Johan 14:7 - Angami Naga CL (Re-edited) Bible (BSI)

⁷ Nieko a si liro, a Puou rei si zotuo. Nieko tsie we puo siliete mu puo ngu reiwate.”

Johan 14:7 Iomraidhean Croise

Mathi 11:27

A Puo thuo mha pete pie a dzie nu shüwate; mu Puou thuo zo kemosie miapuorei Nuou siya mo, sütuoi Nuou mu Nuou thuo süu thapie kieshüketuoko zo kemosie miapuorei Puou siya mo.

LUK THUKESHÜ DIELIEKEVI 10:22

A Puou thuo mha peteko khapie a dzie nu shüwate, Puou zo kemosie miapuorei Nuou supuo shi siya mo, sütuoi Nuou mu Nuo süu thuo thapie kiekeshüu zo kemosie miapuorei Puou supuo shi siya mo.”

Johan 1:18

Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Johan 15:24

A uko donunu miapuorei chüshü kemo mhathoko chüshü mo üro uko phouma lhomu ru. Derei tsie we uko mha süko ngushüte, süla a mu a Puo rei ngumecüya.

Johan 16:3

Uko mha hako chütuo, ukoe Puou morei a si mocü la zo.

Johan 17:21

uko pete bu puo chülieketuo la. Sidi Apuo, a n nou ba mu no a nou keba tuoi uko bu rei avu nou baliecie; sidi kijüu bu no a ketseshükecü peleliecie.

Johan 17:23

A uko nou ba mu no a nou ba, süu geinu uko bu keze puo chü tseilieketuo siro kijüu bu no a ketseshü ükecü mu no a khrieyakezha tuoi uko khrieya ükecü silieketuo la.

Johan 17:26

A uko bu n zau siliete, mu süu mia silie zotuo, sidi no se a khrie vorkecü kekhrieu bu uko nou balie mu a bu uko nou balieketuo la.”

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 17:6

“No kijü hau nunu themia khapie a ketsüko ki a n zau pie pesipengushüwate. Süko n vie ze, mu no süko khapie a tsüshü, tsiu ukoe n die ze vor zo.

Johan 17:8

kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Johan 6:46

Ukepenuopfü kinu kevor-u rübei zo kemosie miapuorei Puou ngu mo; puoe Puou nguwate.

Johan 8:19

Süla uko sie puo ki, “N Puou kirapuo ba ga?” Jisu sie “Nieko we a rei morei a Puou rei siya mo. Nieko a sikecü sie a Puou rei silietuoweü,” sita.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Ibriko 1:3

Puo geinu Ukepenuopfü zayie khrüu rükesoshüya mu puoe Ukepenuopfü rhi touu zo, mu mha pete rei puo die kekuou thuo se ba. Puoe kephouma chü kemesawa, di vo peso gei Kezhatho-u zatsa bate,

Johan Kerieu 2:13

Miapuonuoko, nieko sietsenu ketuou sikecü la, a thupie nieko ki shüya. Khriesako, nieko kesuou penyülieketa la, a thupie nieko ki shüya.