Johan 14:16 - Angami Naga CL (Re-edited) Bible (BSI)

¹⁶ Siro a Puou ki chatuo, mu puo Thukepeluo kekrei puo khashütuo, mu puoe kechachie nieko ze tuo zotuo.

Johan 14:16 Iomraidhean Croise

Mathi 28:20

di uko bu a nieko ki pukeshüko pete chüüzelieketuo la uko pethashüliecie. Siro harie, a puotei thela ketso rei nieko ze sei tuo zotuowe!” sita.

Johan 14:14

Nieko a za nunu mhakehoupuorei cha ro, a süu chüshü zotuo.

Johan 14:18

“A nieko kha kemerüwalie lho zo; a nieko ki vortuo.

Johan 14:26

Derei Thukepeluo, Kemesa Ruopfüu, Puou a za nunu ketseshüketuou thuo mha pete pie nie pethalietuo, mu a nie ki pukeshü pete nie bu rükralietuo.

Johan 15:26

“A u Puou kinu ketsepie nieko ki shüketuo Thukepeluou, Puou kinu kepar ketho Ruopfüu, nieko ki vorlie ro puo thuo a zhapu chülietuo.

Johan 16:22

Süsü tuoi nie rei tsie thenou suo ba; derei a nieko ze kengu latuo, süki nie nei phituo, mu miapuorei nieko geinu nie kenei süu chüsetalie lho.

Johan 17:15

A n bu kijüu nunu uko chüseta monyü kerüzhüu kinu uko rüguose balienu di chaya.

Johan 17:20

“A hako rübei la zomonyü uko die nunu a pelelieketuoko la rei chaya,

Johan 4:14

derei kehoupuorei a khashükezha dzüu kriekeliemia mhakipuorei terhü latalie lho. A dzü khapie puo ketsüu thuo puo nou nu dzüluo puo chü rüluo zo vo kechachie kerhei tsotuo.”

Johan 7:39

Jisue puo pelekelieko bu ngulieketuo Ruopfüu dze hau pushü, süki zo we Ruopfü khashü mo zoluocü la; kekreilamonyü Jisu zayie chülie mo zoluo.

Mhakechüko 1:4

Siro puo uko ze keba ki, uko bu puo kinu phrakeshü ngukecü ketso Jerusalem nu pfhe balienu di pushü. Puoe sie, “Hauha, nieko a kinu silieketau zo;

Mhakechüko 13:52

Siürei pethakelieko zowe kenei mu Kemesa Ruopfü bu u tshupfü bata.

Mhakechüko 9:31

Süteiki Judia, Galil tsiu Samaria nu kehouu bu mene mu metei sielie. Siro Niepuu khrüprei di lhou mu Kemesa Ruopfü bu unou chü peluo tsiu tsüphrü kra miemielie.

Rommiako 14:17

Kekreilamonyü Ukepenuopfü kedi-e kecükekrietsa monyü kemiatho tsiu noune mu Kemesa Ruopfü nunu u neikecüu zo.

Rommiako 15:13

Pelekelie la kemerü Kepenuopfü bu kenei mu noune pie nie ketshu chücie, silie ro nie kemerü süu bu Kemesa Ruopfü kekuou geinu krakechü salieketuo la.

Rommiako 5:5

mu kemerü hau u nou chü pesuowa lho; kekreilamonyü pie u tsükewa Kemesa Ruopfü nunu Ukepenuopfü kekhrie rupie u nou shüwaketa la.

Rommiako 8:34

Supuonie mia pejolie vi ta? Süu Khrista Jisu, puoe siakeshüu, rheilasiekelieu, sidi puoe vo Ukepenuopfü zatsa ba di u la cha bate.

Galatiako 5:22

Derei Ruopfü si ro kekhrie, u neikecü, kezekevi, shügeshühiekecü, mia ngukemezhie, vikecü, kedietho,

Filipiko 2:1

Süla Khrista geinu chü kethepfukecü die huo, kekhrie geinu thenou va pemvükecü, Ruopfü nu mha vierhe kechü, noushünouzhie mu huoniehuo ngumezhiekecü huo ba üro,

Thesaloniako Kenieu 2:16

Siro u Niepuu Jisu Khrista mu Ukepenuopfü u Puou, süusü u khriekeshüu mu u ngukemezhieu la kechachie thenou keluo siro u siedze kevi kha u ketsüu bu,

Ibriko 7:25

Süla puo geinu Ukepenuopfü ki kevo khe kelalietuo, puo kechachie rhei tuo di süko la cha sei bayacü la.

Johan Kerieu 2:1

A nuonuoko, nie bu phouma molieketuo la a hako thupie nieko ki shüya. Derei huomia phoumata üro, u la Puou ki zhapu chü kethamia puo ba, süu kemiatho-u Jisu Khrista zo;

Johan Kerieu 2:27

Derei nieko la we, puo kinu nie kenhekelieu nie gei baya, süla mia bu nie petha morei vi. Derei puo nieko kenhelieketau thuo mha peteko dze pupie nie kieya, mu süu ketho zo, tsiu ketijü ba mo, süu thapie nieko kiekeshü kemhie puo gei baliecie.

Johan Kenieu 1:2

kekreilamonyü ketho-u u nou baya mu kechachie u ze tuo zotuocü la.