Johan 20:17 - Angami Naga CL (Re-edited) Bible (BSI)

¹⁷ Jisu puo ki, “A nyü hiecie, kekreilamonyü a tsie rei Puou ki vo moluo. Derei no vo di a siezeko ki ‘A a Puou mu nieko Puou, a Kepenuopfü mu nieko Kepenuopfü ki khotazhükecü pushücie.’ ”

Johan 20:17 Iomraidhean Croise

Kediko Kenieu 4:29

Ru puoe sie Gehazi ki, “N chie phalie, tsiu n dzie pie a the thezelie di tuoshülie. Mhanuü no mia ze kese zorei, mia kelu hie, mu mhanuü mia n kelu zorei, mia die kela hie, sidi a the pie unuoyo zie gei shücie” sita.

Kediko Kenieu 7:9

Süsie ukoe sie huoniehuo üse, “Úko chü kebau puotou mote. Thie ha dieliekevi teisozha; mhanuü úko kemekrie di khise teikezie pfheta ro, kejo úko gei pfütuo; süla úko vo di kediu kinumiako ki pu khe,” sita.

Chieliko 22:22

A siezedzürieko ki n zau pie pesishütuo; mechükehouu nunu a n tshetuo.

Chieliko 43:4

Sitse ae Ukepenuopfü ruosuobau gei votuo, a Ukepenuopfü a keneitho-u kinu, tsiu a übou se di n tshetuowe, he-i Kepenuopfü, a Kepenuopfü.

Chieliko 48:14

Ukepenuopfü hauha telhekechachie úko Kepenuopfü zocü la; puoe kesia ketso rei u cha tha tuo zotuo.

Chieliko 68:18

No kijü kerükrie gei sie, kedie kechü tezete; mu themiakoe mha pie n ketsüko pielie; n perhiepetsoukecümia kinu zorei; Jihova Ukepenuopfü bu sünu bakecü la.

Chieliko 89:26

Puo a kie di, ‘No a puo, a Kepenuopfü, a kelakelie Tsiekrieu!’

Isaya 41:10

Michie hie, a n ze tuo eru, thedzükouta hie, a n Kepenuopfü zocü la; a n chü pekuoshütuo, a n khruohishütuo, a a kemiatho dzie a zatsa pie n memhipielietuo.

Jeremia 31:33

Derei ae Israel kinuko ze dietseidiekhokelieu haituo, teisozha sükosü Jihovae siya, Ae a zho-u pie uko noutsa shütuo, tsiu süko pie uko melou gei thushütuo; sidi ae uko Kepenuopfü chütuo, mu ukoe a themia chütuo.

Jeremia 32:38

Ukoe a themia chütuo, mu a uko Kepenuopfü chütuo.

Ezekiel 36:28

Sitse a pie nie puonuoko ketsü kijüu nu nie lhoulietuo; sidi nieko a themia chülietuo, mu ae nie Kepenuopfü chütuo.

Ezekiel 37:27

A kebachüu uko ze tuotuo, mu a uko Kepenuopfü chütuo, mu uko a themia chütuo.

Mathi 12:50

Kekreilamonyü kehoupuorei teigei keba a Puou medo chüyakezhamia sü a siezemia, a üpfünuo mu a zuonuo zo.”

Mathi 25:40

Sitse kediu sie uko ki, ‘A nieko ki pu toushütuo, nieko a siezedzürie hako donu kecütho-u gei rei chüshü ro, süu a gei chüshüta zo.’

Mathi 28:7

Sidi rükri vo puoe pethakelieko ki, ‘Puo kesia nunu rheilasiete, mu puo nieko mhodzü rie tuo Galil nu votazhie; mu nieko sünunu puo ngulietuo ho,’ sishücie. Harie, a nnie ki pushüte ho.”

Mark 12:26

Mu siro kesiamiako rheilakesie dze la zo we, nieko Mosa leshüdau nunu seinyho-u dze phrü mo zo me? Sünu Ukepenuopfü puo ki, ‘Ae Abraham Kepenuopfü, Isak Kepenuopfü mu Jakob Kepenuopfü,’ isi.

Mark 16:19

Süsie Niepuu Jisu uko ki mha pushükewa sie, puo ze teigei khota, sidi vo Ukepenuopfü zatsa bata.

LUK THUKESHÜ DIELIEKEVI 10:4

Nieko priesabou morei likhuo morei phikou puorei se hie; siro chala nu miapuorei kelu tha hie.

Johan 13:1

Siro Jisue kijü hau khawa di Puou ki votaketuo Puo teiu vor tso baketa Ciekevonyiu mhodzü silieta. Puoe kijü nu keba puo themiako khrie vor zo; mu süko khrie vo thela tso zo.

Johan 13:3

Puoue kekuo pete khapie Jisu dzie nu shüwaketa, siro puoe Ukepenuopfü kinu vor zokecü mu Ukepenuopfü ki la votaketuo puoe si ba,

Johan 14:2

A Puou kinu themia ba ba phi. Simo ükecü siewe a nieko ki pushüwata zotuoweü, siro a vo nieko ba kesetuoü batacü la.

Johan 14:28

A nieko ki, ‘A tuotatuo, derei a nieko ki la vortuo,’ ikeshüu siliete. Nieko a khrieya liro, a Puou ki votatuoükeba la nie neituo, Puou a ki zhakuokecü la.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 16:28

A Puou kinu par di kijü nu vor zo; mu a kijüu khawa di Puou ki la votatuoü bate.”

Johan 17:11

Tsiu tsie a kijü nu ba salie lhote, derei uko kijü nu ba zotuo, mu a n ki vortazhie. Kemesa Puou, no khapie a tsükeshüko, süko bu avu tuoi puo chülieketuo la no n za nunu süko rüguo ze tuoliecie.

Johan 17:25

“Kemiatho Puou, kijüu we n siya mo, derei a we n si ba, mu no a ketseshü ükecü hako we si ba.

Johan 17:5

Süla Apuo, kijüu chükelie mhodzü a n ze zayie chü kevor tuoi tsie a bu n ze zayie chüliecie.

Johan 20:27

Süsie puo sie Thoma ki, “N dziekinuo pie hanu shücie mu a dzienie meholie, siro n dzie yhapie a tie biecie. Sidi kenoudota mo di pele zolie.”

Johan 7:33

Süla Jisu sie, “A puotei huoyo nieko ze sa ba di a ketsekeshüu ki votatuo.

Rommiako 8:29

Puo pedzüperie si tuoketa süko bu puo Nuo rhiu mhielieketuo la, süko la rhü sa se tuote, sidi puo bu kikru kezha süu nu nuorieu chüliete.

Korintmiako Kenieu 6:18

mu a nieko puo chütuo, siro nieko bu a nuonuo thepfuko mu thenuko chülietuo, Kuokejokejü Niepuue siya.”

Galatiako 3:26

Khrista Jisu kepele geinu nie pete Ukepenuopfü nuonuo chütakecü la.

Ibriko 11:16

Derei ukoe vikuokecü rüna puo mengu tuote, süu teigei rünau. Süla Ukepenuopfüe uko bu puo uko Kepenuopfü üdi kie mengata mo zo; ketho zo, puoe uko la nadi puo kesepie bate.

Ibriko 8:10

Teisozha süko sie a Israel kiu ze dietseidiekho ketuou hauha zo, Niepuue puya: A a zhoko pie uko nou shütuo, sidi uko melou nu thushütuo, tsiu a uko Kepenuopfü chütuo, mu uko a themia chütuo,

Pitor Kerieu 1:3

U Niepuu Jisu Khrista Puou mu Ukepenuopfü bu thejakepfüu chücie! Puo u ngumezhiethorcü la kesia nunu Jisu Khrista rhei lasiekelie geinu u penuo kesapie kerhei siedze kemerü nu shülie,

Johan Kerieu 3:2

A khrieko, we tsie Ukepenuopfü nuonuota zo; sirei hasie kedipuo vortie shi se pesishü moluo, we si kebau sü hau: Puo mia mhingu chü kevor ki, we puo mhietatuo, puo kedipuo mhie tou shicü we süu ngu zotuocü la.

Pesikeshü 21:3

Sitse ae kedibau geinu mhapfhe meyiemeluokecü puo sie, “Harie, Ukepenuopfü pruu themia donu bate. Puo uko Kepenuopfü chü di uko ze lhoutuo; uko puo themia chütuo, mu Ukepenuopfü thuo uko ze batuo;

Pesikeshü 21:7

Kehoupuorei kuolieyakezhamia mha hako welietuo, mu a uko Kepenuopfü chütuo tsiu uko a nuonuo chütuo.