, a thuo a kinu pie par shi silietuo.

Korintmiako Kerieu 15:10

Derei Ukepenuopfü ngukemezhie la a tsie chü tuoketau chülieta zo, mu puo a ngumezhiekeshüu thedo chüta mo. Sikecüumonyü a kekreiko pete ki rei a hie chükuo di mhachü, derei süu a monyü Ukepenuopfü ngukemezhie a ze ketuou thuo zo.

Korintmiako Kenieu 1:12

Ketho zo, hie kemelhakecü hauha zo, mu hie nou rei süu dzetsa zhapu chüya. Süu hie kijü hau nu kethera chie mo, mu hie nou hie tho chü di lhoushü zo, ba hurei lhoupie nieko tsükecütsa, mu süu kijü nu mhasi se di mbe, derei Ukepenuopfü kinu kepar ngukemezhie geinu zo.

Galatiako 6:8

No n chüüphou la tsia vashü ro, chüüphou geinu kekau re latuo; derei no Ruopfüu la tsia vashü ro, Ruopfü geinu kechachie kerhei re latuo.

Efesako 5:9

kekreilamonyü kevi mu kemezhü tsiu ketho pete nu kezieu si ngulieyacü la.

Filipiko 1:11

tsiu Jisu Khrista geinu voryakezha kemiatho siu bu nie tshulie di Ukepenuopfü bu thetshe mu zayie chülieketuou zo.

Filipiko 2:13

kekreilamonyü Ukepenuopfüe nie geinu mhachü tuo zo, sidi puo nei puo medo kemhiei chülieketuo la nie bu chü nyülie mu chülieketuo rei chüshüya.

Kolosiko 1:29

Sidi puo thuo a nou chüshükezha kekuou se a rhie a hie chü di mhachü tuoya zo.

Ibriko 13:21

mhakehoupuo nu rei nie chü pevi tseishülie, silie ro nie puo medo chülietuo, mu Jisu Khrista geinu nie gei puo mhinguki puo neiu chülie di kechachie Khrista bu zayie chükelieu chücie. Amen.

Pitor Kerieu 1:22

Tsie nie ketho-u dieze chükelie geinu nie ruopfü chü kemesaliete, nie donu kekhrie ketho-u bu balieketuo la, nie nou nu nie thochü di huoniehuo khrielie.

Johan Kerieu 1:6

Siro we puo ze kekrothoya üdi kezei nu tuoya ro, we medate mu ketho-u chüüzeya mo;

Johan Seu 1:11

Kekhrieu, mha kesuo dorielie hiecie, derei mha kevi dorielielie. Kehoupuorei mha kevi chüyakezhamia Ukepenuopfü kinu zo; kehoupuorei mha kesuo chüyakezhamia Ukepenuopfü ngu mo.

Pesikeshü 3:15

“A n mhathoko si; no meku rei mo, le rei mo. No meku morei lecü we a neituomu ru.