Johan 15:2 - Angami Naga CL (Re-edited) Bible (BSI)

² A geinu kepar puoco kehoupuorei puosi vülieya kemo-u puo süu sawaya, mu puoco kehoupuorei puosi vülieyakezhau puo süu bu puosi vü kralieketuo la meza kemesashüya.

Johan 15:2 Iomraidhean Croise

JOB LESHÜDAU 17:9

Sizorei kemiathomia puo thuo puo zho-u se ba zotuo, tsiu u dzie kemesamia kuo miemie sielietuo.

Chieliko 92:14

Uko botsata rei uko si vüshü zotuo, uko pejo mu rheirhie ba zotuo;

Mhasidie 4:18

Derei kemiathomia chae niakicha kemhie ziekruoi baya, teiso tseikecüu tsolietuoü zie miemiezhüya.

Isaya 27:9

Süla hau pie Jakob kejo-u bie pejüwatuo, mu hauha puo kephouma vakeshü puo siteuta zotuo; puoe ruosuoba gei ketsieko pie nyokra getshiekewa tuoiwa ro, Asherako morei dhuna ruosuobako puorei ba motatuo.

Isaya 29:19

U zho kemenekoe Jihova geinu u kenei kesa ngulietuo, mu ketsopfhümia rei Israel Kemesau geinu u nei phituo.

Daniel 11:35

Siro mhakesiko huo tetsutatuo, süki uko chü pevikuolie mu ketso kemesalietuo, si zo vo thela teiu tsotuo, kekreilamonyü chiepie keba teiu tsoketuo puotei huo baluocü la.

Hosea 6:3

Úko silie khe, úko Jihova silietuoü whuo zo vo khe; puo kengue teiso pi kepar mhie zo; puoe teirü tuoi u ki vortuo, bayie teirü tsur kijü tshekeshü mhieituo.”

Malaki 3:3

puoe mhachü kemesakecüu mu rakachü chü kemesakecü puo tuoi balietuo, sidi puoe Levi nuosenuoyieko chü kemesalietuo, tsiu uko chü kemesapie suna mu rakachü tuoilietuo, ukoe kemiatho nunu ruosuo chüpie Jihova ki shülie kemochie.

Mathi 13:12

Kekreilamonyü kehoupuorei mha puo gei kebau pie tsü sashütuo, sidi puo bu kra philietuo; derei mhapuorei ba kemo-u we, puo kinu puo kebayo rei chüsetatuo.

Mathi 13:33

Puo uko ki dievi kekrei puo pu di sie, “Teigei kedi-e khrei kemhie zo: miapfü puo khrei se vo thou kemejü ketshu se nu shüshü di süu pou kepar pfhe keba mhie zo.”

Mathi 15:13

Derei puo la sie, “Teigei keba a Puoue leishü kemo seiünha kheko phewatuo.

Mathi 21:19

Sitse cha khieki chiedebo puo keba ngulie di puo tuo süki phi, mu süu puonyü sie mhapuorei keba ngulie mo. Sitse puo sie süu ki, “N geinu n si puorei vü sa hietacie!” Sishü mumetha chiedebo-u rüwita.

Mathi 25:29

Kekreilamonyü themia kehoupuorei mha kebau, khapie puo tsü sashütuo, sitse puo mhanyi philietuo; derei mhapuorei ba kemo-u puo kinu kebau rei chüsetatuo.

Mathi 3:10

Siro tsie rei seidurü seiboko phi nu zhü zo, süla seibo kehoupuorei puosi kevi vüliekemoko wiwatuo, sidi kelhoupie mi nu shüwatuo.

Mathi 3:12

Puo lieherü puo dzie nu ba, mu puo sieu he kemesa mpouwatuo, sidi puo puo lhako pie telhaki nu kengulietuo, derei puo shübeko we pie mhetalie kelho mi nunu thewatuo.”

Mathi 7:19

Seibo kehoupuorei puosi kevi vülieyakemo-u wiwa di kelhoupie mi nu shüwaya.

Mark 4:20

Siro prupie kijü kevi nu shükelieko hakoha: Uko dieu rünyülie mu lielie, di u si rüchülie, sidi huo ser, huo hiesorou mu huo krie puo vülie.”

LUK THUKESHÜ DIELIEKEVI 8:13

Siro te ketsietsoru gei tsuketako liro, dieu rünyükeshü ki u nei siei di liekelieko. Derei uko mie jü, uko puotei huoyo rübei pele balie, sidi dophi uko gei phir tse thalie moketako.

Johan 15:1

“A khubebo ketho-u, mu a Puoe liecieu zo.

Johan 15:16

Nieko a kedalie mo, derei a thuo nie kedalie. Nieko bu vo nie si vülie mu nie si süu bu ba seilieketuo la a nieko pethoshü, mu nieko mhakehoupuorei a za nunu Puou ki cha ro puo süu chüshü nie tsütuo.

Johan 15:3

A nieko ki pukeshü dieu la nie mesa bate.

Johan 15:6

Kehoupuorei a nou ba kemo-u puoco tuoi kelhouwaya, sidi kitaya; siro mia süko rhe kengulie di kelhoupie mi nu thewaya.

Johan 15:8

Nieko si vü phikelie geinu a Puou zayie chülietuo mu sügeinu nieko ae pethakeliemia chülietuo.

Johan 17:12

A uko ze ketuo chie no khapie a ketsüko n zau nu uko khapie baliete. A uko rüguo se tuo zo, mu kethodie bu tseilieketuo la kataketuo nuou zo kemosie miapuorei pejüwa mo.

Rommiako 11:17

Derei puoco huo biechukewa la, no nha oliv zokecüu biepie biechukewako chü nu pfepie phashülie di olivbo-u mie keviu ze kerhete,

Rommiako 11:22

Siro Ukepenuopfü mia ngukemezhie mu puo die kere rei leshücie: tetsuketako gei puo die re, derei nie puo ngukemezhieu nu tuolie liro, puo nieko ngumezhietuo; moliro puo nieko rei sawa zotuo.

Rommiako 8:28

Siro Ukepenuopfü khrieyakezhako puo mharhü la kiekelieko la zowe kehoupuo chü shierei u dze kevi la phre zokecü we si bate.

Korintmiako Kerieu 13:1

A themia mu teigeidieliemia die pulie zorei kekhrie ba moro, a mese kekreikecü pfhe morei simbal kejokecü pfhe puo zo.

Tita 2:14

Puoe u kesuo kheko nunu u rhalie mu u khrü kemesapie puo thuo puo themia kro puo chülietuoü u bu mha kevi pete nu u rhiechülietuo üdi puo kelhou khashü.

Ibriko 12:15

Miapuorei bu Ukepenuopfü u ngukemezhieu vajowa molieketuo la menuoliecie; moliro mha kepfhü bu tsü par nieko chü pesuowa di mia kekra bu rhuta rei si momu.

Johan Kerieu 2:19

Süko u donunu tuo prate, derei süko u kromia mo zo; kekreilamonyü süko u kromia üro, uko u ze ba zotieciü. Derei uko u khawa di tuoketa geinu u kromia mo ücü si kemecie touta zo.

Pesikeshü 3:19

A kehoupuorei khrieyakezha khe kerhie mu pechü di pethaya. Süla thethochü di thenou kediliecie.