Johan 1:49 - Angami Naga CL (Re-edited) Bible (BSI)

⁴⁹ Sitse Nathaniel puo ki, “Kepethau, no Ukepenuopfü Nuou zo! No Israel kediu zo!”

Johan 1:49 Iomraidhean Croise

Chieliko 110:1

Jihovae a Niepuu ki, “A zatsa balie, a n ngumvüko pie n phiba chüwa kemochie.”

Chieliko 2:6

“A a kediu pie kemesa kijüthou, Zion gei shüwate.”

Isaya 9:7

Puo sorkari kruo sei zhü zotuo, siro David kedibau gei mu puo kedirüvie nu vitho puo thela balie lho zocü la. Puoe kethoca tsiu kemiatho se süu chüshü mu se balietuo; thie yawinu vo kechachie ketso. Krodiko Jihova shürheiu thuo hau chüshütuo.

Daniel 9:25

Süla tsie sielie di puocapuola silie: Jerusalem chü lalieketuo mu chü piesie lalieketuo pu kepar nhie nu kenhekelie kedinuo puo kevor ketso zhadoudo thenietuo; mu zhadoudo hiesorouekenieko chaüko chü mu thekhe rei thietuo, derei kemezhiekecü tei puotuo.

Hosea 3:5

Süsie Israelmiako rürei la vorlie sidi Jihova uko Kepenuopfü pfhü mu uko kediu David pfhü lalietuo. Siro teisozha kenuotsa Jihova tsiu puo ketseikevi khrüprei nu vortuo.

Mika 5:2

Derei no, he-i, Bethlehem Efratha, noe Juda chienuoko donu kecütho puo shierei, n geinu a la Israel kekhaketuou partuo, puo thiedzütho nu tuote, kerietho ki nu tuote.

Zefania 3:15

Jihova n petsoukecü chüsete, puoe n ngumvüko chü kereiwate. Israel kediu, Jihova sü n donu bate; noe kepeka prei sa morei vite.

Zekaria 9:9

N nei philie, He-i Zion nuopfü! Shie petoshülie, He-i Jerusalem nuopfü! Harie, n kediu n ki vorzhie; zapuzayie mu kuokelie sü puo zo, menenuoi di gada geinu, gada kemedzü yopuo gei tuo.

Mathi 14:33

Süki rouu nu ketuoko vor puo rüsuo di sie, “No Ukepenuopfü Nuou ketho zo,” sita.

Mathi 2:2

di sie, “Judamia kediu penuo ze kebayo kirapuo ba ga? Kekreilamonyü hie niathutsa nu puo themvüu ngu di puo kelutuoü vorzhüwe,” ita.

Mathi 21:5

“Nieko Zion nuopfü ki pushücie, Harie, n kediu n ki vorzhü ho, puo zho vi di gadapfü puo gei tuo, gada yopuo, gadanuopfü geinu,” ikecü dieu tseilieketuo la.

Mathi 23:7

tsiu lhithochüko nu mia bu u kelu mu u üse rabi idi kiekecü u neiya.

Mathi 23:8

Derei nieko we mia bu nie üse rabi üdi kie hie, kekreilamonyü nieko kepethau puo rübei zo, mu nieko pete siezedzürie zo.

Mathi 27:11

Siro Jisu ze vo ahng mhodzünu thalie tse, süu puo ki, “No Judako kediu me?” Sitse Jisu sie “No pushüwata zo,” si.

Mathi 27:42

“Puo kekreimia we kelalie, derei puo thuo puo kelalie kenjüte ha! Puo Israelko kediu mo üme? Puo bu krus geinu kerlie ro, hie rei puo pelelietuo.

Mathi 4:3

Sitse kedokecüu vor di sie puo ki, “No Ukepenuopfü Nuou üro, ketsie hako ki pushü di uko bu niekhrüda meviliecie,” sita.

Mark 15:32

Khrista, Israelko kediu bu krus geinu kerliecie, siro hie rei pelelietuo,” ita. Siro Jisu sa goupiekezhanie rei puo kengata.

LUK THUKESHÜ DIELIEKEVI 1:35

Sitse teigeidielieu sie puo ki, “Kemesa Ruopfüu n gei vortuo, mu Kerükrietho-u kekuo pie n soupfülietuo; süla penuolieketuoyo mesa zo; puo üse Ukepenuopfü Nuou ütuo.

LUK THUKESHÜ DIELIEKEVI 19:38

di sie, “Niepuu zanu vorkezhü kediu bu thejakepfüu chücie! Teigei rei keviu chülie, mu tei pesotho gei kebau bu zayie chücie!” ituota.

Johan 1:18

Miapuorei mhakipuorei Ukepenuopfü ngu mo. Süu Ukepenuopfü Nuo pfuliu, puo Puo merü gei kebau thuo mia bu puo sikelie chükeshü zo.

Johan 1:34

A thuo süu nguwate, süla a nie ki puo Ukepenuopfü Nuou zo ükecü zhapu chüya ho.”

Johan 1:38

Süla Jisu reipra unie puo siemedziketuo ngulie di sie, “Nnie kedipuo pfhüya ga?” Unie sie puo ki, “Rabi (puoca Kepethau) no kirapuo baya ga?”

Johan 1:50

Jisu puo ki, “No chiedebo-u khro keba ki a n nguwaketa pukeshü la no pelete me? No hau ki rei mha kezha phi ngu satuo.”

Johan 18:37

Sitse Pilat sie, “Siro no kedimia me?” Jisu sie puo ki, “No a üse kedimia üdi pu. Hau la a penuo vor, mu hau la a kijü nu vor, ketho-u zhapu chüshüketuo la. Ketho-u kitsatie ketha kheko a die rünyüya.”

Johan 4:31

Süki puoe pethakelieko sie puo ki, “Kepethau, no mha huo cüliecie,” si.