Johan 12:27 - Angami Naga CL (Re-edited) Bible (BSI)

²⁷ “A nou kehoukeruo chüte. Mu a bu kedipuo puta, ‘Apuo, bavüdo hau nunu a kelaliecie’ ituo me? Mo, hau la a bavüdo hau nu kevor ze.

Johan 12:27 Iomraidhean Croise

Chieliko 6:3

Kemichie bu a ruopfü kede se bate; no Jihova, kichiepuo ta?

Chieliko 88:3

Kemezhiecü a ruopfü tshute, mu a kelhoue mekhru penuo votazhie.

Isaya 38:15

Derei a kedipuo pulie ta? Puoe a rüchüwate, mu puoe puo thuo süu chüwate eru. A ruopfü kemezhiecü la a keze pete tate.

Isaya 53:3

Mia puo mecü mu puo melie; kemezhiekecümia puo chü mu kelhokemezie si; mu mia puo ngu ro u zie kevietayakecü puo tuoi mia puo pie kethese, siro we zorei puo le ketherhu mo.

Mathi 11:25

Süteiki Jisu sie, “He-i, a Puo, tei mu kijü Niepuu, a n tsheya, kekreilamonyü no mhakesikeleko ki we mha hako keviepie tuo di pie nuoranuoko pesipengukeshü la.

Mathi 11:26

Ketho, Apuo, sikecü n neikecü la.

Mathi 26:42

Siro puo süsieu va rei tuo la phi kecha chü di, “A Puo, mhanuü a bu hau krie molie lho üro, n medo-u chüliecie.”

Mathi 26:45

Sitse puo tuo pethakelieko ki phir di sie, “Nieko tsie rei ze mu rülei ba zo me? Harie, puotei tsote, mu Themia Nuou tepie kephoumako dzie nu shüwatuoü bate.

LUK THUKESHÜ DIELIEKEVI 22:44

Süsie puo kemezhie phi di cha puo teitsochü sakuo bata; tsiu puo rükhru thezie tuoi di po kijü tsurta.

LUK THUKESHÜ DIELIEKEVI 22:53

A teisonhie nieko ze rüsuokiu nu baya ze, mu nieko süki nie dzie pie a gei shü chie mo. Derei tsie nieko teiute, mu kezeiu puo kekuo nyite!” sita.

Johan 11:41

Süla uko ketsieu phouwa. Tsiu Jisu tosie di, “A puo, no a kecha rünyülieketa la a n thezieya.

Johan 12:23

Sitse Jisu sie unie ki, “Themia Nuou bu zayie chülieketuo teiu vorte.

Johan 13:21

Jisu hau pukeshü sie puo nou kemezhie phi di, “A nieko ki pu toushütuo, nieko donu mia puo a sewatuo,” sita.

Johan 18:37

Sitse Pilat sie, “Siro no kedimia me?” Jisu sie puo ki, “No a üse kedimia üdi pu. Hau la a penuo vor, mu hau la a kijü nu vor, ketho-u zhapu chüshüketuo la. Ketho-u kitsatie ketha kheko a die rünyüya.”

Timothi Kerieu 1:15

Khrista Jisue kephoumako kelalietuo üdi kijü tsurkecü die süu ketho tou zo mu süu ze ketseiketsolie zhü, süko donu a we phoumado-u zo.

Ibriko 2:14

Süla nuo süko keze themia chüüzie chükepfü tuoi, puo rei puochü puozie chüpfü, sidi puo siakeshü geinu kesia kekuo kenyi terhuokesuou penyüwa,

Ibriko 5:7

Jisu rei puo chüüzie pfüketuo ki, puo kecha mu puo mezhiemelokecüko nu, kra mu puo mhidzü pekrü zo di kesia nunu kelalie keviu ki cha zo, mu puo chü kerünuopie chakelie la, puo kecha rünyüshü zo.