Johan 15:5 - Angami Naga CL (Re-edited) Bible (BSI)

⁵ A khubebo-u zo, nieko we puocoko zo. Kehoupuorei a nou ba mu a puo nou bakezhamia u si vü philieya; kekreilamonyü a sa mo di nieko mhapuorei chülie kenjü zo.

Johan 15:5 Iomraidhean Croise

Mhasidie 11:30

Kemiatho si-e kerheibo zo, derei zhosuoe kerhei chüsetaya.

Hosea 4:8

Ukoe a themiako kephouma cülie; ukoe uko kesuo kechüko mehoumengu baya.

Mathi 13:21

Derei themia süu puo mie kejü la zopuoki rübei bakelie zotaya; sidi dieu la kemezhiekecü morei mia u pesekecü sier tse puo tetsu mhataya.

Johan 12:24

A nnie ki pu toushütuo, telhashü puo te kijü tsu di siashü moliro puo rübei sei baya, derei süu siashü ro, puo si kekra vülieya.

Johan 15:16

Nieko a kedalie mo, derei a thuo nie kedalie. Nieko bu vo nie si vülie mu nie si süu bu ba seilieketuo la a nieko pethoshü, mu nieko mhakehoupuorei a za nunu Puou ki cha ro puo süu chüshü nie tsütuo.

Johan 5:19

Süla Jisu uko ki, “A nieko ki ketho-u puya; Nuou puo thuo zowe mhapuorei chülie kenjü; puoe puo Puou kedipuo chü ba ngu shiü süu rübei chüya; Puou kedipuo chüya shi, Nuou rei sükemhieko chüyacü la.

Johan 9:33

Themia hau Ukepenuopfü kinu vor zo kemosie puo mha hakemhie chülie kenjü zo.”

Mhakechüko 4:12

Puo geinu zo kemosie kelakelie kekrei puorei jü, kekreilamonyü u kelalie morokesuo la tei khro chüüphou donu theza kekrei puorei tuo mo.”

Rommiako 12:5

sütuoi we kekreikecü kekra shierei, Khrista nunu mo puo zo, sidi mia puoe kekreiu ze kekhe phre.

Rommiako 6:22

Derei nie tsie we kephouma cie pralie di Ukepenuopfü diemia chüte, süu siue nie chü kemesalie. Süu thelae kechachie kerhei.

Rommiako 7:4

Sükemhiei, a zenuoko, nieko rei Khrista mo-u la thezho-u kitsa siate; nie bu kekreimia puo vie chülieketuo la, süusü kesiako donunu rheilasieketau vie chüketuo, sidi u bu Ukepenuopfü kitsa u si vülieketuo la.

Korintmiako Kerieu 10:16

We pie Ukepenuopfü tsheyakezha hieu, süu Khrista zie se vierhe chüketa puo mo üme? We niekhrüda bietshiekecü ki, süu we Khrista mo-u gei keze puo chüketa puo mo üme?

Korintmiako Kerieu 12:12

Siro umo puo zo derei puo zatho kekreikreicü kekra ba, mu umo gei puo zatho kekreikreicü kekra ba rei pete kesa mo puo zokecü tuoi Khrista dze rei sü mhie zo.

Korintmiako Kerieu 12:27

Süla niekoe Khrista mo-u zo, mu mia puopuo ha süu gei za puopuo phre zo.

Korintmiako Kenieu 13:8

Kekreilamonyü hie ketho-u petsoukecü mhatho puorei chülie kenjü, derei hie ketho-u la rübei zotuo.

Korintmiako Kenieu 9:10

Siro cieketuo la tsia mu kecüca la niekhrüda khashüyakezhau nie bu cielieketuo la tsia khashü mu chü pekrashütuo sidi nie kemiatho lieyieu bu kralietuo.

Galatiako 5:22

Derei Ruopfü si ro kekhrie, u neikecü, kezekevi, shügeshühiekecü, mia ngukemezhie, vikecü, kedietho,

Efesako 5:9

kekreilamonyü kevi mu kemezhü tsiu ketho pete nu kezieu si ngulieyacü la.

Filipiko 1:11

tsiu Jisu Khrista geinu voryakezha kemiatho siu bu nie tshulie di Ukepenuopfü bu thetshe mu zayie chülieketuou zo.

Filipiko 4:13

A chü pekuoshüyakezhau la a mhakehoupuorei chülie vi.

Filipiko 4:17

A mha methuo ngukelie pfhü mo, derei nieko za nu kengupie kezhüu bu mevipie süu salieketuo kepfhü zo.

Kolosiko 1:10

sitse nie Niepuu nei chü di lhoulie, puo nei puo medoko chü tseiütsolietuo, tsiu nie bu mhatho kevi neiüko nu nie si rüchülie mu Ukepenuopfü mhasi dzetsa vi kehielietuo.

Kolosiko 1:6

süu nie ki vorte. Süu puo si vülie mu memie se kijü pete nu vote, sütuoi nieko donu rei süu dze silie therie nunu puo si vü sedelie mu Ukepenuopfü ngukemezhie si touliete.

Jakob 1:17

Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo.

Pitor Kerieu 2:4

Nieko mia bu puo thiwa zorei Ukepenuopfü thuo kedakelie puoma kere kerhei tsieu ki vorliecie, mu

Pitor Kenieu 3:18

Derei u Niepuu mu kelakelieu Jisu Khrista mhasi tsiu ngukemezhie nu memie sielie. Puo bu tsie rei mu kechachie zapuzayie chücie. Amen.