Johan 1:30 - Angami Naga CL (Re-edited) Bible (BSI)

³⁰ Hauha a puo dze pu di, ‘Mia puo a sie vorzhü mu puo a ki zhakuo, puo a mhodzü tuota zokecü la,’ ikeshüu zo.

Johan 1:30 Iomraidhean Croise

Mathi 3:11

“A we nie bu thenoukedilieketuo la dzü nunu nie dzülu khakeshü zo, derei a sie vorkezhüu we a ki zhakuo; a puo phikou pie reilie sü mo; puoe Kemesa Ruopfü nu mu mi nunu dzülu pie nieko tsütuo.

LUK THUKESHÜ DIELIEKEVI 3:16

Süla Johan sie uko ki, “A zo we dzü nunu nieko dzülu khashükezha zo, derei a ki zhakuokecü mia puo a sietsa vorzhie, a zo we puo phikoupha rei phreilie sü mo. Puo zo we Kemesa Ruopfü mu mi nunu nieko dzülu khashütuo.

Johan 1:15

(Johan puo zhapu chü shiekhoui di sie, “ ‘Mia puo a sie vorzhü, derei puo a ki zhakuo, a penuokelie mhodzü puo tuota zokecü la’ idi a puo dze kepuu sü hau zo.”)

Johan 1:27

Puo a sie vorzhü, a puo phikoupha rei phreilie sü mo.”

Johan 1:31

A thuo rei puo süu zo ükecü silie mota zo; derei puo pie Israelmia pesishüketuo la a dzü nunu mia dzülu khashü kevor zo.”

Johan 10:41

Süla themia kekra puo ki vor di sie, “Johan zowe u ngo zasi puorei chü mo, derei Johan themia hau dze kepu pete ketho phreta ze ha.”