Johan 21:18 - Angami Naga CL (Re-edited) Bible (BSI)

¹⁸ A n ki pu toushütuo, no n khriesaki n thuo n chie phapfü di no vo kenyüra vo ze. Derei no tsata tse n dzienie yhashü di mia bu n chie phashü di n ze no vo nyü kemora rei votuo.”

Johan 21:18 Iomraidhean Croise

LUK THUKESHÜ DIELIEKEVI 12:37

Siro niepuu kevor ki puo kituoko puo pfhe ba di ngukelieko thejakepfütho; a nieko ki pu toushütuo, puoe puo chie phapfülie di süko bu mhacüketuo la ke balietuo, sidi puo vor mha ka kezapie uko tsütuo.

Johan 13:36

Simon Pitor sie puo ki, “Niepuu, no kirapuo votieya ga?” Jisu sie puo ki, “A kirapuo votieya shi no tsie sünu a medzi vorlie kenjü, derei hasie no a siemedzilietuo.”

Johan 21:17

Puo va seu puo ki, “Johan nuou Simon no a khrieya mo?” Pitor Jisu va se puo ki, “No a khrieya mo?” iketa la puo nousuota. Jisu sie puo ki, “A kuoko vachüliecie.

Johan 21:19

(Puo hau pukeshü puo kedipuo se chü di Ukepenuopfü za chü kemeyietie shicü thakeshü zo.) Süsie puo sie puo ki, “A siemedziliecie,” sishü.

Mhakechüko 21:11

Puo hie ki vor di Paul chiephau chüpie puo phi puo dzie phalie di sie, “Kemesa Ruopfüe pucü, ‘Chiepha hau seyakezhau Jerusalem nunu Judako bu puo phalietuo, sidi puo khapie Judakemoko dzie nu shüwatuo,’ ” sita.

Korintmiako Kenieu 5:4

Hie pfheki hau nu lhou keba ki, hie pie kemesiko toupfü meheimelo baya; süu hie hau rhuowa nyü monyü, hie ngulieketuou chüpfü nyücü la zo, sidi siaüjütalie kevi mo hau kerhei bu mezulieketuo la.