Johan 14:30 - Angami Naga CL (Re-edited) Bible (BSI)

³⁰ A nieko ze kerüchü pecha ba salie lhote, kijü hau kediu vortazhücü la. Puo a mho puo kekuo ba mo;

Johan 14:30 Iomraidhean Croise

LUK THUKESHÜ DIELIEKEVI 1:35

Sitse teigeidielieu sie puo ki, “Kemesa Ruopfüu n gei vortuo, mu Kerükrietho-u kekuo pie n soupfülietuo; süla penuolieketuoyo mesa zo; puo üse Ukepenuopfü Nuou ütuo.

LUK THUKESHÜ DIELIEKEVI 22:53

A teisonhie nieko ze rüsuokiu nu baya ze, mu nieko süki nie dzie pie a gei shü chie mo. Derei tsie nieko teiute, mu kezeiu puo kekuo nyite!” sita.

Johan 12:31

Tsie kijü hau nyie pepicü teiute, tsie kijü hanu kediu whuowatuo.

Mhakechüko 1:3

Puo kemezhiekewa sie puoe zha hiediako rheituoketa pele molie kenjükecü zasi tha toupie uko bu ngu di Ukepenuopfü kedi dze se uko ki pu.

Korintmiako Kenieu 4:4

Süu pele mvüketako la we kijü hanu rhuou bu uko nou chü pezeiwaketa la zo, süko bu dieliekeviu nunu kevor kezieu, zayie chü zokecüu Khristae Ukepenuopfü rhiu ükecü ngulie kelho chüwaya.

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Efesako 2:2

sükisü nieko kijü hau zho se lhou, teikijü donu di tuoyakezhau medo ze, tsiedo mia die zeya kemo kekha seketuo ruopfüu dieze chü vor.

Efesako 6:12

Kekreilamonyü we chüüzie ze keperhie monyü, mha kekhayakezhako, kekuokeseko, tsiedo kezei nu ketuo kekuoko mu teikijü nu ketuo kesuo ruopfü kekuoko ze keperhieya.

Kolosiko 1:13

Puoe kezeiu kekuo nunu u shüphralie di u pekrupie puo Nuo puo khrieu kedi nu shüliete,

Ibriko 4:15

Kekreilamonyü we u kethachüko silie kelho zievokezhatho-u puo monyü puo zorei u kemhie di dophi kehoupuorei dzükelie puo bate, puo zowe kephouma puorei jü.

Ibriko 7:26

Kekreilamonyü we zievokezhatho haikecü se morosuo tuoya, puoe mesa, pejolie lho, rhuta mo, kephoumamia kinu kelakreilie di teiko ki rei rükriekuo.

Pitor Kerieu 1:19

derei puotoukecü morei ciewa kemo tekuonuo mhiekecü puoma keretho Khrista zieu zo.

Pitor Kerieu 2:22

“Puo kephouma chü mo, mu puo tie nu mia kese puorei ngulie mo.”

Johan Kerieu 4:4

A nuonuoko, nieko Ukepenuopfü kinu vor zo, mu süko penyüliete, kekreilamonyü nie nou baketaue kijü nu kebau ki zhakuocü la.

Johan Kerieu 5:18

Ukepenuopfü nunu penuolieketako we kephouma chü zo bataya mo; derei Ukepenuopfü nunu penuolieketako rüguose bataya, sidi kesuou bu uko biewaya mo.

Johan Kerieu 5:19

We Ukepenuopfü nuonuo ücü si bate, mu kijüu pete kerüzhüu kekuo khro ba zo.

Pesikeshü 12:9

Siro tinyhü kezhau, kerieki tinyhüu, puo üse Terhuokesuou mu Satan üya, kijü pete seketsikezhau, puo kelhoupie kijü shüwa, puo sa di puo dielieko kelhouwa.