Johan 21:15 - Angami Naga CL (Re-edited) Bible (BSI)

¹⁵ Uko mhacükelie sie, Jisu sie Pitor ki, “Johan nuou Simon, no hako ki a khriekuoya mo?” Puo sie puo ki, “N zo, Niepuu no a n khrieya ücü si ba.” Jisu sie puo ki, “A kuonuoko vachüliecie,” sita.

Johan 21:15 Iomraidhean Croise

Keriekitho 33:13

Derei Jakob sie puo ki; “A niepuu si ba, nhicuko metei mo, siro tekuo mu mithu kroko a ze ketuoko unuonuo nuyacü la a uko ze menuo morosuo; mu mhanuü khunhie puo uko whuo keyieshü ro, thukro pete siatatie ru.

Samuel Kenieu 7:20

Siro David-e kedipuo n ki pu salie ta? Kekreilamonyü noe n kituou si ba, he-i Niepuu, Jihova.

Kediko Kenieu 20:3

“He-i Jihova, a n ki chaya, a kimhie di a nou ketho se n mhodzünu tuo shicü, mu n mhinguki mezhü ükecüu chü shicü tsie rükrashüyi.” Sidi Hezekia kra phita.

Isaya 40:11

Kuopfheu tuoi puoe puo kuoko vachütuo; tekuonuoko kengupie puo bou nu shülietuo, tsiu puo merü geinu uko pietuo, mu puo krüko menuo di ze tuotuo.

Jeremia 23:4

Siro a uko pfhelieketuomia pie uko mho shütuo, mu uko michie salie lho, morei u ziejü salie lho, morei puorei pejüwalie lho, Jihovae siya.

Jeremia 3:15

Siro ae a nouliemia pie nieko kepfhemia chüshütuo, ukoe kesikele mu puocapuola kesi se nieko vachütuo.

Ezekiel 34:23

A uko kepfhe puo khapie bawatuo; a kituou David uko va chütuo; puo uko vachütuo mu uko kepfheu chütuo.

Ezekiel 46:24

Sitse puo a ki, “Hako mhachaki, rüsuoki nu lietho chüyakezha themiako ruosuoko betuo.”

Mathi 10:37

Kehoupuorei a ki puo puo morei puo zuo khriekuota liro, puo a themia chülie sü mo; mu kehoupuorei a ki puo nuou morei puo nuopfü khriekuoya liro, puo a themia chülie sü mo.

Mathi 16:17

Sitse Jisu sie, “Jona nuou Simon, no thejakepfütho zo, chüüzie nunu monyü, teigei keba a Puou thuo pie n pesipengushü zokecü la.

Mathi 18:10

“Nieko kecü hako mia yopuorei pese molieketuo le terü zoliecie; kekreilamonyü a nieko ki pushütuo, teigei uko dielieko teigei kebau a Puou zie meho sei baya.

Mathi 26:33

Sitse Pitor sie puo ki, “Mia pete n khawa di tata zorei, a we silie lho zo!”

Mathi 26:35

Sitse Pitor sie, “A bu n ze siatuo ürei a n melietalie lho zo.” Siru pethakelie kekreiko pete rei sükemhie pu phreta.

Mark 14:29

Sitse Pitor sie puo ki, “Themia pete n khawa zorei a we n khawalie lho,” sita.

LUK THUKESHÜ DIELIEKEVI 12:32

“Michiepie hiecie, nie themia ketsa kro-u, kekreilamonyü nie Puou puo kedi khapie nie tsütuo ükecü puo nei puo medote.

LUK THUKESHÜ DIELIEKEVI 22:32

derei n kepele bu jüta molieketuo la a n la chashüwe, siro no rürei la vorkelie ki, n kezeko chü kethepfuliecie.”

Johan 1:42

Sidi puo Simon ze Jisu ki vorlie, sitse puoe puo meho di sie, “No Johan Nuou Simon te ha. No üse Kefa (puoca Pitor) ütuo.”

Johan 13:37

Pitor sie puo ki, “Niepuu, kiüdi a tsie n siemedzi vorlie kenjü ga? A n la a phou khashütuo.”

Johan 16:27

Puou nieko khrieya, nieko a khrieya mu a Puou ki nu par zokecü pele vor zocü la.

Johan 21:12

Jisu uko ki, “Vor di mhacüliecie,” sishü. Süki pethakelieko miapuorei puo üse “No supuo ga?” icü ketso nreita, kekreilamonyü uko puo Niepuu zo ükecü silieketa la.

Johan 21:7

Süki Jisue puo khrie kevor pethakelieu sie Pitor ki, “Puo Niepuu ta zo,” sishü, Pitor süu Niepuu ükecü silie tse puo methuo tuokecü la puo boulie selie di prou dzükezha nu leta.

Johan 8:42

Jisu sie uko ki, Ukepenuopfü nieko Puou liro nieko a khrietuo; a Ukepenuopfü kinu par mu vor zokecü la. A a thuo a medo nunu vor mo, derei puo thuo a ketsekeshü zo.

Mhakechüko 20:28

Süla nieko thuo zorei nie terüchü balie mu Kemesa Ruopfüue pie nie peleshüwaketa kro-u bu rei u kirei balie. Puo Nuou zie pie khrükelie Ukepenuopfü kehou kepfhemia chüliecie.

Mhakechüko 20:29

A tuoketa sie socie puo zho kesuoko nieko donu vor zotuokecü si ba, mu tekuokro-u khrielie lho.

Rommiako 14:1

Nieko kepele kethachümia zorei zeliecie, derei u kele pu keprüliketuo le hie.

Rommiako 15:1

We meteiketako, u thuo u nei u nyü chüta mo di kethachüko kho rei yalie zhü.

Korintmiako Kerieu 8:11

Süla n mhasiu la puo kepele kethachüu, Khristae puo la siakeshü n siezeu bu katatuo.

Galatiako 5:6

Kekreilamonyü Khrista Jisu kitsa we zhükere mu zhürekemo ha mhapuorei kekrei mo; derei kepele üse kekhrie nunu mhachükezhau zo.

Efesako 4:14

We nhicumia chü di u ketsi pesuoyakezhako kepetha die mu themia thuo pfhükelie doko bu hepie lutsahatsa vawayakezha dzü rüpfhü mhiei tuolie lhote.

Efesako 6:24

Ngukemezhie bu jütaya kemo kekhrie pie u Niepu Jisu Khrista khrieyakezha peteko ze tuokelieu chücie.

Ibriko 13:20

Siro Ukepenuopfü nouneu, puoe kesia nunu u Niepuu Jisu chü perhei lakeshüu, tekuoko kepfhekezhau, puo zie geinu kechachie dietseidiekhokelieu bu

Ibriko 4:13

Mu puo mhodzünu chüpie keba kerheiro puorei rüshükelie jü, sizomonyü we puo mhodzünu u thuo u rüli pie pu phre zoketuou mhi nu zowe mha peteko hielapie meyiemeluopfü ba zo.

Pitor Kerieu 1:8

Nie puo ngu mo rei, nie puo khrieya; mu nie tsie puo ngu mo zorei nie puo peleya, sidi nie nei pie puphalie kelho zapuzayie nu tuote,

Pitor Kerieu 2:2

Sidi nuoranuomia mhie di ruopfü nudzü kemesau mengu siei zolie, süu geinu memie sie di kelakelie tsolieketuo la,

Pitor Kerieu 2:25

Kekreilamonyü nieko tekuo tuoi yotuo ru, tsie we nie ruopfü kepfheu mu rüguokezhau ki vorliete.

Johan Kerieu 4:19

Puo u khrie riekeshü la we mia khrieya.

Johan Kerieu 5:1

Kehoupuorei Jisue Khrista ükecü peleyakezhau Ukepenuopfü nunu penuolieta zo mu kehoupuorei puo krü khrieyakezhau puo nuo rei khrieya.

Pesikeshü 2:23

mu a puo nuonuoko dukhriwatuo. Sidi kehouko pete bu ae mia kelekemedo tsiu mia melouko silieyakezhau ücü silietuo, mu nie mia puopuo mhatho geinu zhakhra chü lapie tsütuo.