Johan 11:51 - Angami Naga CL (Re-edited) Bible (BSI)

⁵¹ Derei puo hau kepu puo thuo puo geinu monyü, sücie zievokezhatho chü keba ki ze Jisu bu seyieu la siashüketuo siedzedie pukeshü zo.

Johan 11:51 Iomraidhean Croise

Toukepra 28:30

Siro capi la merükewheu nu Urim-u mu Thumim-u khashütuo, di Aron-e Jihova mhodzünu kele ki sünie bu Aron melou gei zhatuo; sidi Aron-e Jihova mhodzünu Israelko capiu pie puo melou gei zha seituo.

Daniel 9:26

Zhadoudo hiesorouekenie sie, kenhekelieu dathewatuo mu mhapuorei ba motatuo, mu vortuoü ketuo kedinuou chüpahikoe nadiu mu kemesachüu pekawatuo. Siro puo thelau dzüdi puo vortuo, mu terhü chü di puo thela tso tuo. Pekaperuowaketuo zho-u khashüte.

Nuolhoutsüphrü 22:28

Sitse Jihovae gadau tie khrüshü di puo bu Balaam ki, “A n gei kedipuo chükecü la no va se a vüta ga?”

Nuolhoutsüphrü 24:2

Siro Balaam tosie ru, Israelkoe puotsanuo puopuo idi razhü chü keba ngulie. Sitse Ukepenuopfü ruopfüu puo gei vorta,

Mathi 20:28

Themia Nuou rei mia bu puo theketuo üdi monyü mia theketuoü tsiu themia kekra rhalieketuo la puo phou khashütuoü kevor zo.”

Johan 10:15

a Puoe a si keba tuoi a rei a Puou si ba. Mu a we a kuoko la a phou khashütuoüzhie.

Johan 11:49

Derei uko donu Kaifa, sücie zievokezhatho chü kebau, sie, “Nieko mhale mo pie kizo ga?

Johan 18:13

Sidi ukoe puo ze Ana ki vo rie, puoe sücie zievokezhatho-u chü keba Kaifa-nuo meiu.

Korintmiako Kerieu 13:2

Tsiu a siedzekesi kepu kekuo ngulie di u ngokecü dze pete silie mu mhacamhala pete silie rei, morei kijüthouko bu tuo rüditalie kevi kepele ba rei, kekhrie ba moro, a kemethuo zo.

Korintmiako Kenieu 5:21

U lanu kephouma si motokecüu chüpie kephouma chüwa, sidi u bu puo geinu Ukepenuopfü kemiatho-u nu u ya nyilie.

Galatiako 3:13

U la rüse puo chü di Khristae thezho-u rüse nunu u rhaliete, süu thupie kezhü, “Kehoupuorei sei geinu goukewa khe rüsepfüketamia zo,” isi,

Pitor Kerieu 2:24

Puo thuo krus geinu u kephoumako puo mo geinu toupfüliete, sidi u bu kephouma kitsa u pesiawa mu kemiatho la lhou tuolieketuo la; puo kevüpfüko la nieko chü kemeneliete.

Pitor Kerieu 3:18

Khrista rei u ze Ukepenuopfü ki volieketuo la, kemiatho-u bu miathokemoko sou chü, vapuochü di kephoumako la sia. Chüüphou tsa we puo pesiawata zo, derei ruopfütsa we chü perhei laliete,

Johan Kerieu 2:2

mu puoe u kephoumako la u ruo chükewau zo, tsiu u kephoumako la rübei monyü kijü pete kephouma la rei zo.

Samuel Kerieu 23:9

Siro David-e Saul puo petsou di mha kesuo rhükeba silie tse, puo zievo Abiathar ki, “Zievoboulie se haki vorliecie,” sishü.

Samuel Kerieu 28:6

Sidi Saul Jihova ketsokecü ki, Jihovae puo mho nu morei Urim geinu, morei siedzekesiko geinu rei puo die kelashü mota.