Johan 2:11 - Angami Naga CL (Re-edited) Bible (BSI)

¹¹ Jisu Galil Kana nunu zasi kerie hau chüshü di puo zayie pie pekieshü; mu puoe pethakelieko rei puo pelelie.

Johan 2:11 Iomraidhean Croise

Kediko Kerieu 17:24

Sitse thenupfüe sie Elija ki, “Mha hageinu noe Kepenuopfü themia puo zo ükecü a siliete, mu n tie nu Jihova dieu ketho zo,” sita.

Chieliko 72:19

Kechachie puo za bu kemeyieu chücie; puo zapuzayie bu kijü pete ketshu chücie. Amen mu Amen.

Chieliko 96:3

Seyieko donu puo zapuzayieu pesishülie, puo mhatho u ngocüko themia peteko ki.

Toukepra 14:31

Israel-e Jihova Ijiptmiako petsou di mhatho kezha chükeshü ngushü, tsiu themiakoe Jihova preilie, siro Jihova mu puo kituou Mosa pelelie.

Toukepra 4:9

Mhanuü uko zasi hanie rei pele mo, morei n pfhe rünyü moro, no Nail rü nunu dzü huoyo thoulie di süu lapie kijü keso gei shücie, sitse no Nail rü nunu dzü thoukelieu kijü keso gei thezie chütatuo.”

Pethakeshüu 9:7

Volie, n nei di n niekhrüda cülie, tsiu n noumvü di n zu krielie; kekreilamonyü Kepenuopfüe thiedzüthonu n mhatho lieliete.

Isaya 40:5

Sitse Jihova zayieu pie pekieshütuo, mu themia pete keze süu ngutuo, Jihova tie thuo süu pushüwaketa la,” si.

Malaki 2:2

Niekoe rünyü mo, niekoe süu pie a za chü kemeyieketuo la pie nie melou nu shülie moliro, krodiko Jihovae puya, a rüse pie nie gei shütuo mu a nie thejako rüsewatuo; ketho zo a uko rüsewate, kekreilamonyü nieko süu pie nie melou nu shülie kemo la.

Johan 1:14

Siro Dieu chüüphou mevi vor hie donu lhou, mu hie puo zayieu, ngukemezhie mu ketho bu tshukepfü, puo nuo pfuliu zo ükecü zayieu ngu.

Johan 1:17

Mosa geinu thezho-u khashü; derei ngukemezhie mu ketho-u we Jisu Khrista geinu zo.

Johan 1:43

Süsienhie Jisu Galil nu voketuo rhülie. Sitse puo Filip ngulie di sie puo ki, “A siemedziliecie,” sishü.

Johan 1:50

Jisu puo ki, “No chiedebo-u khro keba ki a n nguwaketa pukeshü la no pelete me? No hau ki rei mha kezha phi ngu satuo.”

Johan 10:41

Süla themia kekra puo ki vor di sie, “Johan zowe u ngo zasi puorei chü mo, derei Johan themia hau dze kepu pete ketho phreta ze ha.”

Johan 11:15

mu nieko la a sünu ba mokecü a nei, nieko bu pelelieketuo la. Derei úko puo ki vo khe.”

Johan 11:47

Süla zievokezhako mu Farisiko vo mechükehouu kieshü di sie, “Úko kedipuo chü ro vi ta? Themia hau zasi kekra chüshü baketa la.

Johan 12:18

Siro puoe zasi hau chükeshü sikelie la krodiu vor puo ze kese.

Johan 12:37

Puo uko mhinguki nu zasi kekra chüshü zorei uko puo pele mota.

Johan 12:41

Isaya hau pukecü kekreilamonyü puoe puo zayieu ngu di puo dze pushü.

Johan 14:13

Tsiu nie a za nunu mhakehoupuorei cha ro, Nuou geinu Puou bu zayie chülieketuo la a süu chüpie tsü zotuo.

Johan 16:27

Puou nieko khrieya, nieko a khrieya mu a Puou ki nu par zokecü pele vor zocü la.

Johan 16:30

No mha pete sikecü hie si bate; noe mia bu n ki mha ketso morei vi ükecü chüshüte; hau la hie bu noe Ukepenuopfü kinu vor zo ükecü pelete.”

Johan 2:1

Zha se nhie Galil Kana rünau nu nuyie puo chü, mu Jisu-nuo zuo sünu ba.

Johan 2:23

Süsie puo Ciekevonyiu nu Jerusalem nu keba ki zasi chükeshüko ngu di mia kekra puo za nunu pelelie.

Johan 3:2

Puo theva ze Jisu ki vor di puo ki, “Kepethau, no ha Ukepenuopfü kinu kevor kepethamia puo ükecü hie si ba; Ukepenuopfü u ze tuo kemosie miapuorei noe chükeshü zasi hako chülie kenjü zocü la.”

Johan 4:3

puo Judia khawa di tuo la Galil nu vota.

Johan 4:46

Süsie puo tuo Galil nu keba Kana rünau, puoe dzü pie khubedzü chükeshüu nu la vota. Sünu kediu khro kezhamia puo ba ru puo nuou mhachü di Kapernaum nu zhü.

Johan 4:54

Hauha Jisue Judia nunu Galil nu vorkelie sie zasi chükeshü kenieu.

Johan 5:23

Sidi mia bu Puou rhuyakezha tuoi, Nuou rei rhulieketuo la. Kehoupuorei Nuou rhuya kemo-u puo ketsekeshü Puou rei rhuya mo.

Johan 6:14

Jisue zasi chükeshü hau ngu di themiako sie, “Themia hau kijü nu vortuo üketuo siedzekesiu touta zo,” sita.

Johan 6:2

Mu mia krodi puoe puo siemedzi tuo, puoe kechükenyüko gei zasi chükeshüko uko bu nguwaketa la.

Johan 6:26

Jisu uko ki, “A nieko ki pu toushütuo, nieko zasiko kengu la monyü niekhrüda cü pevüketuo la a pfhükezha zo.

Johan 6:30

Süla uko sie puo ki, “Hie bu ngu di pelelieketuo la no zasi kikecüpuo chüshütuo ga? No kedipuo mhatho chüshüya ga?

Johan 7:31

Derei themia kro-u nu mia kekra puo pelelie di sie, “Khrista vor üro puo themia hau ki rei ungomhathoko chükuoshütuoü memu?”

Johan 9:16

Sitse Farisiko huo sie, “Themia hau Kepenuopfü kinu vor mo, puo sabat zho-u zeya kemo la,” si. Derei kekreiko sie, “Kimhie di kephoumamia puo zasi hakemhieko chülietuo dimu?” Sidi uko kediekreita.

Korintmiako Kenieu 3:18

Mu uko pete rei, u zie keya süu sa mo di, khrüva nunu mha nguyakezha tuoi, Niepuu zayieu meho di, Niepuu Ruopfü süu nunu u chü kedipie zayie puo nunu zayie kekreiu nu shü di puo rhi mhie miemie parlieya.

Korintmiako Kenieu 4:17

Kekreilamonyü zopuoki la hie kemezhie zorei, süue kechachie baketuo zayieu la hie bu dojüpfükelie zo,

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Pulakeshüzho 5:24

mu nie-e sie, “Harie, Jihova úko Kepenuopfü puo kesokezie tsiu puo kezha pie hie pengushüte, mu hie miu donunu puo pfhe sishüte; hie thie Ukepenuopfü themia ze kerüchü zorei themia rhei balieyacü ngushüte.

Johan Kerieu 5:13

A hako thukeshü nie Ukepenuopfü Nuou pelelieketa khe bu kechachie kerhei nie vieta ücü silieketuo la zo.