Johan 15:25 - Angami Naga CL (Re-edited) Bible (BSI)

²⁵ Süu thiedzü uko zho-u nu, ‘Uko puoca kejü nu a ngumecüte,’ idi thupie kezhü dieu bu tseilieketuo la zo.

Johan 15:25 Iomraidhean Croise

Chieliko 109:3

Uko a ngukemecü dieko se di a houpfülie, mu puocapuola kejü nu a perhiepetsoute.

Chieliko 35:19

A ngumvüko bu puotou kemonu a ngu uko neita hiecie, morei a mecükezhako bu puoca kejü nu mhite rei hie.

Chieliko 69:4

Puoca kejü nu a ngumecüyakezhakoe a tsüthako ki rei krakuo; puotou kemo nunu a ngumvü di a pekawatuoü kebakoe kra se. A rügu kemoko rei, a bu sutuo me?

Chieliko 7:4

a mha kesuo pie a zemia gei shü üro; morei puoca kejü nu a ngumvümia vie vapfüta üro;

Mathi 10:8

Kechümia chü keshürhoshülie, kesiamia chü perheishülie, mpa kechümia chü kemeneshülie, mu terhuokesuoko whuowalie. Nie methuo ngulie zeru, methuo zashücie.

LUK THUKESHÜ DIELIEKEVI 24:44

Süsie puo uko ki, “Mha hako pete a nieko ze keba kinu, Mosa zho nu, siedzekesiko leshü nu mu chieliko nu a dze thupie kezhüko pete chü tseilie morosuo” ükecü pukeshü a die zo.

Johan 10:34

Jisu sie uko ki, “Nieko zho-u nu thupie kezhü, ‘A puya, nieko terhuomia zo,’ isi mo me?

Johan 13:18

A nieko pete dze pu ba mo; ae kedalieketako a thuo si ba. Derei kethodie nu, ‘A niekhrüda kecüu puo phichapie a tsie,’ ikecüu bu tseilieketuo la.

Johan 19:36

Mha hako chüketa kethodie nu, “Puo ruko puo rei bietshewalie lho,” ipieketuo dieu bu tseilieketuo la zo.

Rommiako 3:19

Siro thezho-u nu mha puyakezhako thezho kenyiko ki puyakecü we si zo, süla mia pete die va pejüwaya, mu kijü pete rei Ukepenuopfü mhodzü u nyie kecütuo.

Rommiako 3:24

sirei Khrista Jisue rhakelie do chükeshü geinu puo u ngukemezhie la we puoma chü mo di miatholieya,

Korintmiako Kenieu 11:7

A nieko chü pezhashüketuo la a thuo a chü kerünuolie, mu puoma chü mo di Ukepenuopfü dieliekeviu se nieko pethakeshü ki a kephouma puo chüwa üme?

Galatiako 2:21

A Ukepenuopfü ngukemezhieu pejüwalie kenjü, kekreilamonyü thezho geinu mezhükelie vorya üro, Khrista bu kemethuo nu siate.

Thesaloniako Kenieu 3:8

mu hie puoma chü mo di mia puo niekhrüda rei cülie mo, derei nieko mia puo pie rei chüwa nyü kemo la hie thevakhinhie rei mhachü rükhrerüyi zo.

Pesikeshü 21:6

Süsie puo a ki, “Süu chüwate! Ae Alfa mu Omega, Therieu mu Thelau. Kehoupuorei keterhüu, puoma chü mo di kerhei dzüluou nunu krielieketuo a methuo khashütuo.

Pesikeshü 22:17

Sitse Ruopfüu mu yasapfüe, “Vorliecie,” isi. Siro kehoupuorei rünyükeliemia, “Vorlie,” sicie. Tsiu kehoupuorei keterhüu vorliecie. Kehoupuorei kerheidzüu mengukezhamia methuo di lieliecie.