Johan 20:16 - Angami Naga CL (Re-edited) Bible (BSI)

¹⁶ Jisu sie puo ki, “Maria,” si. Sitse puo reipra Ibri die nunu puo ki, “Raboni!” (puoca kepethau) ita.

Johan 20:16 Iomraidhean Croise

Keriekitho 22:1

Mha hako sie Ukepenuopfüe Abraham dojü, di puo ki, “Abraham” siru puo sie “A haki bawe.”

Keriekitho 22:11

Derei Jihova dielieu teigei nu puo kie di sie, “Abraham! Abraham!” isi. Puo sie, “A haki bawe” sishü.

Keriekitho 45:12

Mu tsie nieko mhi mu a siezeu Benjamin mhi-e a thuo die pu ketha ngushüte.

Toukepra 3:4

Siro Jihovae puo mha hau mehotuoü rüreikeshü ngu tse, Ukepenuopfüe seinyho-u nunu puo kie di sie, “Mosa, Mosa!” Sitse puoe sie, “A haki bawe,” si.

Toukepra 33:17

Sitse Jihovae Mosa ki, “No pukeshü hau a chüshü zotuo; noe a mhinguki a khriepfülietakecü la, mu a n za rei sicü la.”

Solomon Üzo 3:4

A uko pfüthe voketa cha kemonu, ae puo khrieyakezhau ngulieta. A puo teshülie, tsiu a puo ze a zuo kinu, mu puo a meziepfükelie kibou nu vorlie kemochie puo bu tuo mvüta.

Solomon Üzo 5:2

A zetsu, derei a meloue cozhü zo. Rünyüshücie, a khrieu kikha ketou di: “Kikha khrüshü a tsücie, a üpfü, a khriepfü, a mekhru, vi tseicüpfü; kekreilamonyü a tsüe thezei la ciete, siro teizei gei po ketsur a tha tshupfü bate.”

Isaya 43:1

Derei tsie we Jihovae puya, n chükeshüu, he-i Jakob n rhikeshüu, he-i Israel: Michie hiecie, a n rhalieketa la; a n za se n kie, no sü a vie.

Mathi 14:27

Derei Jisu rükri sie uko rüchü di, “Thepfulie! A zomu; michie hiecie,” sishü.

Mark 10:51

Siru Jisu puo ki, “A bu n gei kedipuo chüshü nyüya ga?” Mhicieu sie puo ki, “Rabi, a bu mha ngulieyi.”

LUK THUKESHÜ DIELIEKEVI 10:41

Derei Niepuu puo ki, “Martha, Martha, no we mhaneiüko chü di n nounyü mu n nou kemezhie chüzhie,

Johan 1:38

Süla Jisu reipra unie puo siemedziketuo ngulie di sie, “Nnie kedipuo pfhüya ga?” Unie sie puo ki, “Rabi (puoca Kepethau) no kirapuo baya ga?”

Johan 1:49

Sitse Nathaniel puo ki, “Kepethau, no Ukepenuopfü Nuou zo! No Israel kediu zo!”

Johan 10:3

Care kepfheu care khrüshü puo tsüya mu tekuoko puo pfhe silieya, puoe puo kuoko za kie di uko kieya, sidi cha tha ze parshüya.

Johan 11:28

Martha hau pukeshü sie la le puo siezepfü Maria noupu di puo ki, “Kepethau vorte mu puo n kie tha ho,” sishü.

Johan 13:13

Nieko a üse, Kepethau mu Niepuu iya, mu süu puotou zo, a süu zocü la.

Johan 20:28

Thoma sie puo ki, “A Niepuu mu a Kepenuopfü,” sita.

Johan 3:2

Puo theva ze Jisu ki vor di puo ki, “Kepethau, no ha Ukepenuopfü kinu kevor kepethamia puo ükecü hie si ba; Ukepenuopfü u ze tuo kemosie miapuorei noe chükeshü zasi hako chülie kenjü zocü la.”

Johan 5:2

Jerusalem nu Tekuo Kharu kepenuo rüzieu khieki kifü pengou sa chüpie ba, Ibri die nu thechü süu za Bethesda üya.

Johan 6:25

Themia vor dzükezha khie kekreitsa nu puo ngulie tse sie puo ki, “Kepethau, no kedikechükipuo hanu vorta ga?”

Mhakechüko 10:3

Khunhie puo thehesie keba se meseki puo ziemho ngu mecümecie, mu Ukepenuopfü dieliemia puo vor puo kie di, “Kornelia,” si.

Mhakechüko 9:4

Sitse puo te kijü tsuta mu mhapfhe puo, “Saul, Saul, no kiüdi a pechüpenyüya ga?”

Samuel Kerieu 3:10

Sitse Jihovae vor thalie di puo ki, “Samuel, Samuel” idi puo kie; sitse Samuel-e sie, “Pushücie, Niepuu, n kituou n pfhe rünyü bawe.”

Samuel Kerieu 3:6

Süsie Jihovae kie la di, “Samuel,” sitse puo sielie di ta Eli ki vo di, “A haki bawe, no a kiecü la,” si. Eli sie, “A nuo a n kie mo, la vo zhütalie.”