Johan 11:25 - Angami Naga CL (Re-edited) Bible (BSI)

²⁵ Jisu puo ki, “A rheilakesieu mu kerheiu zo; kehoupuorei a pelekelieu siata zorei rhei lalie zotuo,

Johan 11:25 Iomraidhean Croise

Chieliko 36:9

Kerhei dzüluou n kinu tuocü la; n kezieu nunu hie kezie nguya.

Isaya 26:19

N kesiako rheilietuo, uko moko sielietuo. He-i nyophe nu kebako, colie, mu nie kenei la keliliecie! N thezeie kezie thezei puo zo, mu kijüu hadzü nu siaketako pelhou lashüketuo la.

Isaya 38:16

He-i Jihova, themia hako se di lhou tuoya, mu hako geinu a ruopfüe rhei keba zo. Oh, a chü keshürho lashü di a bu rheiliecie!

LUK THUKESHÜ DIELIEKEVI 23:43

Süla puo sie, “A n ki pu toushütuo, no thie a ze Kerüüchü nu batatuo,”

Johan 1:4

Puo gei kerhei tuo, mu kerhei süu themia pete kezieu zo.

Johan 14:19

Zha keduoyo sie kijüu a ngu sa motatuo, derei nieko we a ngutuo, a rhei ketuo tuoi nieko rei rheituo zotuocü la.

Johan 14:6

Jisu sie puo ki, “A chau, ketho-u mu kerheiu zo. A geinu zo kemosie miapuorei Puou ki vorlieya mo.

Johan 3:16

“Siro Ukepenuopfü kijüu khriethor zo di puo Nuo pfuliu khashü zo, kekreilamonyü themia kehoupuorei puo pelekelieu kaüjüta mo di kechachie kerhei ngulieketuo la.

Johan 3:36

Kehoupuorei Nuou pelekelieu kechachie kerhei bate, kehoupuorei Nuou die ze kemo-u kerhei ngu lho, derei Kepenuopfü noupfhüu puo gei bataya.

Johan 5:21

Puoue kesiamia chü perheilie di kerhei khapie süko ketsü tuoi, Nuou rei kerhei khapie puo medomia tsüya.

Johan 5:26

Puoue kerhei puo nou ketuo tuoi, Nuou bu rei kerhei puo nou tuolieketuo Puoe khashüwate.

Johan 6:35

Jisu sie uko ki, “A sü kerhei niekhrüdau zo. Themia kehoupuorei a ki kevormia merütalie lho, mu kehoupuorei a pelekezhamia terhüta lho zo.

Johan 6:44

A ketsekeshü Puou thuo ze vorshü kemosie miapuorei a ki vorlie kenjü; mu a thelanhie süu phoupie kerhei nu shülietuo.

Mhakechüko 3:15

sidi nieko kerhei khakeshüu dukhriwa, sirei Ukepenuopfüe kesia nunu puo chü perheiliete. Hie süu zhapuko zo.

Rommiako 4:17

süu thupie kezhü, “A n bu seyie kekra puotsa chütuo”), sidi puoe peleyakezhau kesiamia chü perhei lashüyakezha mu mha tuo moto zokecüko nunu mhachü se parshülieyakecü Ukepenuopfü mhodzünu u puotsa chü.

Rommiako 8:2

Kekreilamonyü Khrista Jisu nu kelhou kerhei Ruopfü zho-u thuo kephouma mu kesia nunu a shüphraliete.

Korintmiako Kerieu 15:18

Siliro Khrista pele tuo di siaketako rei kate.

Korintmiako Kerieu 15:29

Siliro kesiamia za nu dzülupfükecüko la kita ta? Kesiamia rheilakesie jü zo üliro, kiüdi themiako süko zanu dzülupfüya ga?

Korintmiako Kenieu 4:14

sidi Niepuu Jisu chü perheikelieu thuo Jisu sa di u chü perheilietuo, mu nie sa di hie ze vo puo mhodzünu thaketuo hie si bata zo.

Filipiko 1:23

A teshükecü kenie donu thate: a tuota di vo Khrista ze baketa mengu, süue vikuo zo;

Filipiko 3:10

A Khrista mu puo rheilasiekelie kekuo rei si nyü sidi puo mezhieko nu puo ze kemezhielie di puo seu nu rei puo mhielie,

Thesaloniako Kerieu 4:14

Siro we Jisu siaketa mu lasieketa peleya liro, süsütuoi Jisu kitsa tuo di siaketako rei Ukepenuopfüe puo sa ze votatuo.

Pesikeshü 1:18

mu rheituoyakezhau. A siata ru harie, a tsie kechachie mu kechachie rhei tuote; tsiu a Kesia mu Hades cabiko seya.

Pesikeshü 20:5

(Kesiamia keshako teicie nyie puo tseita kemochie rhei lalie mo.) Hauha rheilakesie therieu.

Pesikeshü 21:4

puo uko mhi nunu mhidzü pete süwatuo. Kesia ba sa motatuo; thekrü mu kekra tsiu kemezhiekecü ba sa motatuo, mha kerieko jüketa la,” idi pucü si.

Pesikeshü 22:1

Süsie teigeidielieu kerhei rüu tha a kie, mevapie kristal mhie, Ukepenuopfü mu Tekuonuou kedibau nunu kru par,

Pesikeshü 22:17

Sitse Ruopfüu mu yasapfüe, “Vorliecie,” isi. Siro kehoupuorei rünyükeliemia, “Vorlie,” sicie. Tsiu kehoupuorei keterhüu vorliecie. Kehoupuorei kerheidzüu mengukezhamia methuo di lieliecie.