Johan 1:33 - Angami Naga CL (Re-edited) Bible (BSI)

³³ Siro a rei puo silie mota zo, derei a ketsepie a bu dzü nu mia dzülu khashünukecüue sie a ki, ‘No Ruopfüu ker themiau gei bakelie ngulietuo, mu süu Kemesa Ruopfü nunu mia dzülu khashüketuou ho.’

Johan 1:33 Iomraidhean Croise

Mathi 3:11

“A we nie bu thenoukedilieketuo la dzü nunu nie dzülu khakeshü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülu pie nieko tsütuo.

LUK THUKESHÜ DIELIEKEVI 3:16

Süla Johan sie uko ki, “A zo we dzü nunu nieko dzülu khashükezha zo, derei a ki zhakuokecü mia puo a sietsa vorzhie, a zo we puo phikoupha rei phreilie sü mo. Puo zo we Kemesa Ruopfü mu mi nunu nieko dzülu khashütuo.

Johan 1:31

A thuo rei puo süu zo ükecü silie mota zo; derei puo pie Israelmia pesishüketuo la a dzü nunu mia dzülu khashü kevor zo.”

Johan 14:26

Derei Thukepeluo, Kemesa Ruopfüu, Puou a za nunu ketseshüketuou thuo mha pete pie nie pethalietuo, mu a nie ki pukeshü pete nie bu rükralietuo.

Johan 3:34

Ukepenuopfüe ketsekeshüu Ukepenuopfü die puya, puoe mejü mo zo di Ruopfüu khashüyakecü la.

Johan 3:5

Jisu sie, “A n ki pu toushütuo, dzü mu Ruopfü nunu penuo la kemosie miapuorei Ukepenuopfü kedi nu lekelie jü zo.

Johan 7:39

Jisue puo pelekelieko bu ngulieketuo Ruopfüu dze hau pushü, süki zo we Ruopfü khashü mo zoluocü la; kekreilamonyü Jisu zayie chülie mo zoluo.

Mhakechüko 1:5

kekreilamonyü Johan we dzü nunu dzülu khashü mia tsü, derei hasie zha cha ba kemonu nieko we Kemesa Ruopfü nunu dzülupfütuo.”

Mhakechüko 2:4

Uko pete Kemesa Ruopfüu u tshupfü di Ruopfüue tsükeshü mhiei die kekreiko nunu mha pu sieta.

Korintmiako Kerieu 12:13

Sütuoi u pete Judamia rei Grikmia rei, miadiemia rei kemomia rei, keze mo puo chüketuo la Ruopfü puo nunu dzülupfü phreliete, mu u pete bu krieketuo Ruopfü puo khashüwate.