Johan 17:23 - Angami Naga CL (Re-edited) Bible (BSI)

²³ A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:23 Iomraidhean Croise

Johan 10:38

Derei a süko chüya liro, nieko thuo a pele morei, mhathoko we peleliecie, sitse niekoe Puou a nou ba mu a rei Puou nou bakecü silietuo.”

Johan 13:35

Nieko huoniehuo khrielie liro, süu geinu nieko ae pethakeliemia ükecü mia pete bu silietuo.”

Johan 14:10

A Puou nou ba mu Puou a nou bacü no pele mo me? A nieko ki pukezha dieko a thuo a die monyü a nou keba Puou thuo puo mhathoko chü tuoyakezha ze.

Johan 14:23

Jisu sie puo ki, “Kehoupuorei a khrieyakezhamia a die zetuo, siro Puou rei sümia khrietuo, mu hienie sümia ki vo di sümia ze batatuo.

Johan 15:9

A Puoe a khrieyakezha tuoi a nieko khrieya, nieko a kekhrie nu baliecie.

Johan 16:27

Puou nieko khrieya, nieko a khrieya mu a Puou ki nu par zokecü pele vor zocü la.

Johan 17:11

Tsiu tsie a kijü nu ba salie lhote, derei uko kijü nu ba zotuo, mu a n ki vortazhie. Kemesa Puou, no khapie a tsükeshüko, süko bu avu tuoi puo chülieketuo la no n za nunu süko rüguo ze tuoliecie.

Johan 17:21

uko pete bu puo chülieketuo la. Sidi Apuo, a n nou ba mu no a nou keba tuoi uko bu rei avu nou baliecie; sidi kijüu bu no a ketseshükecü peleliecie.

Johan 17:24

Apuo, no uko khashü a ketsüko a uko bu rei a kebara ba nyüya, sidi uko bu no kha a ketsü zayieu meholieketuo la, kekreilamonyü no kijüu chükelie mhodzü rei a khrie tuotakecü la.

Johan 17:26

A uko bu n zau siliete, mu süu mia silie zotuo, sidi no se a khrie vorkecü kekhrieu bu uko nou balie mu a bu uko nou balieketuo la.”

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 17:8

kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Johan 3:17

“Siro kijüu bu jotatuo üdi Ukepenuopfü puo Nuo ketsepie kijü nu shü monyü, kijüu bu puo la kelakelie ngulieketuo la zo.

Johan 6:56

Kehoupuorei a chü cü mu a zie kriekezhamia a nou baya mu a rei sümia nou baya.

Korintmiako Kerieu 1:30

Puoe Khrista Jisu geinu nie kerheiro bo-u zo, u la Ukepenuopfü kinu mhasi, siro miathokecü mu chü kemesakelie tsiu u rhakelieu chüte,

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Galatiako 3:28

Judamia morei Grikmia üketuoko, kediemia morei kedie kemomia, thepfumia mu thenumia icüko kekreilie lho; pete Khrista Jisu geinu puo chüketa la.

Filipiko 3:15

Úko phichüketako we mha sükemhie le phrelie khe; mu nieko mha kekrei huo le ba üro, Ukepenuopfü thuo süu rei thashü nie kietuo.

Kolosiko 1:28

Hie puo dze pu pethaya, tsiu hie kehoupuo bu rei Khrista nunu phichülieketamia puo chülieketuo la tahitarho mu mhasi pete se kehoupuorei petha tuoya.

Kolosiko 2:2

A uko nou bu thepfu mu kekhrie nu keze puo chü nyüya, sitse uko puocapuola si toukelie kinyiko mu Ukepenuopfüe keviepie ketuo mhasi ngulietuo, süu Khrista zo,

Kolosiko 3:14

Mha pete ki rei kekhrie chü dzieliecie, süu mha pete pha kesapie kezepuo chü balieya.

Pitor Kerieu 5:10

Derei puotei huoyo nie kemezhiekewa sie, puo geinu ngukemezhie pete paryakezha, Khrista nunu nie kiepie kechachie zayie kechü nu shülieketau, Ukepenuopfü thuo nie perheilie, nie chü pevi tsei mu nie chü kemetei tsiu nie chü pekuoshütuo,

Johan Kerieu 1:3

Nie bu rei hie ze kekrotholieketuo la hie ngu mu sikelie dze pupie nie kieshü ho; mu hie zowe u Puou mu puo Nuou Jisu Khrista ze kekrotho tuo zo.

Johan Kerieu 3:1

Harie, u Puou kide u khrie shi leshücie, u üse Ukepenuopfü nuonuo üdi kiete; mu we si kethota zo. Kijüu u si mokecü kekreilamonyü uko puo si mocü la zo.

Johan Kerieu 4:19

Puo u khrie riekeshü la we mia khrieya.

Pesikeshü 3:9

A Satan sinagog nu u thuo u ü Judamia üya, derei mo, tijüyakezha zo, a uko bu vor n phi ki khoutou tsutuo, sitse ukoe a n khrieyakecü silietuo.