Johan 10:16 - Angami Naga CL (Re-edited) Bible (BSI)

¹⁶ A kuo kro hau nu ba kemo tekuo kekrei rei ba saluo. A süko rei ze vorlie morosuo, mu süko a pfhe rünyütuo. Sidi tekuokro puo chü, kepfhe rei puotatuo.

Johan 10:16 Iomraidhean Croise

Keriekitho 49:10

Juda kinu kedi theu tuotalie lho, mha kekhakecü theu rei puo phinie cielie lho, mia khezhanuo puo tsü, mu die ze vor kemochie.

Chieliko 86:9

He-i Jihova, no chükeshü seyie pete vor n mhodzünu n rüsuotuo, sidi n za chü kemeyieshütuo.

Pethakeshüu 12:11

Mhakesimia die-e kethe kemethe mhie, tsiu kehou nu kepethamiae gojal pie zhie kesakeshü, tekuokepfhemia puo kinu khakeshü kengukelie dieko kemhie:

Isaya 11:10

Sünhie Jese mieu themiako mhodzünu zasi puo tuoi thalietuo; seyiekoe puo dze ketsotuo, mu puochü puobako zayie chü zotuo.

Isaya 43:6

A pesotsako ki, “Uko khashüwalie,” sishütuo, mu pekhrotsako ki, “Khase ba zo hie, a nuo thepfuko petse nunu ze vorlie, mu thenuko kijü vala nunu ze vorlie.

Isaya 49:6

Puoe pucü, “Jakob seyieko piesie laketuo mu Israel lhiekelieko ze lalieketuo la, n bu a kituou chükecü mha kecü puo zo; a kelakelie bu kijü vala tsolieketuo la, ae n pie seyieko kezie puo chütuo.”

Isaya 52:10

Jihova seyieko pete mhingu chü puo bou kemesau hieshüte, mu kijü vala pete bu Ukepenuopfü kelakelie ngutuo.

Isaya 56:8

Israel whuowaketako pfhü kenguyakecü, Niepuu Jihovae puya, a tsie kengulieketako zo moü kekreimia rei ze vor uko ki shütuo.

Ezekiel 34:12

Kuopfhemia puoe tekuokroko donu yotuoketa kuoko pfhüyakezha tuoi, sütuoi a rei a kuoko pfhülietuo. Sidi kimhoushü ketuo teiki mu teizeibouikecü teiki uko cüre tuoketa thechü pete nunu uko kelalietuo.

Ezekiel 34:23

A uko kepfhe puo khapie bawatuo; a kituou David uko va chütuo; puo uko vachütuo mu uko kepfheu chütuo.

Ezekiel 34:6

A kuoko cüre tuote, uko kijüthou pete mu kijükhru pete gei yotuote, a kuoko kijü zie pete gei cüre tuote, miapuorei uko pfhü morei uko siepie vo mo.

Ezekiel 37:22

A uko kijü nu, süu Israel kijüthouko geinu uko chüpie seyie puo chüshütuo; siro kedi puo bu uko mho dituo. Uko bu mhakipuorei seyie kenie chülie lho mu uko bu mhakipuorei kedi kenie chü salie lho.

Ezekiel 37:24

A kituou David bu uko mho kedi chütuo; mu uko pete rei u kepfhe puo ngulietuo. Uko a zhoko medzilie mu menuo di a diekhakeshüko zelietuo.

Hosea 1:10

Sirei Israelko phrü kesieki dzükezha nu huocanyo mhietatuo, sidi mejü morei phrü hulie lhotatuo; siro uko ki, “Nieko a themia mo” sikeshüra nu uko ki, “Rhei tuoyakezha Kepenuopfü nuonuoko,” ilashütuo.

Zekaria 2:11

Sünhie seyie kekra u thuo vo Jihova zetatuo, sidi a themia chülietuo; mu a nieko donu lhou balietuo. Sitse niekoe krodiko Jihova thuo a ketsepie nieko ki shü ücü silietuo.

Mathi 17:5

Siro puo die pu thaluocü nu, kimhou ziekruoikecü puo shü mhai vor uko zepfülieta, tsiu kimhou geinu harie mhapfhe puo, “Hauha a Nuo a Khrietho-u zo, a puo ngu a neithoyakezhau, nieko puo die rünyüliecie,” isi vor.

LUK THUKESHÜ DIELIEKEVI 15:8

“Morei miapfü puoe rakachü kapie ker ba di süko donu puo pejüwa liro, puo mibou petulie di süyo ngulie kemochie kitsho di pfhüya kemo supuo ba ga?

Johan 10:11

“A tekuo kepfhe keviu zo, tekuo kepfhe keviue tekuoko la puo phou khashüya.

Johan 10:2

Careu ze di leyakezhau tekuoko kepfheu zo.

Johan 10:27

A kuoko a pfhe rünyüya. A süko si ba, mu uko a siemedziya.

Johan 10:3

Care kepfheu care khrüshü puo tsüya mu tekuoko puo pfhe silieya, puoe puo kuoko za kie di uko kieya, sidi cha tha ze parshüya.

Johan 10:4

Puo süko ze phre pralie ro süko mhodzü rie di uko shüta ze tuoya mu tekuoko rei puo siemedziya, kekreilamonyü sükoe puo pfhe siyakezha la.

Johan 10:5

Süko kekreimia siemedzita monyü ta sümia therütaya, süko kekreimia pfhe siya kemo la.”

Johan 11:52

Mu seyieu la rübei zomonyü cüre tuoketa Ukepenuopfü nuonuoko ze vor puo chülieketuo la.

Johan 17:20

“A hako rübei la zomonyü uko die nunu a pelelieketuoko la rei chaya,

Johan 6:37

Puoue khapie a ketsü kheko a ki vor phretuo, mu kehoupuorei a ki kevormia a sümia khawalie lho;

Mhakechüko 15:14

Ukepenuopfü puo thuo puo za la Judakemoko donunu mia kro puo kielietuo üdi uko ki vo riekecü dze Simon-e pushüte.

Mhakechüko 18:10

a n ze tuo zo, süla miapuorei n bie pesuowalie lho, rüna hanu a themia kekra bakecü la.”

Mhakechüko 22:14

Ru puo sie, ‘U puonuoko Kepenuopfü n kedapie n bu puo medo silieketuo, tsiu kemiatho-u ngulieketuo mu puo tie nunu kepar puo pfheu rünyütuoü rhüse tuote;

Rommiako 11:25

A zeko, a nieko bu kemhasita molieketuo la, a nie bu mha kesou hau si nyü: Judakemoko kra lotsolie kemochie, Israelko huo u nou re tuotuo.

Thesaloniako Kenieu 2:13

Derei Niepuu khriekepfü hie kezeko, hie nie la Ukepenuopfü thezie sei tuo zhüte, kekreilamonyü Ruopfüu bu nie chü kemesakelie mu nie bu ketho-u pelekelie geinu nie bu kelalieketa puo silie keriemia chütuo üdi Ukepenuopfü thuo kedapie tuoketa la.

Ibriko 13:20

Siro Ukepenuopfü nouneu, puoe kesia nunu u Niepuu Jisu chü perhei lakeshüu, tekuoko kepfhekezhau, puo zie geinu kechachie dietseidiekhokelieu bu

Pitor Kerieu 2:10

Va puo we nieko ü themia ütuo mo, derei tsie we nie Ukepenuopfü themia chüte; Va puo we nie ngukemezhie ngulie mo, derei tsie we nie ngukemezhieu nguliete.

Pitor Kerieu 2:25

Kekreilamonyü nieko tekuo tuoi yotuo ru, tsie we nie ruopfü kepfheu mu rüguokezhau ki vorliete.

Pitor Kerieu 5:4

Siro Kuopfhe Kezhau mia mhingu chü kevor nhie nieko mhakipuorei ratalie kelho zayie tsüre ngulietuo.

Pesikeshü 3:20

Harie! A kikha ki tha di kikha ketou thaya; kehoupuorei a pfhe si di kikha khrüshü ro a puo ki le di puo ze hietuo mu puo rei a ze hietuo.