Johan 10:6 - Angami Naga CL (Re-edited) Bible (BSI)

⁶ Jisue uko ki dievi hau pushü, derei uko puo kepuca silie mota.

Johan 10:6 Iomraidhean Croise

Chieliko 106:7

Hie puonuoko Ijipt nu ketuo ki n mhatho u ngocüko ca silie mo, uko n kekhrie kezhako rükrashü mo; uko Kemerie Dzükezha kinu Kerükrietho-u petsouta.

Chieliko 82:5

Uko siya mo, morei le reiya mo, uko kezei nu whi tuoyacü zo; kijüu mvüdze pete rüniete.

Mhasidie 28:5

Themia kesuokoe kethocau silieya mo, derei Jihova pfhüyakezhamiae mha pete siya.

Isaya 56:11

Tefüko u me vi kemerie; ukoe kepevü siya mo. Kuopfheko puocapuola sikelie rei jü; uko pete cha u tse vate, uko thuo u zhazhü le phre, mia peteko.

Daniel 12:10

Themia kekra chü kemesa, khrüwa, chü pevilietuo, derei kerüzhüko we rüzhü ba zotuo. Kerüzhüko miapuorei puocapuola silie lho, derei mhakesimia we puocapuola silietuo.

Mathi 13:34

Jisue mha hako pete dievi nunu themia kroko ki pu; puoe dievi se mo di uko ki mhapuorei pu mo.

Mathi 13:51

“Nieko hako pete ca siliete mo?” Sitse uko sie, “U” sita.

Mark 4:34

Puo dievi se mo di uko ki mhapuorei pu mo, derei puo puoe pethakelieko rübeiketa ki puoca pete vatshashüya.

Johan 16:25

“A mha hako kedievi di pie nie ki puya. Derei a kedievi mo di Puou dze pu kemecietsuoishüketuo tei puo vorzhie.

Johan 16:29

Sitse puoe pethakelieko sie puo ki, “No tsie we kedievi mo di mha pu kemecie tsuoishü bate.

Johan 6:52

Sitse Judako thuo keprüli di huoniehuo üse, “Themia hauha kikidi puo chü pie u bu cülie vi ta?” sita.

Johan 6:60

Puoe pethakelieko kekra die hau si di, “Die hau die kere puota zo, supuonie süu rünyülie vi ta?” ita.

Johan 7:36

Puo pucü, ‘Nieko a pfhütuo mu nieko a ngulie lho, mu a kebara nieko vorlie kenjü,’ isikecü hau puoca kedipuota mu?”

Johan 8:27

Ukoe puo uko ki Puou dze pie pu ketha cau silie mota.

Johan 8:43

Nieko kiüdi a kepuu silie mo ga? Süu nieko a die rünyü kemvü la zo.

Korintmiako Kerieu 2:14

Kehoupuorei ruopfü themia kemomia Ukepenuopfü Ruopfüu mhaphruoko ngulie kenjü, kekreilamonyü puo mhodzüki die süko üse kenya die üya, mu uko die süko ca silie kenjü, kekreilamonyü Ruopfüu nunu si kekreilie morokesuo la.

Pitor Kenieu 2:22

Süko dze mia, “Tefü merüshü di puo thuo puo merü nu la phiya,” mu “Thevo puo khrü kemesashü rei la le phuo buoya” üdi mhasidie ketho-u nu kepu mhie tou zo.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.