Johan 19:26 - Angami Naga CL (Re-edited) Bible (BSI)

²⁶ Siro Jisue puo zuo mu puoe khrie kevor pethakelieu rei süki ketha ngu di sie puo zuo ki, “Thenupfü, n nuou sü cüge.”

Johan 19:26 Iomraidhean Croise

Johan 13:23

Ru puoe pethakelieko mia puo, Jisue puo khrieyakezhau puo merü ki vakhriepfü ba.

Johan 2:4

Sitse Jisu sie, “Thenupfü, no a bu kedipuo chü morosuo shicü pu morei vi. Tsie rei a teiu vor moluo.”

Johan 20:2

Sitse puo ta Simon Pitor mu Jisue puo khrie kevor pethakelie kekreiu ki vo di, “Mia mekhru nunu Niepuu toupiete, mu puo pie kirapuo zhüwa shi hie si mote!”

Johan 21:20

Pitor reipra ru Jisue puo khrie kevor pethakelie kekreiu uko mhacü keba ki Jisu khieki mizhü vakhriepfü di, “Niepuu supuo n teshütuo üya ga?” ikeshüu puo medzi vorkezhü ngulie.

Johan 21:24

Pethakelie hau mha hako dze pushü, mu süko rei sa thukeshüu, mu hie puo zhapuu ketho zo ükecü si touta zo.

Johan 21:7

Süki Jisue puo khrie kevor pethakelieu sie Pitor ki, “Puo Niepuu ta zo,” sishü, Pitor süu Niepuu ükecü silie tse puo methuo tuokecü la puo boulie selie di prou dzükezha nu leta.