Johan 2:24 - Angami Naga CL (Re-edited) Bible (BSI)

²⁴ Derei Jisu puo thuo zowe uko le pevi mo, puoe themia pete rüli sikecü la.

Johan 2:24 Iomraidhean Croise

Kediko Kerieu 8:39

teigei n kebachü nunu rünyüshücie, sidi kejo vashü tsücie, sidi chüshüyi, mu mia puopuokecü puo mhatho kheki sü chüshü tsücie, uko melou nu kedipuo ba shikecü noe si ba, (kekreilamonyü n rübei zokecüu ha, themia nuonuo melou nu kedipuo tuo shikecü siya).

Seyiedze Kerieu 28:9

“Siro no, a nuo Solomon, n puou Kepenuopfü silie, siro n nou pete mu chü nyü siei di puo lie chülie; Jihova mia nou pete keseya, mu mharhükelie mu noudo pete silieyacü la. Mhanuü no puo pfhü ro, no puo ngulietuo; derei mhanuü no puo khakewa sie, puo kechachie la n khawatuo.

Seyiedze Kerieu 29:17

A Kepenuopfü, no thenouu pfhüya, mu kemezhüu n neiyakecü a si ba, a a nou mezhü di mha hako pete khashüzhie, mu a tsie n themiako, hakiha tha di u nei phi mu khrie mo zo di khakeshü ngute.

Jeremia 17:9

Themia melou ha mha pete ki rei suo; mharhi mo zo, supuonie süu silie vi ta?

Mathi 9:4

Derei Jisu uko nouleko silie di sie, “Nieko kiüdi nie nou mha kesuo leya ga?

Mark 2:8

Sitse Jisu puo ruopfü nunu uko noudoko si mhailie di sie uko ki, “Nieko kiüdi nieko nou haikecü leya ga?

Johan 1:42

Sidi puo Simon ze Jisu ki vorlie, sitse puoe puo meho di sie, “No Johan Nuou Simon te ha. No üse Kefa (puoca Pitor) ütuo.”

Johan 16:30

No mha pete sikecü hie si bate; noe mia bu n ki mha ketso morei vi ükecü chüshüte; hau la hie bu noe Ukepenuopfü kinu vor zo ükecü pelete.”

Johan 21:17

Puo va seu puo ki, “Johan nuou Simon no a khrieya mo?” Pitor Jisu va se puo ki, “No a khrieya mo?” iketa la puo nousuota. Jisu sie puo ki, “A kuoko vachüliecie.

Johan 4:16

Jisu puo ki, “Vo di n nupfu kie ze vorlie.”

Johan 5:42

Derei nie nou nu nie Ukepenuopfü kekhrie ba mokecü a si.

Johan 6:15

Süla Jisue themiako vor puo kemvü chü di puo tepie puo bu uko kedi chütuoü baketa si di tuo rüdei kijüthou gei vota.

Johan 6:64

Derei nieko huomia peleya mo.” Jisue sietsenu puo pele kemvüko suomia shi mu puo tepie mia dzie nu shüketuou supuo shicü si tuota zocü la.

Mhakechüko 1:24

Sidi uko cha di sie, “Niepuu, no kehoupuo nou rei siya. Süla no hanie supuo kedaliete shicü hie ki pucie,

Mhakechüko 15:8

Siro Ukepenuopfü themia nou siyakezhau u gei chükeshü tuoi Kemesa Ruopfüu pie Judakemoko rei tsükeshü geinu puo medo-u zhapu chüshüta zo;

Pulakeshüzho 31:21

Tsiu mha kesuo mu kemezhiekecü kekra uko gei vorlie ro, tsali haue zhapu puo tuoi sier, uko petsoutuo, uko nuosenuoyieko tie nu tuo seituotuo, rükra mota mo di. Kekreilamonyü tsie a uko ze rüse di a pie uko tsütuo ükeshü kijüu nu vorshü moluokecü nu zorei, uko nei uko medo rhükezhü a si phre ba.”

Ibriko 4:13

Mu puo mhodzünu chüpie keba kerheiro puorei rüshükelie jü, sizomonyü we puo mhodzünu u thuo u rüli pie pu phre zoketuou mhi nu zowe mha peteko hielapie meyiemeluopfü ba zo.

Pesikeshü 2:23

mu a puo nuonuoko dukhriwatuo. Sidi kehouko pete bu ae mia kelekemedo tsiu mia melouko silieyakezhau ücü silietuo, mu nie mia puopuo mhatho geinu zhakhra chü lapie tsütuo.

Samuel Kerieu 16:7

Derei Jihovae puo ki, “Chazou kenguu mehota hie, morei puo da kerükrie mehota hie, kekreilamonyü, a puo khawate. Jihovae themia mha kemeho mhiei mehoya mo. Themia we chazou miau mehoya, derei Jihovae thenouu mehoya.”