Johan 17:2 - Angami Naga CL (Re-edited) Bible (BSI)

² No themia pete mho kekuo pie puo tsüwa di puo bu kechachie kerhei pie süko tsülieketuo chüshüwaketa la.

Johan 17:2 Iomraidhean Croise

Chieliko 110:1

Jihovae a Niepuu ki, “A zatsa balie, a n ngumvüko pie n phiba chüwa kemochie.”

Daniel 7:14

Siro mia mho dikecü mu zapuzayie tsiu kedi kechü pie puo tsüshü, themia peteko, seyieko, tsiu die kekreikreikecüko bu puo lie chütuo üdi. Puo mia mhodiketuoe kechachie di baketuou zo, süu jütalie lho, mu puo kedi rei pekawalie kelho puo zo.

Mathi 11:27

A Puo thuo mha pete pie a dzie nu shüwate; mu Puou thuo zo kemosie miapuorei Nuou siya mo, sütuoi Nuou mu Nuou thuo süu thapie kieshüketuoko zo kemosie miapuorei Puou siya mo.

Mathi 25:46

Süsie uko kechachie siazha kechü nu votatuo; derei kemiathoko we kechachie kerhei nu votatuo.”

Mathi 28:18

Ru Jisu vor di sie uko ki, “Teigei rei mu kijü rei kekuo pete pie a tsüwate.

Johan 17:24

Apuo, no uko khashü a ketsüko a uko bu rei a kebara ba nyüya, sidi uko bu no kha a ketsü zayieu meholieketuo la, kekreilamonyü no kijüu chükelie mhodzü rei a khrie tuotakecü la.

Johan 17:6

“No kijü hau nunu themia khapie a ketsüko ki a n zau pie pesipengushüwate. Süko n vie ze, mu no süko khapie a tsüshü, tsiu ukoe n die ze vor zo.

Johan 17:9

A uko sou nu chaya; a kijüu sou nu chaya mo, derei no pie a ketsüko sou nu chaya, kekreilamonyü ukoe n vie.

Johan 3:35

Puoue Nuou khrieya mu mha pete khapie puo tsüwate.

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 6:27

Kaüjütaketuo kecüca pfhü hieü, kechachie rheilieketuo cau pfhüliecie, süu Themia Nuou thuo pie nieko tsütuo, Puou Ukepenuopfü thuo puo geinu zasiu vüwaketa la.”

Johan 6:37

Puoue khapie a ketsü kheko a ki vor phretuo, mu kehoupuorei a ki kevormia a sümia khawalie lho;

Johan 6:39

Siro a ketsekeshüu medo-u sü, puoe khapie a ketsü peteko puorei pejüwa mo di thelanhie süko pete phoupie kerhei nu shülieketuou zo.

Rommiako 6:23

Kekreilamonyü kephouma zhakhrae kesia, sirei Ukepenuopfü u Niepu Jisu Khrista nunu methuo khapie u ketsüu we kechachie kerhei zo.

Korintmiako Kerieu 15:25

Puo puo ngumvüko pete pie puo phi khroshüwa kemochie di ba morokesuo la.

Efesako 1:20

Ukepenuopfüe kekuo hau se kesia nunu Khrista chü perheilie di puo bu teigei puo zatsa bate,

Filipiko 2:10

süla Jisu za nunu khoudza pete khoutou phretuo, teigei rei tsiu kijü rei mu kijü khro rei,

Timothi Kerieu 1:16

Derei puo a ngumezhiekewa süu hasie puo pelelie di kechachie kerhei ngulieketuoko la a kephoumado-u rüli geinu puo mia gei puo nou shükhreshühiethor tuoyakezha thashü kieketuo la zo.

Ibriko 1:2

derei tsie thelatsa teiu nu we Nuou bu u rüchü tuote, puoe süu kedapie mha peteko kayieu chüshü, mu süu geinu tei kijü pete chükelie zo.

Pitor Kerieu 3:22

Süu puo tsie vo teigei Ukepenuopfü zatsa nu teigeidielieko, kezhako mu kekuoko mho di bate.

Johan Kerieu 1:2

kerhei hau ngulie kevi chüshü, hie rei ngu zo, süla hie süu dze zhapu chüya, mu kechachie kerhei u Puou ze ketuo, hie pesipengukeshüu dze pie nie ki puya.

Johan Kerieu 2:25

Siro kechachie kerhei hauha, puo thuo u ki phrapie kezhüu zo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Juda 1:21

nie ze kechachie kerhei nu voketuo u Niepuu Jisu Khrista ngukemezhieu pfhe keba ki ze nie thuo nie khapie Ukepenuopfü kekhrieu nu ba zolie.