Johan 3:18 - Angami Naga CL (Re-edited) Bible (BSI)

¹⁸ Puo pelekeliemia pejolie lho; derei pelekemomia tsie rei pejopie bata zo, ue Ukepenuopfü Nuo pfuliu za nunu pelelie moketa la.

Johan 3:18 Iomraidhean Croise

Mark 16:16

Themia kehoupuorei pelelie di dzülupfükelieu kelalietuo; derei kehoupuorei pelelie kemo-u pejowatuo.

Johan 1:12

Sirei puo zekelie khe, puo za nunu pelekelieko, puo süko bu Ukepenuopfü nuonuo chütaketuo kekuo khashüwate;

Johan 1:18

Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Johan 20:31

Derei mha hako thukelie nie bu Jisue Khristau, Ukepenuopfü Nuou ükecü pelelie mu puo pelelie di puo za nunu kerhei ngulieketuo la zo.

Johan 3:16

“Siro Ukepenuopfü kijüu khriethor zo di puo Nuo pfuliu khashü zo, kekreilamonyü themia kehoupuorei puo pelekelieu kaüjüta mo di kechachie kerhei ngulieketuo la.

Johan 3:36

Kehoupuorei Nuou pelekelieu kechachie kerhei bate, kehoupuorei Nuou die ze kemo-u kerhei ngu lho, derei Kepenuopfü noupfhüu puo gei bataya.

Johan 5:24

A nieko ki ketho-u puya, themia kehoupuorei a dieko rünyülie di a ketsekeshüu pelekeliemia kechachie kerhei bate, mu sümia pejoketuo ba sa mote, derei kesia cie kerhei nu prate.

Johan 6:40

Kekreilamonyü kehoupuorei Themia Nuou meho di puo pelekeliemia kechachie kerhei ngulieketuo a Puou medota zocü la; mu a thelanhie uko phoupie kerhei nu shülietuo,” sishü.

Johan 6:47

A nieko ki pu toushütuo; kehoupuorei pelekelieu kechachie kerhei bate:

Rommiako 5:1

Siro kepele geinu u chü kemiatholie di we rei u Niepu Jisu Khrista la Ukepenuopfü ze kezeviliete,

Rommiako 8:1

Süla tsie we Khrista Jisu nu ketuoko pejokecü die jüte.

Rommiako 8:34

Supuonie mia pejolie vi ta? Süu Khrista Jisu, puoe siakeshüu, rheilasiekelieu, sidi puoe vo Ukepenuopfü zatsa ba di u la cha bate.

Ibriko 12:25

Nieko rüchü kethau meliewa molieketuo la nie kireiliecie; kekreilamonyü süko thuo rei kijü nu uko tarhokeshüu die ze mvüketa la rüdalie lhota ro, úko we teigei nu u rüchü kethau die rünyü mota ro talie lhokuota zotuo.

Ibriko 2:3

we kelakelie do zhapie hathede chükecüu lielie moro, kikidi talietuo ga? Süu Niepuu thuo pu rieshü, mu puo die rünyükelieko süu ketho zo ücü u ki zhapu chüshü,

Ibriko 3:19

Süla we ngukelie ukoe pele kemvü la sünu lelie mota zo.

Johan Kerieu 3:23

Mu puo diekhakeshüu sü, puo Nuou Jisu Khrista za nunu pelelie mu puo diekhakeshü mhiei di huoniehuo khriekecüu zo.

Johan Kerieu 4:9

Hamhie di Ukepenuopfü kekhrieu thapie u kieshü: Ukepenuopfü puo Nuo pfuliu ketsepie kijü hanu keshüe u bu puo geinu kerhei ngulieketuo la zo.

Johan Kerieu 5:10

Kehoupuorei Ukepenuopfü Nuou pelekezhamia zhapu süu puo nou bata zo. Kehoupuorei Ukepenuopfü peleyakemomia Ukepenuopfü üse ketijüu chüwate; themia süu Ukepenuopfü puo Nuou dze zhapu chükeshüu pele motacü la.

Johan Kerieu 5:12

Kehoupuorei Nuou ngulieketamia kerhei nyite; kehoupuorei Ukepenuopfü Nuou ngulie kemomia kerhei jü.