Johan 10:14 - Angami Naga CL (Re-edited) Bible (BSI)

¹⁴ A tekuo kepfhe keviu zo. A a vieko si mu a vieko rei a si ba,

Johan 10:14 Iomraidhean Croise

Chieliko 1:6

Jihovae kemiathomia chau mehoyacü la; derei kerüzhüko cha we katatuo.

Isaya 40:11

Kuopfheu tuoi puoe puo kuoko vachütuo; tekuonuoko kengupie puo bou nu shülietuo, tsiu puo merü geinu uko pietuo, mu puo krüko menuo di ze tuotuo.

Isaya 53:11

Kemezhiekeshü geinu puo kezieu ngutuo; puo kesikele geinu puo kenei ngulietuo. Kemiatho-u, a kituou, kemiathomia kekra chüshütuo, mu puoe uko kejokemouko pfülietuo.

Nahum 1:7

Jihovae vi, kemezhiekecü teisozha nhie u keya kemeteiu zo; puoe puo geinu rüzhükelieko keyau chülieya,

Johan 10:11

“A tekuo kepfhe keviu zo, tekuo kepfhe keviue tekuoko la puo phou khashüya.

Johan 10:13

Mia bu puo zhakhrü ze ketuou tataya, kekreilamonyü puoe tekuoko rüli leya kemo la.

Johan 10:27

A kuoko a pfhe rünyüya. A süko si ba, mu uko a siemedziya.

Johan 17:3

Siro uko bu ketho Kepenuopfüe puo rübei zokecü mu noe puo ketsekeshü Jisu Khrista sikelie süusü kechachie kerhei zo.

Johan 17:8

kekreilamonyü no se a tsükeshü dieko a pie uko tsüshüwate, mu uko süko zelie, sidi ukoe a n kinu vor kethota zo ükecü siliete; mu uko noe a ketseshü zo ücü pelete.

Korintmiako Kenieu 4:6

Ukepenuopfü thuo pukecü, “Kezie bu kezei nu zieliecie,” ikeshü, süu Ukepenuopfü zayie kechüu mu mhasiu hie nou va pezielie di Jisu Khrista zie geinu thashüwate.

Efesako 1:17

Nie puo sikelie ze di u Niepu Jisu Khrista-nuo Puou, zapuzayie kechü Puou bu mhasi mu sikelie ruopfü kha nie tsükelieu sü a kecha zo,

Efesako 3:19

mu mhasi nunu si vo tsolie kelho Khrista kekhrieu silie, sidi Ukepenuopfü bu nie ketshu chülieketuo la chaya.

Filipiko 3:8

Sizomonyü a Niepuu Khrista Jisu sikelie süu mha pete ki rei vikuoketa la mha kekreiko puorei phrü tuo mote. Puo la a mha pete khawate, tsiu a Khrista pie a vie chülie nyü di mha kekrei pete üse cienheciera chüwate,

Timothi Kenieu 1:12

tsiu süu la a kemezhiekecü hako rei ngulie. Derei süla a mengata mo, kekreilamonyü a puo pele tuoketau a süu si tuoya zo, mu a mha pie puo pelekewau puo süu rüguo se teisozha süu tsolie vikecü a si tou bata zo.

Timothi Kenieu 2:19

Derei Ukepenuopfü puo bodekeshüu we metei ba zo, mu süu gei: “Niepuu puo thuo puo vieko si ba,” mu “Kehoupuorei Niepuu za kiekeliemia mha kesuo kechü therhietacie,” icü thupie zhü.

Johan Kerieu 5:20

Ukepenuopfü Nuou vor di kesikele pie u tsü di u bu puoe ketho-u ücü silie; mu we Nuou Jisu Khristae ketho zocüu nou bate. Puoe ketho zokecüu Ukepenuopfü mu kechachie kerheiu zo.

Pesikeshü 2:13

“A n kebachü si, süu Satan kedibau zo. Sishierei nieko a zau theze kemetei thalie, mu a zhapuu Antipas a gei dietho kethau, Satan kebachüu nu nieko donu puo kedukhri teiki zorei nie a gei nie kepeleu khawa mo.

Pesikeshü 2:19

“A n mhathoko, n kekhrie, kepele, lietho kechü, mu shügeshühiekelie si ba. N mhatho thelako therietsa ki rei zhakuotacü a si.

Pesikeshü 2:2

“A n mhathoko si, n rhiechükecü mu shügeshühie phikecü. Kesuo kechümia n medelie kenjücü a si; mu no huomia u thuo uü apostelmia ükezhako rüli rie di sükoe moketa tsiu uko tijü silie.

Pesikeshü 2:9

“A n mezhieko mu no mhajükecü si, no mhanyi phi ba zo ürei. Siro mia tha di u thuo uü Judamia üdi pu derei mo zo, ukoe Satan sinagog zocü a si.

Pesikeshü 3:1

“Thupie Sardis nu kehou teigeidielieu ki keshü: Hako Ukepenuopfü ruopfü thenieko mu themvü thenie kebau kinu kevor dieko: “A n mhathoko si; noe rhei keba zau se ba, derei no siate.

Pesikeshü 3:15

“A n mhathoko si; no meku rei mo, le rei mo. No meku morei lecü we a neituomu ru.

Pesikeshü 3:8

“A n mhathoko si. Harie, a miapuorei khawalie kelho kikha khrüpie ketha puo khapie n mhodzünu shüshü ho. A n kekuo keduo yopuo keba si, mu si shierei no a dieu se ba tsiu a za phra mvüta molie.