Johan 12:40 - Angami Naga CL (Re-edited) Bible (BSI)

⁴⁰ “Puoe uko mhi chü pecie, mu uko melou chü pekhrüwa, uko mhipie ngu mu uko melou pie lelie di rüreilie kelho la mu a bu uko chü keshürhoshü lho ücü la,” isi.

Johan 12:40 Iomraidhean Croise

Kediko Kerieu 22:20

Sitse Jihova sie, ‘Ahab bu kho di Ramot-gilid nunu tetsuketuo la supuonie puo hüshü ta?’ Sitse mia puoe mhapuo pu, mu kekrei puoe kekrei puo pu ita.

Chieliko 147:3

Puo u melou proketako chü pevishüya, di uko rüzako phashüya.

Chieliko 41:4

A sie, “Harie Jihova, a ngumezhieyi, a chü keshürhoshücie, a n gei phoumawatemu.”

Chieliko 6:2

He-i Jihova, a ngumezhieshüyi; a kemezhie bate; Jihova, a chü keshürhoshüyi; a ruko michiepie pe bate.

Toukepra 10:1

Sitse Jihovae Mosa ki, “Faro ki volie; ae a zasi hako pie uko pekieshütuo üdi, puo mu puo kituoko nou chü perewatakecü la.

Toukepra 11:10

Mosa mu Aron unie ungomhatho hako pete chüpie Faro mhodzünu shü; mu Jihovae Faro nou chü perewa, di puoe puo kijü nunu Israelko bu tuopra mvüta.

Toukepra 14:17

Siro a Ijiptmiako nou bie perewatuo, sitse ukoe uko siewhuo zo votuo mu a Faro, puo krodiko, puo kierbageiko mu puo kierkeseko mho zayie ngulietuo.

Toukepra 14:4

Mu a Faro nou chü pereshütuo, sidi puoe uko whuo votuo mu a Faro tsiu puo krodi pete mho zayie chütuo; mu Ijiptmiako bu a Jihova zo ücü silietuo.” Mu ukoe sükemhie chülie.

Toukepra 14:8

Mu Jihovae Ijipt nu kediu Faro nou chü perewa di puo Israelmiako mha rünyü mo di tuokezhüko whuo vo.

Toukepra 4:21

Sitse Jihovae Mosa ki, “No Ijipt nu la vo ro, ae n bu chülie kevi kekuo pie n tsüwaketa ungomhathoko Faro mhodzünu chüshücie; derei a puo nou chü perewatuo, sitse puoe themiako bu tuolie lho.

Toukepra 7:13

Sirei Faro meloue re ba zo, mu Jihova pukeshü tuoi di, puoe unie pfhe rünyü mvüta.

Toukepra 7:3

Derei a Faro nou chü perewatuo, mu a Ijipt kijü nu zasiko tsiu u ngoko chü phishütuo.

Toukepra 9:12

Derei Jihovae Faro nou chü perewa, sidi puoe unie pfhe rünyü mvüta; Jihovae Mosa ki pukeshü mhiei.

Isaya 26:11

He-i Jihova, n dzieu yhapie bate, derei uko süu ngu mo. N themiako la uko bu n shürheiu ngushü, di mengatacie. N ngumvüko miu bu uko the pejüwacie.

Isaya 29:10

Jihovae ze pesoukecü ruopfü rupie nieko gei shü; puoe nie mhiko bie kemawa, nie siedzekesiko khawa, mu nie tsüko, siedzekenguko whewatakecü la.

Isaya 53:5

Derei u kejokemouko la puo bie kerüza, u kerüzhüko la puo vümvü, kepechü pie puo gei keshü la u bu shürholie, mu puo kevüpfüko la u chü kemenelie.

Isaya 6:10

Themia hako melou bie kerüvowalie, mu uko nyie bie kerüvüwalie, mu uko mhi bie peciewalie, uko bu uko mhipie ngulie kelho, mu uko nyie pie rünyülie kelho la, mu uko melou pie mha silie, mu rüreilie di uko chü keshürholie kelho la,” si.

Isaya 6:9

Sitse puoe sie, “Vo di themia hako ki pushücie: Rünyü we rünyü, derei lelie lho; meho we meho, derei silie lho.

Jeremia 3:22

“Rürei la vortacie, nie kepele kejü nuonuoko, sitse a nie kepele kejüu chü kemeneshütuo.” “Hie n ki vorzhie; noe hie Kepenuopfü Jihova zokecü la.

Jeremia 5:21

Hau rünyüliecie, he-i kenya mu mhalekemo themiako, u mhi ba, derei nguya kemoko, u nyie ba, derei mhapfhe siya kemoko.

Ezekiel 12:2

Themiau, noe mia perhieyakezha ki puo nu lhou bate, uko mhi nyi derei mha nguya mo, u nyie bu mha rünyüketuo la ba derei mhapfhe siya mo,

Ezekiel 14:9

Mhanuü siedzekesimia puoe mia bu puo sewa di die puwa ro, a Jihova thuo siedzekesi süu se kedowate, mu a a dzie yhapie puo petsoutuo, sidi a themia Israelmia donunu puo pekawatuo.

Hosea 14:4

A uko dietho moketau chü kemene lashütuo; a uko khrie tseishütuo, kekreilamonyü a nouyieu uko geinu rüreite.

Hosea 6:1

“Vorlie, úko rürei la Jihova ki vo khe; kekreilamonyü puoe cierhashüya mu u chü keshürhoshütuo; puoe vükhrüshü, tsiu puoe u pha lashütuo.

Mathi 15:14

Uko bu si ba zolie; ukoe mhiciemia di mhicieko cha tha tuoyakezha zo. Siro mhiciemia thuo mhiciemia cha tha ro, kenienie te thekhe nu letatuo,” sita.

Mark 4:12

Süko geinu, ‘Uko meho we mehotuo, derei ngulie lho, uko rünyü we rünyütuo, derei puoca silie lho; uko rürei la vor di uko kejo valie lho ücü la.’ ”

Mark 6:52

kekreilamonyü uko niekhrüdako dze rei lelie mo, mu sümho rei uko nou retakecü la.

LUK THUKESHÜ DIELIEKEVI 4:18

“Niepuu Ruopfüu a gei tuo, puo a bu dieliekeviu pie kejüko ki punu a kenhelieketa la. Puo a bu miadie chüketuoko khashüwaketuo pushieshünu, siro mhicieko bu mha ngu lalieketuo punu, tsiu mia bu u pesekezhako khashünu,

LUK THUKESHÜ DIELIEKEVI 8:10

Sitse puo sie, “Nieko bu we Ukepenuopfü kedi dze die kesouko silienuwate, derei kekreiko ki we dievi nunu puya, kekreilamonyü, ‘sükoe meho rei ngulie lho, rünyü rei silie lho.’

Johan 12:39

Siro ukoe pelelie kenjüketa kekreilamonyü Isayae pu sakeshü,

Johan 9:39

Jisu sie, “A mia capi chütuoü kijü hanu vor, sidi nguya kemoko bu ngulietuoü mu nguyakezhako bu u mhicietaketuo la.”

Mhakechüko 15:3

Süla kehoue uko ze vo chala nu shüshü tsiu ukoe Foinikia mu Samaria pfüthe vo, ukoe Judakemoko u nou kedikelie dze pushü, süla kepelemiako u nei phita.

Mhakechüko 28:26

“ ‘Themia hako ki vo di pushüliecie, nieko kerünyü we rünyütuo, derei mhakipuorei puocapuola silie lho; nieko kemeho we mehotuo, derei mhakipuorei lelie lho.

Mhakechüko 3:19

Süla thenoukedilie di rürei Ukepenuopfü ki vorlie, silie liro nie kephoumako vawatuo,

Rommiako 9:18

Sidi puoe puo medomia ngumezhieya mu puo thuo puo medomia nou chü perewaya.

Pulakeshüzho 29:4

Derei thie ketso Jihovae süu lelie kevi melou, ngulie kevi mhi mu rünyülie kevi nyie pie nieko tsüshü mo.

Joshua 11:20

Jihovae uko nou chü perepie uko bu sie Israel ze kegeiketuo chüshü, sidi uko pekaperuo tseiwa, tsiu ngumezhie moto zo di pete dukhri tseiwaketuo la. Hauha Jihovae Mosa bu chünu di diekhakeshüu zo.