Johan 15:24 - Angami Naga CL (Re-edited) Bible (BSI)

²⁴ A uko donunu miapuorei chüshü kemo mhathoko chüshü mo üro uko phouma lhomu ru. Derei tsie we uko mha süko ngushüte, süla a mu a Puo rei ngumecüya.

Johan 15:24 Iomraidhean Croise

Chieliko 81:15

Jihova ngumecüyakezhako puo mhodzünu rünhe ketatuo, mu uko siazha we kechachie ba sei zotuo.

Toukepra 20:5

no nuketsu süko rüsuo, kelu morei uko lie chülie lho; ae Jihova n Kepenuopfü, puo rokenyi Kepenuopfü puocü la, u krünuo kephouma la mu a meliekewamia nuonuo gei phou se phou dia ketso rei phituo;

Mhasidie 8:36

Derei a petsouyakezhamia puo thuo puo ruopfü pekawaya, a ngumecüyakezhamia pete kesia khrieya zo.”

Mathi 11:5

Mhiciemia mha ngulie bate, phiyhomia chatuolie bate, mpa kechüko chü kemesalie bate, nyievümia mhapfhe silie bate, kesiamia rhei lalie bate, tsiu dieliekeviu pupie kejümia kieshü bate.

Mathi 21:32

Kekreilamonyü Johan kemiatho cha ze nieko ki vor, derei nieko puo pele mvüte; sirei khezhanuo kekhruoko mu thethenuko we puo pelelie mu nieko we süsü ngukewa sie zorei, nie nou rüdilie di puo pelelie moketa la.

Mathi 9:33

Siro terhuokesuou whuowa tse keliehuou die pu lalieta; süla themia kroko u ngo di sie, “Thiedzü mhakipuorei Israel nu hakemhie ngu chie mo,” si.

Mark 2:12

Sitse puo uko pete mhodzü nunu puo zhü chü mhailie di tuo prata; sitse uko pete u ngo mu Ukepenuopfü tshe di sie, “Hie mhakipuorei hakemhie ngu chie mo zo,” sita.

LUK THUKESHÜ DIELIEKEVI 24:19

Sitse puo unie ki, “Kedipuo dze ya?” Siru unie sie, “Jisu Nazaret-u gei chüketa dze zemu, themia süu siedzekesimia, Ukepenuopfü siro themia peteko mhodzünu puo die mu puo mhatho nu rei kuo sekecü puo,

Johan 10:32

Sitse Jisu sie uko ki, “A a Puou kinu kevor mhatho kevi kekra pie nieko kieshü. Nieko mhatho süko kiu la ketsie pie a vatuoüya ga?”

Johan 10:37

A a Puou mhathoko chüya moliro, nieko a pele hie.

Johan 12:10

Süla zievokezhakoe Lazar rei dukhriwaketuo rhüta.

Johan 12:45

Mu kehoupuorei a nguyakezhau a ketsekeshüu nguya.

Johan 14:9

Jisu sie puo ki, “A puotei hachie nieko ze tuota rei Filip, no a si mo le? Kehoupuorei a nguwaketamia, Puou rei nguwate. Siro no kiüdi ‘Puou pie hie pengushücie,’ iya ga?

Johan 15:21

Derei a za la uko nie gei mha hako pete chütuo, ukoe a ketsekeshüu siya kemo la.

Johan 15:22

A vor di mha hako uko ki pushü kemosie we uko phouma lhomu ru, derei tsie we uko u kephouma keprülieketuo ba jüte.

Johan 15:23

Kehoupuorei a ngumecüyakezhau a Puou rei sa ngumecüya.

Johan 16:9

kephouma dze süu uko a pele kemo la;

Johan 3:2

Puo theva ze Jisu ki vor di puo ki, “Kepethau, no ha Ukepenuopfü kinu kevor kepethamia puo ükecü hie si ba; Ukepenuopfü u ze tuo kemosie miapuorei noe chükeshü zasi hako chülie kenjü zocü la.”

Johan 5:36

Derei a zhapu Johan zhapuu ki rei zhakuokecü puo ba; Puou a bu chü tseishünu di khashü a ketsü mhatho a chüyakezhako thuo Puou a ketsekeshü thashüya.

Johan 6:36

Derei nieko a nguwata zorei pele moketa a nie ki pushüwate.

Johan 7:31

Derei themia kro-u nu mia kekra puo pelelie di sie, “Khrista vor üro puo themia hau ki rei ungomhathoko chükuoshütuoü memu?”

Johan 9:32

Siro kijü chülie tsenu vor tsie ketso miapuorei puo mhicie di penuokeliemia mhi chü pevi lakeshü dze we si mo zoluo.

Johan 9:41

Jisu uko ki, “Nie mhicie ro nie kephouma jütatieciü, derei nie ‘Hie nguya’ isiya, süla nie kephouma ba zoluo.”

Mhakechüko 10:38

Süusü Ukepenuopfüe kimhie di Kemesa Ruopfü mu puo kekuo kha puo gei shü di Nazaret Jisu kenhelie shicü dze zo; puo lukihaki vo mha kevi chü mu terhuo kesuoko bu u keyhukezhie ze tuoketa khe chü keshürhoshü, Ukepenuopfü puo ze ketuo la.

Mhakechüko 2:22

“Nie Israelmiako, a die rünyüshücie: NazaretJisu ha, nieko rei si keba tuoi, Ukepenuopfü thuo puo geinu kekuo mhathoko, u ngoko mu zasiko chü di puo zo ücü thashü,

Rommiako 1:30

kethakemele, Ukepenuopfü ngukemvü, mia rhu kemo, kemiakokecü, kemelhakecü, thedo kesuo pfhükeshü, u krünuo die ze kemo,

Pulakeshüzho 5:9

No nerhutsu süko rüsuo morei süko lie chülie lho, ae Jihova n Kepenuopfü puo rokenyi Kepenuopfü puo zo, u puonuoko kejo la phou se phou dia ketso rei a mecükecümia gei siazha khashüya,

Timothi Kenieu 3:4

kelhiekecü, mia die rünyü kemo, komethuo; tsiu Ukepenuopfü khriekecüu ki rei u thuo u nei u nyü chü nyükuokecü siertuo,

Jakob 4:4

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.