Johan 16:23 - Angami Naga CL (Re-edited) Bible (BSI)

²³ Sünhie, niekoe mhapuorei a ketso sa motatuo. A nieko ki pu toushütuo, nieko Puou ki a za nunu mhakehoupuorei cha ro, Puoe süu khapie nie tsütuo.

Johan 16:23 Iomraidhean Croise

Isaya 65:24

Ukoe kie kemonu ae khoshütuo, uko pu pedzeyaluokecü nu a silietatuo.

Mathi 21:22

Nieko pelekhru di mhakehoupuorei cha ro ngulie zotuo.”

Mathi 7:7

“Chacie, siro khapie nie tsütuo; pfhüya zocie, siro nie ngulietuo; ketouya zocie, siro khrüshü nie tsütuo.

Johan 14:20

Sünhiesü a Puou nou tuokecü, tsiu nieko a nou tuokecü mu a nieko nou tuokecü silietuo.

Johan 14:22

Judas, (Iskariot kemo-u) sie, puo ki, “Niepuu, no n thuo n pie kijüu monyü hie pengushüketuo kikidi silie ta?”

Johan 14:5

Thoma sie puo ki, “Niepuu, no kirapuo votieya shi hie si mo. Hie kikemhie di cha süu silie ta?”

Johan 15:7

Nieko a nou ba mu a dieko nie nou ba ro mha nie neiko chaliecie, siro süko chüpie nie tsütuo.

Johan 16:19

Jisue uko puo ki mha ketso nyü keba si, süla uko ki, “Puotei huoyo la nieko a ngu motatuo, mu puotei huoyo sie nieko a ngu latuo,” ikeshü hau nie donu kepu ba me?

Johan 16:26

Sünhie nieko a za nunu mha chatuo; süu a nie sou nu puo ki mha chaketuou pu ba mo;

Johan 16:30

No mha pete sikecü hie si bate; noe mia bu n ki mha ketso morei vi ükecü chüshüte; hau la hie bu noe Ukepenuopfü kinu vor zo ükecü pelete.”

Efesako 2:18

sidi puo la u kehoupuo bu rei Ruopfü puo geinu Puou ki volie kevi chüshü.

Johan Kerieu 2:1

A nuonuoko, nie bu phouma molieketuo la a hako thupie nieko ki shüya. Derei huomia phoumata üro, u la Puou ki zhapu chü kethamia puo ba, süu kemiatho-u Jisu Khrista zo;