Johan 16:14 - Angami Naga CL (Re-edited) Bible (BSI)

¹⁴ Puo a bu zayie chütuo, kekreilamonyü puo a vieko pie nieko pesipengushüketuo la.

Johan 16:14 Iomraidhean Croise

Zekaria 12:10

Siro ae David kiu gei mu Jerusalem nu kelhouko gei ngukemezhie mu u mezhiemelokecü ruopfüu rushütuo, siro ukoe uko thuo rüngou pie zekewau ngu tse, ukoe puo krükratuo, mia puoe puo nuo puo rübei zokecüu la krakecü tuoituo, sidi krapie mia puoe puo nuo nuorieu la krakecü tuoitatuo.

Johan 14:21

Kehoupuorei a diekhakeshüko ngulie di süko chüüzeyakezhamia a khrieya; mu a khrieyakezhamia a Puou rei sümia khrietuo mu a thuo a pie uko pengushütuo.”

Johan 15:26

“A u Puou kinu ketsepie nieko ki shüketuo Thukepeluou, Puou kinu kepar ketho Ruopfüu, nieko ki vorlie ro puo thuo a zhapu chülietuo.

Johan 7:39

Jisue puo pelekelieko bu ngulieketuo Ruopfüu dze hau pushü, süki zo we Ruopfü khashü mo zoluocü la; kekreilamonyü Jisu zayie chülie mo zoluo.

Korintmiako Kerieu 12:3

Süla a nieko bu hau si nyüya, kehoupuorei Ukepenuopfü Ruopfü nunu mha puyakecü ki, “Jisu bu rüsekepfüu chü” icü puya mo, mu süsü tuoi Kemesa Ruopfü nunu zo kemosie miapuorei “Jisu sü Niepuu zo” ikecü puya mo zokecü nie bu si nyüya.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Galatiako 5:5

Kekreilamonyü Ruopfü geinu kepele se di miathokelie kemerüu pfhe kelho tuo zo.

Pitor Kerieu 2:7

Nieko puo pelekelieko la we, puoe puoma kere tsieu; derei pelekemoko la we, “Ki kechükoe khakewa tsieu puoke nu tsie chüketau,”

Johan Kerieu 3:23

Mu puo diekhakeshüu sü, puo Nuou Jisu Khrista za nunu pelelie mu puo diekhakeshü mhiei di huoniehuo khriekecüu zo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Johan Kerieu 5:6

Dzü mu thezie nunu kevor-u sü Jisu Khrista zo, dzü rübei nunu mo derei dzü mu thezie ze vor. Mu Ruopfüue zhapu chükeshüu, kekreilamonyü Ruopfüue ketho zo.

Pesikeshü 19:10

Sitse a puo phi nu zeretsu puo rüsuotuoü sie, sirei puo a ki, “No ci hie! A rei Jisu zhapu zeyakezha, no mu n zeko mhie kituomia puo zo. Ukepenuopfü rüsuolie! Kekreilamonyü Jisu zhapuue siedzedie kepu ruopfüu zocü la.”