Johan 20:13 - Angami Naga CL (Re-edited) Bible (BSI)

¹³ Sitse unie sie puo ki, “Thenupfü no kiüdi kraya ga?” Puo sie unie ki, “Mia a Niepuu chüpiete, mu uko puo pie vo kirapuo shüwate shi a si mote.”

Johan 20:13 Iomraidhean Croise

Pethakeshüu 3:4

kraketuo tei puo, tsiu nyüketuo tei puo; thekrü chüketuo tei puo, tsiu nashüketuo tei puo;

Jeremia 31:16

Jihovae puya: Kra motuoü n ketheliecie, mhidzü bu n mhi nu kru sa hie; kekreilamonyü n mhatho zhakhra chüshü tsütuo, Jihovae siya: ukoe ngumvümia kijü nunu la vortuo;

LUK THUKESHÜ DIELIEKEVI 24:17

Sitse puo unie ki, “Nnie chatuo chakhrie kedipuo kerüchütuo ga?” Siru unie unie zie suo siepfü di thopfü thata.

Johan 19:26

Siro Jisue puo zuo mu puoe khrie kevor pethakelieu rei süki ketha ngu di sie puo zuo ki, “Thenupfü, n nuou sü cüge.”

Johan 2:4

Sitse Jisu sie, “Thenupfü, no a bu kedipuo chü morosuo shicü pu morei vi. Tsie rei a teiu vor moluo.”

Johan 20:15

Sitse Jisu puo ki, “Thenupfü, no kiüdi kraya ga? No supuo pfhüya ga?” Puo süu üse tezie kepfheu nhie di sie puo ki, “Kezhau, mhanuü no puo toupieta üro, puo pie vo kirapuo zhüwate shi a ki pucie, sitse a puo pielietatuo.”

Johan 20:2

Sitse puo ta Simon Pitor mu Jisue puo khrie kevor pethakelie kekreiu ki vo di, “Mia mekhru nunu Niepuu toupiete, mu puo pie kirapuo zhüwa shi hie si mote!”

Mhakechüko 21:13

Ru Paul sie, “Nieko kiüdi kra di a nou bie kethachüya ga? Kekreilamonyü a mia bu Jerusalem nunu a phaketuou rübei zomonyü Niepuu Jisu la sia rei shüketuo dojüse tuo zo,” sita.

Samuel Kerieu 1:8

Sitse puo nupfu Elkanae puo ki, “Hana, no kiüdi kraya ga? No kiüdi mhacümhakrie mota ga? Kiüdi n nousuoya ga? Ae n mhodzüki thepfunuomia ker ki rei vikuo mo üme?”