Johan 15:16 - Angami Naga CL (Re-edited) Bible (BSI)

¹⁶ Nieko a kedalie mo, derei a thuo nie kedalie. Nieko bu vo nie si vülie mu nie si süu bu ba seilieketuo la a nieko pethoshü, mu nieko mhakehoupuorei a za nunu Puou ki cha ro puo süu chüshü nie tsütuo.

Johan 15:16 Iomraidhean Croise

Keriekitho 18:18

Abraham-e seyie kezha mu kekuo phi puo chütuo, mu kijü nu seyie peteko puo geinu theja ngu zotuo.

Chieliko 145:4

Phou puoe n mhatho tshepie phou kekreiu ki shütuo, sidi n mhatho kezhako pu pesishütuo.

Chieliko 71:18

A tsata mu a tsü rüpouta zo shierei, a khawa hiecie, he-i Kepenuopfü, a bu hasie vorketuo thephou peteko ki n kekuo mu n kezhako pu pesishüwa kemochie.

Mhasidie 11:30

Kemiatho si-e kerheibo zo, derei zhosuoe kerhei chüsetaya.

Isaya 27:6

Vorketuo teisozhako nu Jakob puomie krelietuo, Israel-e puo pou poulie mu puonuo thelietuo, sidi puosi vüpie kijü pete tshulietuo.

Mika 5:7

Sitse Jakob geinu lhiekelieko, themia kekra bu u houpfü di, Jihova kinu thezei krü ketsur tuoi, teirü nha gei ketsur tuoi, themia pelelie lho, morei uko kemerü pie themia gei shülie lho.

Mathi 21:22

Nieko pelekhru di mhakehoupuorei cha ro ngulie zotuo.”

Mathi 7:7

“Chacie, siro khapie nie tsütuo; pfhüya zocie, siro nie ngulietuo; ketouya zocie, siro khrüshü nie tsütuo.

LUK THUKESHÜ DIELIEKEVI 6:13

Sidi teisolie tse puo pethakelieko kiepie puo ki shülie di mia kerekenie kedalie di süko üse apostelko üdi kielie.

Johan 13:18

A nieko pete dze pu ba mo; ae kedalieketako a thuo si ba. Derei kethodie nu, ‘A niekhrüda kecüu puo phichapie a tsie,’ ikecüu bu tseilieketuo la.

Johan 15:19

Nieko kijüu vie üro, kijüu nie üse puo vie üdi nie khrietuo. Sirei nie kijü hau vie mo zo, derei a kijü hau nunu nieko kedaliete, süla kijüu nieko ngumecüya.

Johan 15:5

A khubebo-u zo, nieko we puocoko zo. Kehoupuorei a nou ba mu a puo nou bakezhamia u si vü philieya; kekreilamonyü a sa mo di nieko mhapuorei chülie kenjü zo.

Johan 6:70

Sitse Jisu sie uko ki, “A nieko mia kerekenie kedalie mo üme? Sirei nieko mia puo satan zo.”

Mhakechüko 1:24

Sidi uko cha di sie, “Niepuu, no kehoupuo nou rei siya. Süla no hanie supuo kedaliete shicü hie ki pucie,

Mhakechüko 1:8

Derei Kemesa Ruopfü nieko gei vorkelie ki nieko kekuo ngulietuo; sitse nieko Jerusalem nu, Judia pete mu Samaria nu, tsiu kijü vala ketso rei a zhapumia chülietuo.”

Mhakechüko 10:41

themia pete monyü Ukepenuopfüe zhapu la kedakelie hieko rübei mhingu chüshü, mu puoe kesiako donunu rheilasieketa sie rei hie puo ze mhacümhakrie zo.

Mhakechüko 22:14

Ru puo sie, ‘U puonuoko Kepenuopfü n kedapie n bu puo medo silieketuo, tsiu kemiatho-u ngulieketuo mu puo tie nunu kepar puo pfheu rünyütuoü rhüse tuote;

Mhakechüko 9:15

Derei Niepuu puo ki, “Tuoshülie, kekreilamonyü a puo bu Judakemoko mu kediko tsiu Israelko ki a zau se pushüketuo la puo kedaliete;

Rommiako 1:13

Siro a siezedzürieko, Judakemoko donu tuoi nieko donu rei a mhatho si huo ngulie kenyü la, a tsiemelie nieko ki vor nyü seyakecü (sirei tsie ketso vorlie mo ba zo) a nie bu si ba nyüya.

Rommiako 1:5

geinu hie ngukemezhie nu apostel chükelie zo; sidi puo za nu Judakemomia seyie neiüko ze vor kepele diezeu nu shülieketuo la zo,

Rommiako 15:4

Siro thiedzü thupie ketuo kehoupuorei se u pethaketuo la zo, sidi u bu shügeshühiekelie mu Ketholeshü geinu u chü kethepfulie di u siedze nyilieketuo la zo.

Rommiako 9:21

Lithomia puoe rügau se puo medo chü di huo chüpie therhu li chü mu huo chüpie therhu phikemo li chülie kevi puo kekuo jü üme?

Korintmiako Kerieu 10:11

Süko gei mha hako chüketa u bu u kireilieketuo la thakie puo zo, sizomonyü we puotei thelau nu kelhouko tarhoshüketuo la die süko thupie tuote.

Galatiako 1:15

Derei Ukepenuopfü ngukemezhie la a penuolie kemonu puo thuo a kelakreilie mu a kieliete, mu puo medota

Efesako 2:10

Kekreilamonyü we sü puo mhatho kro puo zo, mha kevi chünu di Khrista Jisu nunu u chüshü zo, Ukepenuopfü u bu kelhou süu se lhou tuonu di pedzüperie kesese tuote.

Kolosiko 1:23

sidi nie kepeleu nu metei tsiu khrukhrekecü mvüdzeu gei tha zolie, mu nie dieliekeviu sikelie la nie kemerü puo baketau nunu tsiesie la molie ro, süu pie tei khro kelhou kheko ki pu votazhü zo. A, Paul rei dieliekevi hau lie chüte.

Kolosiko 1:6

süu nie ki vorte. Süu puo si vülie mu memie se kijü pete nu vote, sütuoi nieko donu rei süu dze silie therie nunu puo si vü sedelie mu Ukepenuopfü ngukemezhie si touliete.

Timothi Kerieu 2:7

Hau la a kedapie zhapumia mu apostel chülie (A ketho-u puya, a meda mo zo) kepele mu ketho-u la Judakemomia kepethau zo.

Timothi Kenieu 1:11

Dieliekevi hau la a bu pheshiemia puo chü, apostel chü, mu kepethamia rei chüte,

Timothi Kenieu 2:2

mu no zhapumia kekra mhodzünu a die sikelieko, no süko pie pelelie kesümia mu mia kekreimia rei pethashülie kevimia pele lashülie.

Tita 1:5

N bu mhachü tso mo kebako chüketuo la, mu hadzü n ki pukeshü tuoi rünako nu phichüko kedapie ba phrewaketuo la a n khapie Kreta nu bawa.

Ibriko 11:4

Kepele geinu Abel-e Kain ruosuo ki vikuocü chüpie Ukepenuopfü tsülie. Sügeinu puo üse miatho ülie, sidi Ukepenuopfü thuo puo mha khakeshüko puotou ükelie zo; süla puo siata zorei puo kepele süu geinu tsie rei u rüchüya.

Jakob 3:18

Siro kezeviyakezhako kezevi di kemiatho siu leishüya.

Pitor Kerieu 3:15

derei nie nou nu Niepuu üse Khrista üdi rhulie. Siro mia nie nou siedze puo tuoketau dze ketso ro pushülieketuo la dojü sei tuolie;

Pitor Kerieu 3:2

ukoe nie kemesa mu khrüprei kelhou lhou keba ngushü di.

Johan Kerieu 4:10

Kekhrie süu hau, we Ukepenuopfü khrielieta monyü puo thuo u khriekelie geinu u kephoumako ruotho la puo Nuou ketseshü.

Johan Kerieu 4:19

Puo u khrie riekeshü la we mia khrieya.