Johan 17:3 - Angami Naga CL (Re-edited) Bible (BSI)

³ Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 17:3 Iomraidhean Croise

Seyiedze Kerieu 28:9

“Siro no, a nuo Solomon, n puou Kepenuopfü silie, siro n nou pete mu chü nyü siei di puo lie chülie; Jihova mia nou pete keseya, mu mharhükelie mu noudo pete silieyacü la. Mhanuü no puo pfhü ro, no puo ngulietuo; derei mhanuü no puo khakewa sie, puo kechachie la n khawatuo.

Seyiedze Kenieu 15:3

Kekreilamonyü puotei kecha Israel-e Kepenuopfü ketho-u sa mo, mu zievoko kepetha sa mo, mu thezho sa mo vorte;

Chieliko 9:10

N za kesi khe n peletatuo, Jihova, noe n pfhüyakezhako khawaya kemo la.

Mhasidie 8:35

Kekreilamonyü a ngukeliemia kerhei ngulieya, mu Jihova khriepfülietuo.

Isaya 48:16

A penuo vorlie, hau rünyülie! Therie nu zorei a pekhre di die pu mo, tse nu a tuote. Siro tsie Niepuu Jihovae, a mu puo ruopfü ketseshüte.

Isaya 53:11

Kemezhiekeshü geinu puo kezieu ngutuo; puo kesikele geinu puo kenei ngulietuo. Kemiatho-u, a kituou, kemiathomia kekra chüshütuo, mu puoe uko kejokemouko pfülietuo.

Isaya 61:1

Niepuu Jihova ruopfüu a gei tuo, kekreilamonyü Jihovae a kenheliete; Puoe a bu dieliekevi se vo mia u peseketuoko ki punu, u melou pro tuoketako phashünu, u phreikeshü dieu pie kedieko pesinu, mu kedieko khashüwaketa die pushünu,

Jeremia 10:10

Derei Jihovae Ukepenuopfü ketho-u; puo rhei tuoyakezha Kepenuopfü tsiu kechachie ketuo kediu. Puo noupfhü nunu kijüu rünietaya, tsiu seyieko puo nouyieu pfülie lho.

Hosea 6:3

Úko silie khe, úko Jihova silietuoü whuo zo vo khe; puo kengue teiso pi kepar mhie zo; puoe teirü tuoi u ki vortuo, bayie teirü tsur kijü tshekeshü mhieituo.”

Mark 9:37

“Kehoupuorei a za nunu nhicunuo hikecü yopuorei zelieyakezhau, a zelieya; mu kehoupuorei a zekeliemia a rübei monyü a ketsekeshüu rei zelieya.”

LUK THUKESHÜ DIELIEKEVI 9:48

sidi uko ki, “Themia kehoupuorei a za nunu nhicunuo hayo zekeliemia a zelieta zo, mu kehoupuorei a zekelieu a ketsekeshüu rei zelieya; kekreilamonyü nieko donu kecütho-ue kezhatho-u zo,” sita.

Johan 10:36

siro ‘A Ukepenuopfü Nuou zo’ ikeshü la niekoe Puou thuo chü kemesalie di ketsepie kijü nu keshüu üse Ukepenuopfü thaü tuo le?

Johan 11:42

No a pfhe rünyü seiyakecü ae si, derei haki ketha krodiu bu noe a ketsekeshü pelelieketuo la a hau kepu zo.”

Johan 14:26

Derei Thukepeluo, Kemesa Ruopfüu, Puou a za nunu ketseshüketuou thuo mha pete pie nie pethalietuo, mu a nie ki pukeshü pete nie bu rükralietuo.

Johan 17:18

No a ketsepie kijü nu keshü tuoi, a rei uko ketsepie kijü nu shüwate.

Johan 17:21

uko pete bu puo chülieketuo la. Sidi Apuo, a n nou ba mu no a nou keba tuoi uko bu rei avu nou baliecie; sidi kijüu bu no a ketseshükecü peleliecie.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:25

“Kemiatho Puou, kijüu we n siya mo, derei a we n si ba, mu no a ketseshü ükecü hako we si ba.

Johan 17:8

kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Johan 3:17

“Siro kijüu bu jotatuo üdi Ukepenuopfü puo Nuo ketsepie kijü nu shü monyü, kijüu bu puo la kelakelie ngulieketuo la zo.

Johan 3:34

Ukepenuopfüe ketsekeshüu Ukepenuopfü die puya, puoe mejü mo zo di Ruopfüu khashüyakecü la.

Johan 5:44

Nieko huoniehuo kinu thetshepfülieya, derei Ukepenuopfü zokecüu kinu thetshe pfhüya moliro, nie kikidi pelelie vituo ga?

Johan 6:57

Rhei tuoyakezha Puou a ketsekeshü tuoi, mu Puou la a rei rhei ketuo zo, süla kehoupuorei a chü cükezhamia a la rheilie zotuo.

Johan 7:29

A puo si ba, kekreilamonyü a puo kinu vor, mu puo a ketseshü.”

Johan 8:19

Süla uko sie puo ki, “N Puou kirapuo ba ga?” Jisu sie “Nieko we a rei morei a Puou rei siya mo. Nieko a sikecü sie a Puou rei silietuoweü,” sita.

Korintmiako Kerieu 15:34

Mhale kemezhülie di phouma sa hie; kekreilamonyü nieko huomia Ukepenuopfü dze si mo ba zo. A nieko bu mengalieketuo la die hau kepu zo.

Korintmiako Kerieu 8:4

Süla pie terhuorhiko rüsuokewa kecücako kecü dze we, “Kijü nu terhuorhi-e ketho puorei jü;” mu “Ukepenuopfü puo rübei sie kekrei jü” zocü we si ba zo.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Filipiko 3:10

A Khrista mu puo rheilasiekelie kekuo rei si nyü sidi puo mezhieko nu puo ze kemezhielie di puo seu nu rei puo mhielie,

Filipiko 3:8

Sizomonyü a Niepuu Khrista Jisu sikelie süu mha pete ki rei vikuoketa la mha kekreiko puorei phrü tuo mote. Puo la a mha pete khawate, tsiu a Khrista pie a vie chülie nyü di mha kekrei pete üse cienheciera chüwate,

Thesaloniako Kerieu 1:9

Thechü süki kelhouko thuo hie kimhie di nie ki volie shiü, tsiu nie rei kimhie di miarhi kerüsuoko nunu rürei Kepenuopfü kitsa volie shicü, mu rhei tuoyakezha siro ketho Kepenuopfü kitsa volie shicü pu tuote,

Thesaloniako Kenieu 1:8

Miü kemeriekecü nu Ukepenuopfü si kemoko mu u Niepuu Jisu dieliekeviu die ze kemoko gei khepu lietuo.

Ibriko 3:1

Süla a siezedzürieko, teigei phreimia chütuo üdi kielieketa kemesa dziesemiako, Jisu, süu u kepele apostel-u mu zievo kezhatho-u dze leshücie,

Pitor Kenieu 1:2

Ukepenuopfü mu u Niepuu Jisu sikecü nunu ngukemezhie mu noune bu nie gei krakelieu chüliecie.

Pitor Kenieu 1:3

Kepenuopfü zayie mu ketseikevi chü zokecü ü u kiekelieu dze sikelie la we puo kekuo kezhau thuo u kelhou mu mesamezhükecü la se morokesuo pete khapie u tsüshüwate.

Pitor Kenieu 1:8

Nieko mha hako se nie vie chü mu kra miemiezhülie ro, süko la u Niepu Jisu Khrista dze kesi mhasitsa nie shüshü morei nie si vülie kelho chütalie lho.

Johan Kerieu 1:2

kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

Johan Kerieu 1:3

Nie bu rei hie ze kekrotholieketuo la hie ngu mu sikelie dze pupie nie kieshü ho; mu hie zowe u Puou mu puo Nuou Jisu Khrista ze kekrotho tuo zo.

Johan Kerieu 2:23

Kehoupuorei Nuou melieyakezhau Puou ba mo zo; mu kehoupuorei Nuou phrakezhau Puou rei phraya.

Johan Kerieu 4:6

Úko we Ukepenuopfü kinu vor zo. Kehoupuorei Ukepenuopfü siyakezhako u die rünyüya, mu kehoupuorei Ukepenuopfü kinu vor moro u die rünyüya mo. Süla we hau geinu ketho ruopfü mu ketho kemo ruopfüu si kekreilieya.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.