Johan 17:26 - Angami Naga CL (Re-edited) Bible (BSI)

²⁶ A uko bu n zau siliete, mu süu mia silie zotuo, sidi no se a khrie vorkecü kekhrieu bu uko nou balie mu a bu uko nou balieketuo la.”

Johan 17:26 Iomraidhean Croise

Chieliko 22:22

A siezedzürieko ki n zau pie pesishütuo; mechükehouu nunu a n tshetuo.

Johan 14:20

Sünhiesü a Puou nou tuokecü, tsiu nieko a nou tuokecü mu a nieko nou tuokecü silietuo.

Johan 14:23

Jisu sie puo ki, “Kehoupuorei a khrieyakezhamia a die zetuo, siro Puou rei sümia khrietuo, mu hienie sümia ki vo di sümia ze batatuo.

Johan 15:15

A nieko üse kituomia üdi kie sa mote, kituomia puo niepuu kedipuo chüya shicü siya kemo la; sirei a nieko ü khriethoko üte, kekreilamonyü a a Puou kinu sikelie khe pie nie pesipengushüwate.

Johan 15:4

A nou balie, a rei nieko nou bakezha tuoi. Puocoe puobo-u gei ba kemosie puosi vülieya kemo tuoi, nieko rei a nou ba kemosie nie si vülie kenjü.

Johan 15:9

A Puoe a khrieyakezha tuoi a nieko khrieya, nieko a kekhrie nu baliecie.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:6

“No kijü hau nunu themia khapie a ketsüko ki a n zau pie pesipengushüwate. Süko n vie ze, mu no süko khapie a tsüshü, tsiu ukoe n die ze vor zo.

Johan 17:8

kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Johan 6:56

Kehoupuorei a chü cü mu a zie kriekezhamia a nou baya mu a rei sümia nou baya.

Johan 8:50

A a thuo a la thetshetherhu pfhüya mo, derei süu pfhüyakezhamia puo ba mu süue mia capiu zo.

Rommiako 8:10

Derei Khrista nie nou bata ro, kephouma la nie mo thuo kesia kitsa bata zorei, kemiatho la nie Ruopfü kerheitsa bate.

Korintmiako Kerieu 1:30

Puoe Khrista Jisu geinu nie kerheiro bo-u zo, u la Ukepenuopfü kinu mhasi, siro miathokecü mu chü kemesakelie tsiu u rhakelieu chüte,

Korintmiako Kerieu 12:12

Siro umo puo zo derei puo zatho kekreikreicü kekra ba, mu umo gei puo zatho kekreikreicü kekra ba rei pete kesa mo puo zokecü tuoi Khrista dze rei sü mhie zo.

Galatiako 2:20

mu a rhei tuoketa a monyü a nou keba Khristau zo. Mu tsie chüüzie nu lhou keba kelhou hau, Ukepenuopfü nuou kepele nu zo, puo a khrie di a la puo phou khashü.

Efesako 1:6

puo ngukemezhie zayie la, thetshe se puo Khrieu geinu mha methuo kha u ketsüu tsülie khe.

Efesako 3:17

tsiu kepele geinu Khrista bu nie nou balie, mu nie mie bu krele kekhrie nu balieketuo la chaya.

Efesako 5:30

we puo mo-u gei tsüphrümia phre zokecü la.

Efesako 5:32

Hau die kesou se puo, mu a süu se Khrista mu kehouu dze puya.

Kolosiko 1:27

Ukepenuopfüe keviepie ketuo kinyi hau, puoca, nie nou ketuo Khrista, zapuzayie kemerüu, se Judakemoko donu pesipengushütuoü rhüliete.

Kolosiko 2:10

nie puo geinu ketshukelhuo kelhou ngulie, puoe kekuo kese mu mha kekhayakezha pete tsüu zo.

Kolosiko 3:11

Siro chü kesakelie süu la nie üse Judamia mu Grikmia ü, zhükeremia mu zhürekemomia ü, u zho kesuomia ü, mhasi kemomia ü, miadie kechümia ü tsiu miadie chü kemomia ü salie lhote, derei Khristae mha peteu zo, mu mha pete nu tuoya.

Thesaloniako Kenieu 2:16

Siro u Niepuu Jisu Khrista mu Ukepenuopfü u Puou, süusü u khriekeshüu mu u ngukemezhieu la kechachie thenou keluo siro u siedze kevi kha u ketsüu bu,

Ibriko 2:12

Sidi sie, “A siezedzürieko ki n zapie pushütuo, a kehou kro-u nu n tsheshütuo,” si.

Johan Kerieu 3:24

Kehoupuorei puo diekhakeshüko chüüzeya ro puo gei baya mu puo rei süko gei baya. Mu hau la puo khapie u tsükeshü Ruopfüu geinu puo u gei ba ücü silieya.