Johan 13:34 - Angami Naga CL (Re-edited) Bible (BSI)

³⁴ A diekhakeshü kesa puo pie nieko tsüshüzhie, nieko huoniehuo khrieliecie. A nieko khrie kevor tuoi nieko rei huoniehuo khrielie morosuo.

Johan 13:34 Iomraidhean Croise

Chieliko 119:63

N preiyakezha pete a pezamia, mu n thathadieko zeyakezha khe a khriethomia.

Chieliko 16:3

Kijü ketuo kemesako, uko kevimia zo, a kenei pete uko gei tuo.

Levimiako 19:18

Nie nie khepu morei nie themia nuonuoko gei rünou kemo chü lho, derei nie zanuou khriepie nie thuo nie kekhrie mhietuo: Ae Jihova zo.

Levimiako 19:34

Solhimia nie ze rüna chü kebau pie nie mhodzüki khenu kelhoumia tuoi zolie. Mu nie puo khriepie nie thuo nie kekhrie mhielie; nie Ijipt kijü nu solhimia chükecü la: Ae Jihova nie Kepenuopfü zo.

Mathi 5:44

Derei a nieko ki pushütuo, Nie ngumvümia khrielie, mu nie peseyakezhako la chalie,

Johan 15:17

Nieko bu huoniehuo khrielieketuo la a die hako khashü ho.

Johan 17:21

uko pete bu puo chülieketuo la. Sidi Apuo, a n nou ba mu no a nou keba tuoi uko bu rei avu nou baliecie; sidi kijüu bu no a ketseshükecü peleliecie.

Rommiako 12:10

siezedzürie huoniehuo khriekezha tuoi huoniehuo khrie philie; huoniehuo rhu rie nyü kekielie.

Rommiako 13:10

Kekhrie-e puo siezanuomia gei mha kesuo puorei chüya mo; süla kekhrie-e thezho-u chü tseishüya.

Rommiako 13:8

Huoniehuo khriekecütsa sie mia puo pu rei pfü hie; kekreilamonyü mia khriekezhau thezho-u chü tseilieya.

Galatiako 5:22

Derei Ruopfü si ro kekhrie, u neikecü, kezekevi, shügeshühiekecü, mia ngukemezhie, vikecü, kedietho,

Galatiako 5:6

Kekreilamonyü Khrista Jisu kitsa we zhükere mu zhürekemo ha mhapuorei kekrei mo; derei kepele üse kekhrie nunu mhachükezhau zo.

Galatiako 6:10

Süla, we chülie kevi tei ngukelie ki, kepeleu kikru la pekuo di mia pete gei mha kevi chülie khe.

Galatiako 6:2

Nieko kekhoyalie, di Khrista zho-u chü tseilie.

Efesako 5:2

Khrista u khrie di u la puo phou khapie kethengu thekeshü chü di ruosuo chüpie Ukepenuopfü tsükeshü tuoi nieko rei kekhrie nu lhouliecie.

Kolosiko 1:4

nie Khrista Jisu gei nie kepele keba mu kemesako pete khrieyakezha hie sikelie la,

Thesaloniako Kerieu 3:12

Sizomonyü, hie nie gei chüyakezha tuoi Niepuu bu nie nou chüpie huoniehuo khrie mu mia pete rei khrie kechü miemiekelieu chücie.

Thesaloniako Kenieu 1:3

Kezeko, hie nieko la Ukepenuopfü thezie sei ba zo morosuo, süu chükecü puotou zo, nie kepele vi miemielie kezhü, mu nieko huoniehuo khrie kechüliekezhü la.

Ibriko 13:1

Huoniehuo khrie ba zolie.

Jakob 2:8

Kethodie nu thupie kezhü ngukelie kedi zho-u, “No n siezanuomia khriepie n thuo n kekhrie mhieliecie,” ikecüu dieze chü tseilie ro, no vi zo.

Pitor Kerieu 1:22

Tsie nie ketho-u dieze chükelie geinu nie ruopfü chü kemesaliete, nie donu kekhrie ketho-u bu balieketuo la, nie nou nu nie thochü di huoniehuo khrielie.

Pitor Kenieu 1:7

siro siezedzürie huoniehuo khriekecü pie mesamezhükecü salie mu kekhrie üse siezedzürie huoniehuo ngumezhiekecü saliecie.

Johan Kerieu 3:11

Nieko sietse nu sikelie dieu sü u bu huoniehuo khrienukecüu zo.

Johan Kerieu 3:23

Mu puo diekhakeshüu sü, puo Nuou Jisu Khrista za nunu pelelie mu puo diekhakeshü mhiei di huoniehuo khriekecüu zo.

Johan Kerieu 4:21

Puoe u ki diekhakeshüu sü hau: Kehoupuorei Ukepenuopfü khrieyakezhamia puo siezedzürie khrielie morosuo.

Johan Kenieu 1:5

Siro tsie we, kekhrie thenupfü, a n ki chaya, a thupie n ki shüzhükecü hau diekhakeshü kesa puorei mo, derei we sietsenu ngulieketa u bu huoniehuo khrielienukecüu zo.