Johan 19:30 - Angami Naga CL (Re-edited) Bible (BSI)

³⁰ Siro Jisu kekhrodzüu krielie tse sie “Tseite,” sishü. Süsie puo tsünge tsu di puo ruopfü khashüwa.

Johan 19:30 Iomraidhean Croise

Keriekitho 3:15

A thenupfü nnie bu kengumvütuo, puo yie mu n yie donu, puo n tsü bietshietuo, mu no puo phitshü medutuo.”

Chieliko 22:15

A tie sopie litso mhiete; a meü a meco kupfü bate; mu no a khapie kesia nyophe nu zhü.

Isaya 53:10

Sizorei puo pechü di vümvüketuoe Jihova medota. No puo kerheiro pie kephouma la khakeshü ki, puoe puo nuosenuoyie ngutuo, sidi puo teisozha chü pechashütuo; puo geinu Jihova medo-u kruolietuo.

Isaya 53:12

Süla ae puo pie kezhamia mhaza nu shütuo, mu puoe kekuomia ze mha vakelieko kezatuo; kekreilamonyü puoe puo khapie kesia nu shüshü, mu kejokemouko sa puo phrülie; sirei puo mia kekra kephouma pfülie, mu kejokemouko la die pu.

Daniel 9:24

“Zhadoudo hiethenieko sü n themia mu n nadi kemesau la thezho khakeshüute: Kesuo kechüko bu tseitatuoü, kephoumau bu tseitatuoü, kejokemou chü kemesatuoü, kechachie kemiatho-u se vortuoü, ziemho-u mu siedzekesiu zasi vüwatuoü, mu thechü kemesatho-u kenhelietuoü kecüute.

Daniel 9:26

Zhadoudo hiesorouekenie sie, kenhekelieu dathewatuo mu mhapuorei ba motatuo, mu vortuoü ketuo kedinuou chüpahikoe nadiu mu kemesachüu pekawatuo. Siro puo thelau dzüdi puo vortuo, mu terhü chü di puo thela tso tuo. Pekaperuowaketuo zho-u khashüte.

Zekaria 13:7

“Sielie, he-i zhiechau, a kuopfheu petsoulie, a dziese themiau petsoushücie,” idi krodiko Jihovae puya. Kuopfheu vüshücie, sitse tekuoko ta cüretatuo; a a dzie chapie nhicuko gei shütuo.

Mathi 20:28

Themia Nuou rei mia bu puo theketuo üdi monyü mia theketuoü tsiu themia kekra rhalieketuo la puo phou khashütuoü kevor zo.”

Mathi 27:50

Sirei Jisu melie shiekhoui lashü di puo ruopfü khashüwa.

Mathi 3:15

Sirei Jisu sie puo ki, “Tsieu va sishücie; kekreilamonyü kemiatho zho pete chü tseishüketuoe u bu chü kezhüu chülie ro puotou zokecü la.” Süla Johan rei chüshütuo üta.

Mark 15:37

Süsie Jisu melie shiekhouishü di puo ruopfü khashüwata.

LUK THUKESHÜ DIELIEKEVI 22:37

Kekreilamonyü a nieko ki pushütuo, ‘Puo phrüpie thezho kevarhuoko saliete;’ ikecü thupieketuou a geinu chü tseilie morosuokecü la; kekreilamonyü a dze die süko chü tsei vorta zo.”

LUK THUKESHÜ DIELIEKEVI 23:46

Süki Jisu shie puo rhiechü di “Apuo, a a ruopfü khapie n dzie nu shüwate ho,” sidi puo die süu pushü di puo ruopfü khashüwa.

Johan 10:11

“A tekuo kepfhe keviu zo, tekuo kepfhe keviue tekuoko la puo phou khashüya.

Johan 10:18

Miapuorei a kinu süu lielieya mo a thuo a medota di süu khashütuoüzhü, mu a süu khashüketuo kekuo ba mu chü lalieketuo kekuo rei ba. A a Puou kinu diekhakeshü hau ngulie.”

Johan 17:4

No a bu chünukeshü mhatho-u chü tseiwa di a kijü nu n za chü kemeyieshüwata zo.

Johan 19:28

Mha hako sie Jisue mha peteko chü tseilieketa silie di (Kethodieu bu tseilieketuo la), puoe sie, “A terhüte,” sishü.

Johan 4:34

Derei Jisu uko ki, “A kecücae a ketsekeshüu medo chüketuo mu puo mhatho chü tseiketuou zo.

Rommiako 10:4

Kekreilamonyü themia kehoupuorei pelekelieu bu miatholieketuo la Khrista geinu thezho-u bu puo thela chüte.

Rommiako 3:25

Ukepenuopfüe puo bu u la ruotho chü di sia mu kepele geinu puo zieu pie kephoumako valie kevi chüshü. Puo hau chükeshü puo kemiatho-u pekieshüketuo la zo, kekreilamonyü voketa teiko nu puo shügeshühie tsiu themia kephoumako ngu rei ngu kemo chü vor;

Korintmiako Kerieu 5:7

Nieko khrei keweu chüwaliecie, sitse nie niekhrüda kesa tou chülietuo, nie khreiüshükemoko zocü la. Kekreilamonyü úko la ciekevonyi kuonuo chü di Khrista pie ruosuo chüwate.

Filipiko 2:8

puo thuo puo chü kerünuolie sidi kesia ketso rei dieze chü zo tha, krus se rei chü zo.

Ibriko 12:2

sidi u kepele khapie u ketsüu mu chü tseishüyakezha Jisu meho zolie khe, puoe mha puo kenei puo mhodzütsa bakecüko la kemengakecü rei üse mhapuo kemo mhie di krus se rei hielieta zo, sidi vo Ukepenuopfü zatsa kedibau nu bate.

Ibriko 9:22

Ketho, thezho-u nu zorei thezie se mha pete khre chü kemesalieya, mu thezie sa mo di kephoumako valieya mo.