Johan 12:2 - Angami Naga CL (Re-edited) Bible (BSI)

² Sünu ukoe puo la theva mhacau keseshü. Marthae merei ba, mu Lazar rei mizhü ki Jisu ze kebako mia puo.

Johan 12:2 Iomraidhean Croise

Solomon Üzo 4:16

Harie, pesotsa teikhrieu, sieliecie; vorliecie, pekhrotsa teikhrieu! A tezie nu rükhrieshücie, sidi puo re kethenguu bu kru parliecie. A khrieu bu puo zie nu vorliecie, sidi nhasi u keneiko cüliecie.

Mathi 26:6

Siro Jisu vo Bethani nu mpa kechüu Simon kinu ba,

Mark 14:3

Jisue Bethani nu Simon mpa kechüu ki nu ba, mu puo mhacü keba nu miapfü puo nard tier puoma kere phipfü alabaster bou puo pie vor, sidi süpfüe tier bou phalie di lapie puo tsü gei shü.

LUK THUKESHÜ DIELIEKEVI 12:37

Siro niepuu kevor ki puo kituoko puo pfhe ba di ngukelieko thejakepfütho; a nieko ki pu toushütuo, puoe puo chie phapfülie di süko bu mhacüketuo la ke balietuo, sidi puo vor mha ka kezapie uko tsütuo.

LUK THUKESHÜ DIELIEKEVI 14:12

Sidi puo sie puo kiekeshüu ki, “No khinhie morei theva mia ze hietuo üliro n khriethomia morei n siezedzürieko morei n se n yiemia morei n zanuomia mhakenyimiako kie zo hiecie, uko n kie ze vo n ze hie lawalie vikecü la.

LUK THUKESHÜ DIELIEKEVI 22:27

Ka, siro mizhü ki kebau mo, mia lie chü kethau zhakuo ütuo ga? Mizhü khieki kebau mo üme? Derei a we nieko donunu mia thekeyakezhamia mhie tuoya ze.

LUK THUKESHÜ DIELIEKEVI 5:29

Süsie Levi puo ki nu puo la thehe kezha puo keseshü, tsiu sünu khezhanuo khruoyakezha kekra mu kekreimia huo rei sa di vo uko keze mizhü geinu hie ba.

Pesikeshü 3:20

Harie! A kikha ki tha di kikha ketou thaya; kehoupuorei a pfhe si di kikha khrüshü ro a puo ki le di puo ze hietuo mu puo rei a ze hietuo.