Johan 12:43 - Angami Naga CL (Re-edited) Bible (BSI)

⁴³ Ukoe Ukepenuopfü tshepfükelieu ki rei themia tshepfü nyükuoketa la.

Johan 12:43 Iomraidhean Croise

Chieliko 22:29

Kijü nu zeyakezha pete puo rüsuotuo; nyophe nu ketsu pete puo mhodzünu nerhu phretuo; mu a puo la rhei batuo.

Mhasidie 29:25

Themia kepreie kebie pethouwaya, derei Jihova peleyakezhamia khrukhre baya.

Mathi 6:2

“Süla nie mha khapie mia ketsü ki ketherakezhako mia bu u tshetuoü sinagogko nu mu chapfüko nu chüyakezha tuoi nie mhodzünu ketsü kekhou kemhie shie tuo zo hiecie. A nieko ki pu toushütuo, süko we u zhakhra nguliete.

LUK THUKESHÜ DIELIEKEVI 16:15

Süla puo uko ki, “Nieko mia mhinguki we nie thuo nie üse mezhü ütuoya, derei Ukepenuopfü nie nou si ba; themia mhodzüki mha kezha ükezha puoe Ukepenuopfü mhodzünu kerütse zocü la.

LUK THUKESHÜ DIELIEKEVI 19:17

Sitse puo sie puo ki, ‘Siyazemu, no kituo kevi! No mha kecütho yopuo nu rei diethokelie la, nadi ker mhokezha chülie.’

Johan 12:26

Kehoupuorei a lie chüyakezhamia a siemedzituo, mu a kituomia a kebara batuo. Kehoupuorei a lie chükezhamia a Puou rei sümia rhutuo.

Johan 5:41

A themia kinu thetshepfü nyüya mo.

Johan 5:44

Nieko huoniehuo kinu thetshepfülieya, derei Ukepenuopfü zokecüu kinu thetshe pfhüya moliro, nie kikidi pelelie vituo ga?

Johan 7:18

Kehoupuorei puo thuo puo kinu mha puyakezhamia puo thuo puo za pfhüyakezha zo. Derei puo ketsekeshüu bu zayie chü nyüya ro süu ketho zo mu ketho kemo puorei puo nou ba mo zo.

Johan 8:54

Jisu sie, “A a thuo a tshe zorei, thetshe süu we mhapuo mo. Mia puo a tshekezhau sü a Puo, nieko puo ki, ‘Puo úko Kepenuopfü zo,’ idi puyakezhau zo,

Rommiako 2:29

Derei Judamia ücüe u nou nu kechüu zo, tsiu u melou nu zhükere-e zhürekelie ketho-u, süu ruopfüu nunu zo mu kethuu medzikelie la mo. Sikecümia themia kinu monyü Ukepenuopfü kinu thetshe ngulieya.

Rommiako 2:7

shügeshühie di mha kevi chü di zayie mu therhu tsiu siatalie kelho pfhüyakezhako we kechachie kerhei pie tsütuo;

Korintmiako Kerieu 4:5

Süla puotei kemonu, Niepuu vor kemonu mhapuorei pecapepita hie, süze puo kezei nunu mha kepekhreko mu themia nou nu keviese ketuo nouleko hielapie kezieu nu shütuo. Süzenu kehoupuorei Ukepenuopfü kinu puoe ngulie kezhü zhapu keviu ngulietuo.

Korintmiako Kenieu 10:18

U thuo u tshekecüu ki rei Niepuu bu u tshekecü we puotou kuokecü la.

Thesaloniako Kerieu 2:6

morei hie themia kinu thetshe pfhü mo, nie kinu rei morei kekreimia kinu shierei,

Pitor Kerieu 3:4

lukhro thenou miau, rata kemo ziviu; kokemo mu thenou kemene zho-u se nie rütso chüliecie, süusü Ukepenuopfü mhodzü therhutho-u zo.

Samuel Kerieu 15:30

Derei Saul-e sie, “A phoumawate, sizorei a n ki chaya, no a themia phichüko mu Israel mhodzünu a rhushü zocie, sidi a ze vo a bu n Kepenuopfü Jihova rüsuolieketuo la.”

Samuel Kerieu 2:30

Süla Jihova, Israel Kepenuopfüe puya, ‘A n kinumia mu n puo kinumia bu kechachie a mhodzünu tha di chalie chütuo;’ ishü ketho zo. Derei tsie Jihovae puya, ‘Süu bu a kinu pecietacie; a tsie we a rhuyakezhamia rhutuo, mu a peseyakezhamia se mhatho mo ütatuokecü la.