Johan 14:26 - Angami Naga CL (Re-edited) Bible (BSI)

²⁶ Derei Thukepeluo, Kemesa Ruopfüu, Puou a za nunu ketseshüketuou thuo mha pete pie nie pethalietuo, mu a nie ki pukeshü pete nie bu rükralietuo.

Johan 14:26 Iomraidhean Croise

Chieliko 51:11

N mhinguki nu a kelhouwa hiecie; mu a kinu n kemesa ruopfüu seta hiecie.

Isaya 54:13

Jihova thuo n nuonuoko pete pethashütuo, mu n nuonuoko vi kehie philietuo.

Isaya 63:10

Derei ukoe keperhie di puo kemesa ruopfüu thepesuo; süla puoe uko ngumvü chüta, di puo thuo uko perhiepetsouta.

Mathi 1:18

Siro Jisu Khrista penuokecü hamhie. Puo zuo Maria bu Josef ze kerituoü kevakhase tuota, derei unie thenuthepfu chü lhouketa mhodzü süpfüe Kemesa Ruopfü geinu nuonipfü tuoketa silie.

Mathi 1:20

Sidi puo mha hau le keba nu, puo mho geinu Niepuu dieliemia puo puo ki vor di sie, “David nuo Josef, no Maria liepie n kimia chü michie hiecie, puo nuo lhoupfü kebayo Kemesa Ruopfü geinu zokecü la.

Mathi 28:19

Süla tuo vo di seyie neiüko pete chüpie pethakeliemia chüliecie, Puou mu Nuou, mu Kemesa Ruopfüu za nunu süko dzülu khashü,

Mathi 3:11

“A we nie bu thenoukedilieketuo la dzü nunu nie dzülu khakeshü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülu pie nieko tsütuo.

Mark 12:36

David thuo rei Kemesa Ruopfü nunu sie, ‘Niepuue a Niepuu ki, “A n ngumvüko khapie n phi khro shüwa kemochie, No a zatsa ba zocie,” isi zo.’

Mark 13:11

Siro nieko merhashü ze dienyaki nu kevo ki nie kedipuo putuo shicü lepie nie nou kemezhie hiecie, derei puoteiu vor tse nie bu die punukeshüko pie pu zoliecie, kekreilamonyü nie puketuo dieko nie die monyü Kemesa Ruopfü kinu vortuo.

LUK THUKESHÜ DIELIEKEVI 1:15

kekreilamonyü puo Niepuu mhodzüki zha zotuo. Puo bu mhakipuorei zu morei zu kekuo puorei krielie lho; puo penuokelie mhodzü rei Kemesa Ruopfüu bu puo tshupfü tuotatuo.

LUK THUKESHÜ DIELIEKEVI 1:35

Sitse teigeidielieu sie puo ki, “Kemesa Ruopfüu n gei vortuo, mu Kerükrietho-u kekuo pie n soupfülietuo; süla penuolieketuoyo mesa zo; puo üse Ukepenuopfü Nuou ütuo.

LUK THUKESHÜ DIELIEKEVI 1:41

Siro Elizabet-e Maria puo kelukeshü die sishü tse, unuoyo puo va nunu rülhouta. Tsiu Elizabet-e Kemesa Ruopfü bu puo tshupfü di,

LUK THUKESHÜ DIELIEKEVI 1:67

Siro puo puo Zakaria Kemesa Ruopfü bu puo tshupfü di siedzedie hau pu:

LUK THUKESHÜ DIELIEKEVI 11:13

Siro nie kesuomia zo rei, mha kevi pie nie nuonuo ketsü do si ro, teigei keba Puou Kemesa Ruopfü pie puo ki chayakezhamia tsü phishü motuo me?”

LUK THUKESHÜ DIELIEKEVI 2:25

Süki mia puoe puo za Simeon üdi Jerusalem nu baya; siro themia süu miatho tsiu pecü di Israelmia nou thu peluoshüketuou merü tuoya mu Kemesa Ruopfü puo gei tuo.

LUK THUKESHÜ DIELIEKEVI 24:49

Siro, a a Puoe khashütuo üdi phrapie kezhüu ketsepie nieko tsütuo. Derei nieko peso geinu kekuo ngulie kemochie nadiu nu pfhe ba zoliecie,” sishü.

LUK THUKESHÜ DIELIEKEVI 3:22

sitse Kemesa Ruopfü mekhru rhi chüpfü di puo gei tsurta. Siro teigei nu mhapfhe puo, “No a Nuo zo, a khrietho-u, a n ngu a neithor,” isi ker.

Johan 1:33

Siro a rei puo silie mota zo, derei a ketsepie a bu dzü nu mia dzülu khashünukecüue sie a ki, ‘No Ruopfüu ker themiau gei bakelie ngulietuo, mu süu Kemesa Ruopfü nunu mia dzülu khashüketuou ho.’

Johan 12:16

Tseki zowe puoe pethakelieko hako ca silie mota; derei Jisu zayie chükelie sie, ketholeshü nu kepu hau thupie ketuo mu chüshü zokecü ukoe rükralie.

Johan 14:16

Siro a Puou ki chatuo, mu puo Thukepeluo kekrei puo khashütuo, mu puoe kechachie nieko ze tuo zotuo.

Johan 14:25

“A nieko ze keba nu die hako pie nie ki pushüwate ho.

Johan 15:26

“A u Puou kinu ketsepie nieko ki shüketuo Thukepeluou, Puou kinu kepar ketho Ruopfüu, nieko ki vorlie ro puo thuo a zhapu chülietuo.

Johan 16:7

Sirei a nieko ki dietho-u pu zotuo; a tuotakecü we nieko la kevi zo, kekreilamonyü a tuota moliro Thukepeluou nieko ki vorlie lho; derei a tuota liro, a puo ketsepie nieko ki shütuo.

Johan 2:22

Süla puo kesia nunu rheikelie sie puo hau dze pushü zo ükecü puoe pethakeliekoe rükralie di uko kethodieu mu Jisu pukeshü dieu pelelie.

Johan 20:22

Puo die hako pukeshü sie hapie uko gei shü di, “Kemesa Ruopfüu lieliecie.

Johan 6:45

Siro ‘Ukepenuopfü thuo uko pethalietuo,’ isikecü siedzekesi leshüko nu tuo zo. Kehoupuorei Puou die rünyülie di süu sikeliemia a ki vorya.

Johan 7:39

Jisue puo pelekelieko bu ngulieketuo Ruopfüu dze hau pushü, süki zo we Ruopfü khashü mo zoluocü la; kekreilamonyü Jisu zayie chülie mo zoluo.

Mhakechüko 1:2

puoe Kemesa Ruopfü geinu morokesuoko pie puo thuo kedakelie apostelko pethashüwa di puo ze teigei khoketa nhie ketso dze thushüwate.

Mhakechüko 1:4

Siro puo uko ze keba ki, uko bu puo kinu phrakeshü ngukecü ketso Jerusalem nu pfhe balienu di pushü. Puoe sie, “Hauha, nieko a kinu silieketau zo;

Mhakechüko 1:8

Derei Kemesa Ruopfü nieko gei vorkelie ki nieko kekuo ngulietuo; sitse nieko Jerusalem nu, Judia pete mu Samaria nu, tsiu kijü vala ketso rei a zhapumia chülietuo.”

Mhakechüko 11:16

Süki Niepuu thiedzü pukeshü, ‘Johan dzü nunu mia dzülu khashü, derei nieko we Kemesa Ruopfü nunu dzülupfütuo, ikeshü dieu a rükralie.’

Mhakechüko 13:2

Uko Niepuu rüsuo mu mevo keba ki, Kemesa Ruopfüe sie, “A la Barnaba mu Saul nie kelakreipie unie bu mhatho chüketuo la a unie kiekelieu nu shüliecie,” sita.

Mhakechüko 13:4

Süsie Kemesa Ruopfü unie ketsekeshü tuoi unie Selukia nu ke, sünunu rou ze di Saipras nu vo.

Mhakechüko 15:28

Süla Kemesa Ruopfüu rei mu hie rei nieko bu medzi morokesuo hako sie thepie kemesi kekrei puorei pie nieko gei sashü moro viketuo lete.

Mhakechüko 15:8

Siro Ukepenuopfü themia nou siyakezhau u gei chükeshü tuoi Kemesa Ruopfüu pie Judakemoko rei tsükeshü geinu puo medo-u zhapu chüshüta zo;

Mhakechüko 16:6

Kemesa Ruopfüe uko bu dieu pie Asia nu pu mvüketa la tuo Frigia mu Galatiako nu vota.

Mhakechüko 2:33

Süla Ukepenuopfü zatsa nu puo chü pezhase bate, mu Puou kinu phrapie kezhü Kemesa Ruopfüu ngulieketa la, nieko tsie si mu ngu keba hau puoe rushüte.

Mhakechüko 2:4

Uko pete Kemesa Ruopfüu u tshupfü di Ruopfüue tsükeshü mhiei die kekreiko nunu mha pu sieta.

Mhakechüko 20:28

Süla nieko thuo zorei nie terüchü balie mu Kemesa Ruopfüue pie nie peleshüwaketa kro-u bu rei u kirei balie. Puo Nuou zie pie khrükelie Ukepenuopfü kehou kepfhemia chüliecie.

Mhakechüko 20:35

Mu sügeinu we rei kethachümiako khruohishülie morokesuo la mu u Niepuu Jisu thuo pukeshü ‘Mia kinu mha ngukelieu ki rei mha pie mia ketsüwe thejapfükuo’ ikecü dieu rükralieketuo la a mha pete nu a rhiechü di mhachüpie nieko kieshü.”

Mhakechüko 28:25

Sitse uko thuo uko donunu kedierhe mota di tuota, süsie Paul sie mha pu sa di: “Kemesa Ruopfüu thiedzü Isaya siedzekesiu tie nunu nie puonuoko ki pu toupie zhü zo,

Mhakechüko 5:3

Pitor sie, “Anania, no kiüdi Satan bu n nou tshupfü di lie ma huo pie bawa di Kemesa Ruopfü seya ga?

Mhakechüko 7:51

“Harie pietsümvükecü themiako, umelou mu unyie zhürekemo, nieko rei nie puonuoko mhiei Kemesa Ruopfü petsou seiya.

Mhakechüko 7:55

Derei puo Kemesa Ruopfü bu puo tshupfü di teigei meho terü tha, süki Ukepenuopfü zayie mu Jisue puo zatsa ketha ngu.

Rommiako 14:17

Kekreilamonyü Ukepenuopfü kedi-e kecükekrietsa monyü kemiatho tsiu noune mu Kemesa Ruopfü nunu u neikecüu zo.

Rommiako 15:13

Pelekelie la kemerü Kepenuopfü bu kenei mu noune pie nie ketshu chücie, silie ro nie kemerü süu bu Kemesa Ruopfü kekuou geinu krakechü salieketuo la.

Rommiako 15:16

Süusü a bu Judakemoko la Khrista Jisu lie chü mu Ukepenuopfü dieliekeviu zievo lietho chü di Judakemoko pie Ukepenuopfü tsü di Kemesa Ruopfü bu nieko chü kemesapie puo bu lielie kevi chülieketuo la.

Rommiako 5:5

mu kemerü hau u nou chü pesuowa lho; kekreilamonyü pie u tsükewa Kemesa Ruopfü nunu Ukepenuopfü kekhrie rupie u nou shüwaketa la.

Korintmiako Kerieu 12:3

Süla a nieko bu hau si nyüya, kehoupuorei Ukepenuopfü Ruopfü nunu mha puyakecü ki, “Jisu bu rüsekepfüu chü” icü puya mo, mu süsü tuoi Kemesa Ruopfü nunu zo kemosie miapuorei “Jisu sü Niepuu zo” ikecü puya mo zokecü nie bu si nyüya.

Korintmiako Kerieu 6:19

Siro nieko moe Ukepenuopfü kinu ngukelie mu nie nou keba Kemesa Ruopfü rüsuoki ükecü nie si mo me? Mu nieko ha nie thuo nie vie mota zo.

Korintmiako Kenieu 6:6

kemesa kelhou nu, mhacamhala kesi, shügeshühiekecü, tseiüvikecü, Kemesa Ruopfü nu rei, kekhrie ketho nu,

Efesako 1:13

Süla nie rei puo geinu, nie ketho dieu rünyülieketako, süu nie kelakelie dieliekeviu mu puo pelelieketako phrapie kezhü Kemesa Ruopfüu nie gei zasi vüliete;

Efesako 1:17

Nie puo sikelie ze di u Niepu Jisu Khrista-nuo Puou, zapuzayie kechü Puou bu mhasi mu sikelie ruopfü kha nie tsükelieu sü a kecha zo,

Efesako 4:30

Ukepenuopfü Kemesa Ruopfüu the pesuo hie, süue nie rhalieketuo teisozhau la nie gei zasi vükeshüu zo.

Thesaloniako Kerieu 4:8

Süla kehoupuorei hau meliekewamia themia monyü puo Kemesa Ruopfü khapie nie ketsüu Ukepenuopfü meliekewa zo.

Timothi Kenieu 1:14

U nou tuoketa Kemesa Ruopfüu kekuo nu kinyi pie n peleshüwaketau rüguo se tuo zolie.

Tita 3:5

puo thuo u kelalie, u thuo u kemiatho nunu chükelie mhathoko la monyü, puo thuo u ngumezhiekeshü la zo, süusü penuo kesakelie dzü nu tsiu Kemesa Ruopfüu geinu chü kesakelie zo.

Ibriko 10:15

Süla Kemesa Ruopfü rei u ki puo zhapu khashü, di sie,

Ibriko 2:4

sizomonyü Ukepenuopfüe u ngoko tsiu zasiko, siro ungomhatho neiüko chüshü mu Kemesa Ruopfü mhaphruoko kezapie puo medomia tsüshü di zhapuu chü kemetei sashü.

Ibriko 3:7

Süla Kemesa Ruopfüe pukeshü hamhie, “Thie, nieko puo pfhe silie ro,

Ibriko 9:8

Haha la rüsuopfhekiu nu kibou kerieu keba chie kemesatho chüu nu leketuo cha khrüshü mo zo üdi Kemesa Ruopfü thuo thashüte.

Pitor Kerieu 1:12

Süki süko u thuo u la mo di nie la lietho chü vor zo ücü silie, süusü teigei nu ketsekeshü Kemesa Ruopfüu geinu tsie dieliekevi pethayakezhakoe nie ki puyakezha dieko geinu siliete, mha süko teigeidielieko rei ngu nyü phi vor zo.

Pitor Kenieu 1:21

Kekreilamonyü siedzedie puorei themia medo nunu sede mo, derei Kemesa Ruopfü thuo hükeshü geinu themia bu Ukepenuopfü kinu se pu kepar zo.

Johan Kerieu 2:20

Sirei Kemesau bu nie kenheliete, süla nieko pete ketho-u siliete.

Johan Kerieu 2:27

Derei nieko la we, puo kinu nie kenhekelieu nie gei baya, süla mia bu nie petha morei vi. Derei puo nieko kenhelieketau thuo mha peteko dze pupie nie kieya, mu süu ketho zo, tsiu ketijü ba mo, süu thapie nieko kiekeshü kemhie puo gei baliecie.

Johan Kerieu 5:7

Siro zhapu chükeshü mha se ba:

Juda 1:20

Derei a khrieko, nie kepele kemesatho geinu memie sieliecie; Kemesa Ruopfüu nunu kecha chülie;

Pesikeshü 2:11

Süla kehoupuorei u nyie kenyimia bu Ruopfüue kehouko ki kepuu rünyüliecie. Kehoupuorei kuolieyakezhamia kesia kenieu bu u pechülie lho.