Johan 18:8 - Angami Naga CL (Re-edited) Bible (BSI)

⁸ Jisu uko ki “A nieko ki, a süu zo icü pushü ze, mu nieko a pfhü tuo ro, themia hako bu tuotacie.”

Johan 18:8 Iomraidhean Croise

Isaya 53:6

U pete tekuo tuoi yotuote, u pete cha u tse va phrete, mu u kesuoko pete Jihovae pie puo gei shüshüte.

Mathi 26:56

Derei mha hako pete chüketa ha siedzekesikoe Kethodieko nu thupie kezhüko chü tseilieketuo la zo.” Süsie pethakelieko pete puo khawa di tata.

Johan 10:28

A kechachie kerhei se uko tsüya, mu uko mhakipuorei katalie lho. Siro miapuorei a dzie nunu süko sesetalie lho.

Johan 13:1

Siro Jisue kijü hau khawa di Puou ki votaketuo Puo teiu vor tso baketa Ciekevonyiu mhodzü silieta. Puoe kijü nu keba puo themiako khrie vor zo; mu süko khrie vo thela tso zo.

Johan 13:36

Simon Pitor sie puo ki, “Niepuu, no kirapuo votieya ga?” Jisu sie puo ki, “A kirapuo votieya shi no tsie sünu a medzi vorlie kenjü, derei hasie no a siemedzilietuo.”

Johan 16:32

Puotei puo vorzhie mu tsie rei vor bata zo, sükisü nieko ta cürese nie thuo nie kinu vo phretatuo di a bu a rübeitatuo. Derei a a rübeitalie lho, Puou a ze ketuo la.

Johan 18:7

Siro Jisu la sie uko ki, “Nieko supuo pfhüya ga?” Sitse uko sie, “Nazaretmia Jisu zo,” si.

Johan 18:9

Hau pukeshü “Noe khapie a tsükeshüko a miapuorei pejüwa mo zo,” ikecüu bu tseilieketuo la zo.

Korintmiako Kerieu 10:13

Kedokecü nie gei vorkecüko mia gei voryakezhako zo. Derei Ukepenuopfü sü kedietho-u zo, mu puo nieko hielie kevi zie pie nieko dojülie lho! Sikecüumonyü kedokecü kevor ki puo nie bu hielieketuo kekuo rei khashü nie tsütuo.

Korintmiako Kenieu 12:9

derei puoe a ki, “A n ngukemezhie sü n la tsei zo, kekreilamonyü kethachü nunu a kekuo si tseilieya,” si. Süla Khrista kekuou bu a gei balieketuo la, a thachüko nu rei kemelhaketuo a neikuote.

Efesako 5:25

Mianupfunuoko, Khristae kehouu khrie di süu la puo phou khakeshü tuoi nie nupfünuoko khrieliecie,

Pitor Kerieu 5:7

Nie nounyü pete lhoupie puo gei shüwalie, puoe nie rüli rükrayakezha la.