Johan 20:26 - Angami Naga CL (Re-edited) Bible (BSI)

²⁶ Siro zhadoudo puo sie pethakelieko Thoma sa di keze ki nu ba. Uko kikhapfü ba, derei Jisu uko donu ler thalie di sie, “Nieko keviu chüliecie,” si.

Johan 20:26 Iomraidhean Croise

Isaya 26:12

He-i Jihova, no hie la nouneu keseshütuo, hie mhachükelie pete, no hie la chü phreshüwate.

Isaya 27:5

Moro uko bu a keyau lielie uko bu a ze vitho chüwalie, uko bu a ze vitho chüwalie.

Isaya 54:10

Kijüthoukoe tuotalie vi, mu kijükhruko rüditalie vi, derei a kekhrie rüdi kemo-ue n kinu tuotalie lho, mu a vitho pfhekho-u setalie lho, Jihova n ngumezhiekeshüue siya.

Mathi 17:1

Zha sorou sie, Jisue Pitor mu Jakob siro puo siezeu Johan uko zelie di krei kijüthou kerükrie puo gei vota.

Mark 16:14

Süsie kerepuokrüko keze mhacü keba nu puo vo di uko pengushü; sidi puo uko kerhieta, kekreilamonyü uko kepele kejü mu uko nou kere la mu mia puo rheilakesie kenguko die rei pele mvüketa la.

LUK THUKESHÜ DIELIEKEVI 24:36

Siro uko hau dze kerüchü tuokecü nu, Jisu vor uko donu thalie di sie uko ki, “Nieko Keviu chüliecie.”

LUK THUKESHÜ DIELIEKEVI 9:28

Puo die hako pukeshü zha thetha sie, Pitor, Johan mu Jakob uko zelie di kecha chütuoü kijüthou puo gei khota.

Johan 11:16

Sitse Thoma, Nuobi ükezhau sie puo zeko ki, “Úko rei vo khe, puo ze sünu siashüketuo la.”

Johan 14:27

A nouneu khapie nieko tsüya, a thuo a nouneu khapie nie tsüya. Kijüue khapie mia tsüyakezha tuoi a pie nie tsütuoüzhü mo. Nie noukemezhieta suo mu michie rei ta hie.

Johan 20:19

Siro zhadoudo zha therie nhie thevatie pethakeliekoe kese, mu Judako keprei la kikhapfü di keze kehoukengupfü ba, süki Jisu vor uko donu thalie di sie, “Nieko keviu chüliecie.”

Johan 20:21

Jisu la sie uko ki, “Nieko keviu chüliecie. Puou a ketsekeshü tuoi, a rei nieko ketseshü ho.”

Johan 21:1

Mha hako sie Jisue Tiberia Dzükezhau khieki nu puo khapie pethakelieko pengu lashü; mu puo uko pengukeshü hamhie.

Johan 21:14

Hauha Jisue kesia nunu rheikelie sie pethakelieko pengukeshü va seu.

Mhakechüko 1:3

Puo kemezhiekewa sie puoe zha hiediako rheituoketa pele molie kenjükecü zasi tha toupie uko bu ngu di Ukepenuopfü kedi dze se uko ki pu.