Johan 17:8 - Angami Naga CL (Re-edited) Bible (BSI)

⁸ kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Johan 17:8 Iomraidhean Croise

Mhasidie 1:23

A n kerhie di pethakeshü lecie, a kele rupie nie ki shüya, a dieko pie nie pesishütuo.

Mhasidie 1:3

mhasi siro kepethadie puotou, kemiatho, kethoca, kede mu kemo rhi silieketuo la;

Mhasidie 2:1

A nuo, mhanuü noe a dieko lielie, mu a diekhakeshüko n nou nu kengu se tuolie üro;

Mhasidie 4:10

Rünyüliecie, a nuo, sidi a dieko lieliecie, sitse no rhei chalietuo.

Mhasidie 8:10

Rakachü mo di a kepethadie lieliecie, tsiu suna kevipfü mo di mhasimhale lieliecie;

Mathi 13:11

Sitse puo sie, “Nieko bu zo we teigei kedi dze kesouko silie kevi pie tsüwate, derei süu pie uko we tsü mo.

Johan 12:49

a thuo a medo nunu die süu pu monyü a ketsekeshü Puou thuo a bu kedipuo pu mu kedipuo pie mia pechüpetsoshü morosuo shikecüko khapie a tsüwaketa la.

Johan 14:10

A Puou nou ba mu Puou a nou bacü no pele mo me? A nieko ki pukezha dieko a thuo a die monyü a nou keba Puou thuo puo mhathoko chü tuoyakezha ze.

Johan 15:15

A nieko üse kituomia üdi kie sa mote, kituomia puo niepuu kedipuo chüya shicü siya kemo la; sirei a nieko ü khriethoko üte, kekreilamonyü a a Puou kinu sikelie khe pie nie pesipengushüwate.

Johan 16:27

Puou nieko khrieya, nieko a khrieya mu a Puou ki nu par zokecü pele vor zocü la.

Johan 16:30

No mha pete sikecü hie si bate; noe mia bu n ki mha ketso morei vi ükecü chüshüte; hau la hie bu noe Ukepenuopfü kinu vor zo ükecü pelete.”

Johan 17:14

A n dieu se uko tsüwate, mu kijüu uko ngumecüya kekreilamonyü a kijüu nunu vor kemo tuoi uko rei kijüu nu mia mocü la.

Johan 17:18

No a ketsepie kijü nu keshü tuoi, a rei uko ketsepie kijü nu shüwate.

Johan 17:21

uko pete bu puo chülieketuo la. Sidi Apuo, a n nou ba mu no a nou keba tuoi uko bu rei avu nou baliecie; sidi kijüu bu no a ketseshükecü peleliecie.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 3:17

“Siro kijüu bu jotatuo üdi Ukepenuopfü puo Nuo ketsepie kijü nu shü monyü, kijüu bu puo la kelakelie ngulieketuo la zo.

Johan 3:33

Sirei kehoupuorei puo zhapu die liekelieu Ukepenuopfü ketho pu zo ükecü zasi vüpfülietaya.

Johan 6:68

Sitse Simon Pitor puo ki, “Niepuu, hie bu supuo ki vo ta? No kechachie kerhei dieko ba.

Johan 8:42

Jisu sie uko ki, Ukepenuopfü nieko Puou liro nieko a khrietuo; a Ukepenuopfü kinu par mu vor zokecü la. A a thuo a medo nunu vor mo, derei puo thuo a ketsekeshü zo.

Korintmiako Kerieu 11:23

Kekreilamonyü Niepuu kinu a ngukelie süu pie nieko tsüwate, süusü Niepuu Jisu, mia bu puo tekelie zhü, niekhrüdau pielie,

Korintmiako Kerieu 15:1

Siro a siezedzürieko, a dieliekeviu pupie nie kieshü mu nie süu zelie, tsiu süu gei metei thakelieu, a tsie nie bu süu dze leshü nyüya,

Pulakeshüzho 18:18

Ae uko donunu, siedzekesimia n tuoicü pesieshü uko tsütuo, di a dieko pie puotie nu shütuo; sidi puoe a diekhakeshüko pete pie uko ki putuo.

Thesaloniako Kerieu 2:13

Siro nie hie kinu Ukepenuopfü dieu rünyülie di liekelie ki süu üse themia die ü monyü Ukepenuopfü die tou üdi liekelie la hie Ukepenuopfü thezie sei baya, süue nie kepeleko nou nu mhachüya.

Thesaloniako Kerieu 4:1

Cüsie hie kezeko, hie Niepuu Jisu nunu nie ki cha mu nie hüshüya, süusü, nie hie kinu sikelie tuoi kimhiei di lhou morosuo shi mu Ukepenuopfü nei kechü kelhou nu tuolietuo shicü (nie rei sicü nu lhouya), mu sü kezie rei chülienushüya.

Johan Kerieu 4:14

Puoue puo Nuo ketsepie kijü Kelakelieu chükeshü nguwate mu hie süu pie mia ki rei zhapu chüya.

Pesikeshü 1:1

Jisu Khrista kinu pesikeshü, Ukepenuopfüe mhachü pezitaketuoko se puo kituoko pesishünukecü la kha puo tsükeshü; puoe puo dielieu ketsepie Johan ki shü di mha hako pie puo kituou pesipengushüte,