Johan 15:18 - Angami Naga CL (Re-edited) Bible (BSI)

¹⁸ “Kijüu nieko ngumecüya liro süu nieko ngumecüketa mhodzü a ngumvüketa siliecie.

Johan 15:18 Iomraidhean Croise

Kediko Kerieu 22:8

Siru Israel kediue sie Jehoshafat ki, “Tsie rei mia puo baluo, Imla nuou Mikaia, puo kinu Jihova ketsolie rei vi, derei a puo ngumecüya; kekreilamonyü puoe a dze siedzedie kevi puya mo, derei kesuou puya.” Sitse Jehoshafat-e sie, “Kediu bu sita hiecie.”

Mhasidie 29:27

Miatho kemomia sü kemiathomia mhodzü kerütse zo, derei themia puo cha mezhükezhaue kerüzhüko mhodzüki kerütse zo.

Isaya 49:7

Jihova, Israel Rhakelieu mu puo Kemesau, seyieko puo kemecüu, puo rütse phikecüu, mha kekhakezhako thekeu ki puya; “Jihova, kedietho-u, Israel Kemesau, nie kedakelieu la, kedikoe ngu di siethalietuo, kedinuoko rei u thuo rünuotsu n kelutuo.”

Isaya 53:3

Mia puo mecü mu puo melie; kemezhiekecümia puo chü mu kelhokemezie si; mu mia puo ngu ro u zie kevietayakecü puo tuoi mia puo pie kethese, siro we zorei puo le ketherhu mo.

Isaya 66:5

Jihova dieu rünyüliecie, nie puo die gei peyakezhako: N themia thuo n ngumecü mu a za la n khawakecüko hakemhie pu di, “Jihova pie zapuzayie chüshü, sitse hie nie kenei ngutuo” siya; derei thenga chüketuo we uko zotuo.

Zekaria 11:8

Siro thekhrü puo nu ae kuopfhemia se khawata; kekreilamonyü a uko gei shügeshühielie kenjüta, mu uko rei a mecüta.

Mathi 10:22

Themia pete rei a za la nieko ngumecütuo. Derei kehoupuorei hiepfü zo tha thela tsokelieu kelalietuo.

Mathi 24:9

“Siro mia bu nie tepie mia dzie nu shü di nie pechü mu dukhrituo, siro seyie pete rei a za la nieko ngumecütuo.

Mathi 5:11

“A la mia nieko tha tsiu nie pese mu tijü di nie gei die kesuo neiüko pu ro nieko thejakepfütho.

Mark 13:13

siro a la themia pete bu nie ngumecütuo. Derei hie zo tha thela tsokelieu kelalietuo.

LUK THUKESHÜ DIELIEKEVI 6:22

“Themia Nuou la mia nie mecü, nie melie, nie tha, tsiu nie üse suo üdi nie za peka ro nie thejakepfütho!

Johan 16:1

“A mha hako se nieko ki pukeshü nie bu nie nou kekrüta molieketuo la.

Johan 16:33

Nie bu a geinu nouneu ngulieketuo la a nieko ki die hako pushü ho. Nieko kijü hau nu kemezhie zotuo. Derei thepfulie; a kijü hau ki kuoliete!”

Johan 3:20

Kehoupuorei mha kesuo chüyakezhamia kezieu ngumecüya, ue u mhatho kesuo kechüu thashü mia kie moketuo la.

Johan 7:7

Kijüu zo we nieko mecülie lho, derei a mecüya, kekreilamonyü a süu mhatho kesuoko puyakezha la.

Mhakechüko 14:22

Sünu unie pethakelieko chü kemeteishü mu kepele nu thepfu thalienu di sie, “We Ukepenuopfü kedi nu leketuo la kepechü kekra ze kese morosuo,” idi pethashü.

Ibriko 12:2

sidi u kepele khapie u ketsüu mu chü tseishüyakezha Jisu meho zolie khe, puoe mha puo kenei puo mhodzütsa bakecüko la kemengakecü rei üse mhapuo kemo mhie di krus se rei hielieta zo, sidi vo Ukepenuopfü zatsa kedibau nu bate.

Jakob 4:4

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.

Johan Kerieu 3:1

Harie, u Puou kide u khrie shi leshücie, u üse Ukepenuopfü nuonuo üdi kiete; mu we si kethota zo. Kijüu u si mokecü kekreilamonyü uko puo si mocü la zo.

Johan Kerieu 3:13

Siro a kezenuoko, kijüu nie ngumecü rei nie ngota hiecie.

Johan Kerieu 3:3

Mu kehoupuorei kemerü hau pie puo gei kebamia puo mesakecü tuoi u thuo u chü kemesalieya.