Johan 12:13 - Angami Naga CL (Re-edited) Bible (BSI)

¹³ Süla uko puo ze kesetuoü kukuo co rhopie mu shiekhoui di, “Hosana! Niepuu za se vorkezhü Israel kediu, thejakepfütho,” sita.

Johan 12:13 Iomraidhean Croise

Isaya 44:6

Jihova, Israel Kediu, mu puo Rhakelieu, krodiko Jihovae puya: Ae therieu mu ae thelau; a sie terhuo kekrei jü.

Hosea 3:5

Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.

Levimiako 23:40

Mu nie zha therie nhie seibo keviko si, kukuobopfü coko, siro sei puonyü kekrako co, mu rücü pogei sopfüciekhrie selietuo; di nie zha thenie Jihova nie Kepenuopfü mhodzünu nie neituo.

Zefania 3:15

Jihova n petsoukecü chüsete, puoe n ngumvüko chü kereiwate. Israel kediu, Jihova sü n donu bate; noe kepeka prei sa morei vite.

Mathi 23:39

Kekreilamonyü a nieko ki pushütuo, nieko sie, ‘Niepuu za se kevor-u thejakepfüthowe,’ idi pu kemochie mhakipuorei nieko a ngulie lhote.”

Mathi 27:42

“Puo kekreimia we kelalie, derei puo thuo puo kelalie kenjüte ha! Puo Israelko kediu mo üme? Puo bu krus geinu kerlie ro, hie rei puo pelelietuo.

Johan 1:49

Sitse Nathaniel puo ki, “Kepethau, no Ukepenuopfü Nuou zo! No Israel kediu zo!”

Johan 12:14

Jisu gada yopuo ngulie di süyo gei balie. Süu dze thupie kezhü:

Johan 12:15

“Michie hiecie, Zion nuopfü, Harie, n kediu gadanuo yopuo gei ba di vorzhü ho!” si.

Johan 19:15

Sitse uko shiekhoui di sie, “Puo bu ba hie! Puo bu ba hie! Puo gouwalie.” Sitse Pilat sie uko ki, “A bu nieko kediu gouwatuo me?” Sitse zievokezhako sie, “Kaisar sie hie kedi kekrei jü,” sita.

Pesikeshü 15:3

Tsiu ukoe Ukepenuopfü kituou Mosa tsaliu, mu Tekuonuo tsaliu chü tha! “Kuokejokejüu, Niepuu Ukepenuopfü, n mhathoko zha mu u ngo zalie! N chako sü mezhü mu ketho phre, seyieko Kediu!

Pesikeshü 19:16

Puo pfheneiu mu puo do geinu theza puo, “kediko mho Kediu mu niepuko mho Niepuu,” icü thupfü tuo.

Pesikeshü 7:9

Hau sie a meho lashü ru miapuorei phrü hulie kelho krodi puo tuo, süko seyie pedekejüko nu, u seyie pete nu siro themiako tsiu die neiünei pete nu, siro u pfhenei kekra se phre tsiu u dzie nu kukuo co pie di kedibau mu Tekuonuou mhodzünu tha.